ନୁଆ ଆଇସିୟୁ ୱାର୍ଡ ଛାତରୁ ଗଳୁଛି ପାଣି, ଭିଡିଓ ଭାଇରାଲ୍
ମଧ୍ୟପ୍ରଦେଶ : ବିଭିନ୍ନ ରାଜ୍ୟରେ ବର୍ତ୍ତମାନ କରୋନା ସଂକ୍ରମଣ ବଢ଼ୁଥିବା ବେଳେ ଏହାର ମୁକାବିଲା କରିବାକୁ ଯାଇ କେନ୍ଦ୍ର ତଥା ରାଜ୍ୟ ସରକାର ଚିକିତ୍ସା ଭିତ୍ତିଭୂମି ଉପରେ ଅଧିକ ଧ୍ୟାନ ଦେଉଛନ୍ତି । ହେଲେ କିଛି ସ୍ଥାନରେ ଏହାର ସମ୍ପୂର୍ଣ୍ଣ ଓଲଟା ଦେଖିବାକୁ ମିଳିଛି । କେଉଁଠି ରୋଗୀଙ୍କ ଅଳିଆ ଆବର୍ଜନା ପୁର୍ଣ୍ଣ ସ୍ଥାନରେ ରଖାଯାଉଛି ତ କେଉଁଟି ଅକ୍ସିଜେନ୍ ଠାରୁ ବେଡ୍ ପର୍ଯ୍ୟନ୍ତ କିଛି ବି ସୁବିଧା ଉପଲବ୍ଧ ହେଉନାହିଁ । ଏହି ପରିପ୍ରେକ୍ଷୀରେ ସୋସିଆଲ ମିଡିଆରେ ଏକ ଭିଡିଓ ଭାଇରାଲ୍ ହେଉଛି ଯେଉଁଥିରେ ଚିକିତ୍ସା ବ୍ୟବସ୍ଥାରେ ଚରମ ଖାମଖିଆଲି ହୋଇଥିବା ଦେଖିବାକୁ ମିଳିଛି । କୋଭିଡ୍ ରୋଗୀଙ୍କ ପାଇଁ ଉଦ୍ଦିଷ୍ଟ ଆଇସିୟୁ ୱାର୍ଡର ସିଲିଂ ଏବଂ କାନ୍ଥରୁ ପାଣି ଗଳୁଥିବା ଦେଖିବାକୁ ମିଳିଛି ।
यह राजगढ़ जिला चिकित्सालय का कोविड वार्ड है जिसे कुछ महीने पहले ही बनाया गया है, जो कि पहली ही बारिश में ये हाल है।
आदरणीय शिवराज जी मे इस घटिया कार्य को कड़ी निंदा करता हूं, जो इतना भ्रष्टाचार और घटिया कार्य किया।@ChouhanShivraj @digvijaya_28 pic.twitter.com/0ZaVB12umm
— Bapu Singh Tanwar (@BapuInc) May 17, 2021
ଟୁଇଟର୍ ରେ ଏହାକୁ ଅପଲୋଡ କରାଯାଇଥିବା ବେଳେ ଲୋକେ ଏହା ଉପରେ ଅନେକ ମତ ଦେଇଛନ୍ତି । ଭିଡିଓରେ ଦେଖିବାକୁ ମିଳିଛି ଯେ, ଆଇସିୟୁ ୱାର୍ଡର ସିଲିଂ ରୁ ପାଣି ଗଳି ରୋଗୀଙ୍କ ବେଡ୍ ରେ ଯାଇ ପଡୁଛି । ଆଉ ରୋଗୀ ମାନେ ସେମାନଙ୍କ ଆବଶ୍ୟକୀୟ ଜିନିଷ ପତ୍ରକୁ ଉଠାଉଛନ୍ତି । ଏହାକୁ ଉକ୍ତ କୋଭିଡ୍ ର ଜଣେ ରୋଗୀ ଶୁଟ୍ କରିଥିବା ବେଳେ ସେ କହୁଛନ୍ତି ଯେ, ବର୍ଷା ହେବା ଫଳରେ ଛାତ ଏବଂ କାନ୍ଥରୁ ପାଣି ପଡୁଛି । ମେଡିକାଲ୍ କର୍ତ୍ତୃପକ୍ଷ ମାନେ ଆମ କଥା ଶୁଣୁ ନାହାନ୍ତି । ରୋଗୀ ମାନେ ବହୁତ ଅସୁବିଧାର ସାମନା କରୁଛନ୍ତି ।
ଏହି ଭିଡିଓକୁ କଂଗ୍ରେସ ରାଜଗଡ ଏମଏଲଏ ବାପୁ ତନୱାର ସେୟାର କରି ଲେଖିଛନ୍ତି ଯେ, ଏହା ହେଉଛି ନୁତନ ଭାବେ ପ୍ରସ୍ତୁତ ହୋଇଥିବା ଏକ କୋଭିଡ୍ ୱାର୍ଡ ଓ ଦେଖନ୍ତୁ ପ୍ରଥମ ବର୍ଷାରେ ଏହାର ଅବସ୍ଥା କିପରି ହୋଇଛି ।