ଅକ୍ସିଜେନ୍ ଟାଙ୍କି ଲିକ୍ ଘଟଣାରେ ଦୁଃଖ ପ୍ରକାଶ କଲେ ପ୍ରଧାନମନ୍ତ୍ରୀ, ମୃତକଙ୍କ ପରିବାରଙ୍କୁ ୫ଲକ୍ଷ ଟଙ୍କା ସାହାଯ୍ୟ ରାଶି ଘୋଷଣା
ମହାରାଷ୍ଟ୍ର ୨୧ ।୪ (ଓଡିଶା ଭାସ୍କର) : ନାସିକ୍ ହସ୍ପିଟାଲରେ ହୋଇଥିବା ଅକ୍ସିଜେନ୍ ଲିକ୍ ଘଟଣାରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଦୁଃଖ ପ୍ରକାଶ କରିଛନ୍ତି । ଏହି ଘଟଣା ଅତ୍ୟନ୍ତ ଯନ୍ତ୍ରଣା ଦାୟକ । ଏଥିରେ ପ୍ରାଣ ହରାଇଥିବା ଲୋକଙ୍କ କ୍ଷତି କେହି ପୁରା କରିପାରିବେ ନାହିଁ । ଏହାସହ ମୃତ ପରିବାର ଲୋକଙ୍କୁ ପ୍ରତି ତାଙ୍କର ସମ୍ବେଦନା ପ୍ରକଟ କରିଛନ୍ତି ।
The tragedy at a hospital in Nashik because of oxygen tank leakage is heart-wrenching. Anguished by the loss of lives due to it. Condolences to the bereaved families in this sad hour.
— Narendra Modi (@narendramodi) April 21, 2021
ସେହିପରି ଗୃହ ମନ୍ତ୍ରୀ ଅମିତ ଶାହ ଏହି ଘଟଣା ପାଇଁ ଶୋକ ପ୍ରକାଶ କରିଛନ୍ତି । ସେପଟେ କଂଗ୍ରେସ ନେତା ରାହୁଲ ଗାନ୍ଧୀ ମଧ୍ୟ ମୃତକଙ୍କ ଲାଗି ଦୁୁଃଖ ପ୍ରକାଶ କରିବା ସହ ମୃତକଙ୍କ ପରିବାରକୁ ସମ୍ବେଦନା ଜଣାଇଛନ୍ତି । ଏହି ଘଟଣାରେ ମହାରାଷ୍ଟ୍ରର ମୁଖ୍ୟମନ୍ତ୍ରୀ ଉଦ୍ଧବ ଠାକରେ ମୃତକଙ୍କ ପ୍ରତି ଶୋକ ପ୍ରକାଶ କରିବା ସହିତ ମୃତକଙ୍କ ପରିବାର ଲୋକଙ୍କୁ ୫ଲକ୍ଷ ଟଙ୍କା ସାହାଯ୍ୟ ରାଶ ଦିଆଯିବ ବୋଲିି ଘୋଷଣା କରିଛନ୍ତି । ଏହାବ୍ୟତିତ ଅକ୍ସିଜେନ୍ ଲିକ୍ ଘଟଣାର ଉଚ୍ଚ ସ୍ତରୀୟ ତଦନ୍ତ ପାଇଁ ନିର୍ଦ୍ଦେଶ ମଧ୍ୟ ଦେଇଛନ୍ତି ।
नासिक के एक अस्पताल में ऑक्सिजन लीक होने से हुई दुर्घटना का समाचार सुन व्यथित हूँ। इस हादसे में जिन लोगों ने अपनों को खोया है उनकी इस अपूरणीय क्षति पर अपनी गहरी संवेदनाएं व्यक्त करता हूँ। बाकी सभी मरीजों की कुशलता के लिए ईश्वर से प्रार्थना करता हूँ।
— Amit Shah (@AmitShah) April 21, 2021
ସୂଚନା ଅନୁସାରେ ମହାରାଷ୍ଟ୍ରର ନାସିକ୍ ସହରର ଜାକୀର ହୁସେନ୍ ହସ୍ପିଟାଲରେ ଏକ ଅକ୍ସିଜେନ୍ ଟାଙ୍କି ଲିକ୍ ହୋଇଯାଇଛି । ଏଥିରେ ୨୨ ଜଣ କରୋନା ରୋଗୀଙ୍କର ମୃତ୍ୟୁ ହୋଇଛି । ସ୍ଥାନୀୟ ପ୍ରଶାସନ କହିବା ଅନୁସାରେ ଟାଙ୍କି ଲିକ୍ ହୋଇଯିବାରୁ ଅତି କମରେ ୩୦ ମିନିଟ୍ ପାଇଁ ଅକ୍ସିଜେନ୍ ସପ୍ଲାଇ ବନ୍ଦ ହୋଇ ଯାଇଥିଲା । ଯେଉଁଥିପାଇଁ ଭେଣ୍ଟିଲେଟରରେ ଥିବା ୨୩ ଜଣଙ୍କ ମଧ୍ୟରୁ ୨୨ ଜଣ ରୋଗୀଙ୍କର ମୃତ୍ୟୁୁ ହୋଇଯାଇଛି । ଏହି ଘଟଣା ଯେତେବେଳେ ହେଲା ସେହି ସମୟରେ ୧୭୧ ଜଣ ରୋଗୀ ହସ୍ପିଟାଲ ଭିତରେ ଥିଲେ । ଅକ୍ସିଜେନ୍ ଲିିକ୍ ହେହବା ପରେ ରୋଗୀଙ୍କୁ ଅନ୍ୟ ହସ୍ପିଟାଲକୁ ସ୍ତାନ୍ତରଣ କରାଯାଇଛି । ଏନେଇ ରାଜ୍ୟ ସ୍ୱାସ୍ଥ୍ୟ ମନ୍ତ୍ରୀ ରାଜେଶ ଟୋପେ କହିଛନ୍ତି କି ଏବେ ଅକ୍ସିଜେନ ଲିକ୍ ଉପରେ କାବୁ କରାଯାଇଛି ।
