କରୋନାକୁ ହରାଇଲେ ୧୦୩ ବର୍ଷୀୟ ଗାନ୍ଧୀବାଦୀ ନେତା
ବେଙ୍ଗାଲୁରୁ, ୧୨/୦୫: ଜଣାଶୁଣା ଗାନ୍ଧୀବାନ୍ଦୀ ତଥା ସ୍ୱାଧୀନତା ସଂଗ୍ରାମୀ ଏଚ୍ ଏସ ଡୋରାସ୍ୱାମୀ ୧୦୩ ବର୍ଷ ବୟସରେ କୋଭିଡ ଯୁଦ୍ଧରେ ଜିତି ଘରକୁ ଫେରିଛନ୍ତି। ସେ କହିଛନ୍ତି ଯେ “ପାଞ୍ଚ ଦିନ ପୂର୍ବରୁ ମୁଁ ଲକ୍ଷଣ ଦେଖିଥିଲି କିନ୍ତୁ କୌଣସି ଜଟିଳତା ନଥିଲା । ତଥାପି, ମୋର ଶ୍ୱାସକ୍ରିୟାରେ ସମସ୍ୟା ଥିବାରୁ ମୁଁ ଡାକ୍ତରଖାନାରେ ଭର୍ତ୍ତି ହେବାକୁ ନିଷ୍ପତ୍ତି ନେଇଛି ।”
ଡୋରାସ୍ୱାମୀଙ୍କ କହିବାନୁସାରେ, ସରକାରୀ ସ୍ୱୟଂଶାସିତ ହସ୍ପିଟାଲ ଜୟଦେବ ଇନଷ୍ଟିଚ୍ୟୁଟ୍ ଅଫ୍ କାର୍ଡିଓଭାସ୍କୁଲାର ସାଇନ୍ସ ଆଣ୍ଡ ରିସର୍ଚ୍ଚରେ ଭର୍ତ୍ତି ହୋଇଥିଲେ।
ସୂତ୍ରରୁ ଜଣାପଡିଛି ଯେ ଜୟଦେବ ପ୍ରତିଷ୍ଠାନର ନିର୍ଦ୍ଦେଶକ ଡକ୍ଟର ସି.ଏନ୍ ମଞ୍ଜୁନାଥ, ଜଣାଶୁଣା ହୃଦ୍ରୋଗ ବିଶେଷଜ୍ଞ ତଥା ପୂର୍ବତନ ପ୍ରଧାନମନ୍ତ୍ରୀ ଏଚଡି ଦେବଗୌଡାଙ୍କ ପୁତୁରା ତାଙ୍କ ଚିକିତ୍ସା ଉପରେ ନଜର ରଖିଥିଲେ।
ଭାରତ ଛାଡ ଆନ୍ଦୋଳନ ଏବଂ ମହୀଶୂର ଚଲୋ ଆନ୍ଦୋଳନରେ ଭାଗ ନେଇଥିଲେ:
ଡୋରାସ୍ୱାମୀ ଭାରତ ଛାଡ ଆନ୍ଦୋଳନରେ ଭାଗ ନେଇଥିଲେ ଏବଂ ୧୯୪୩ ରୁ ୧୯୪୪ ପର୍ୟ୍ୟନ୍ତ ୧୪ ମାସ ଜେଲରେ ରହିଥିଲେ। ଏହି ଗାନ୍ଧୀ ନେତା ମହୀଶୂର ଚଲୋ ଆନ୍ଦୋଳନରେ ଅଂଶଗ୍ରହଣ କରିଥିଲେ, ଯେଉଁଥିପାଇଁ ମହୀଶୂର ମହାରାଜ ତାଙ୍କ ରାଜ୍ୟକୁ ସ୍ୱାଧୀନତା ପରେ ଭାରତୀୟ ୟୁନିୟନରେ ମିଶ୍ରଣ କରିବାକୁ ପଡ଼ିଥିଲା ।