କୃଷକ ଆନ୍ଦୋଳନ ମଞ୍ଚ ନିକଟରୁ ମିଳିଲା ଝୁଲନ୍ତା ମୃତଦେହ, ହାତ ଓ ବେକ କାଟି କରାଯାଇଛି ନିର୍ମମ ହତ୍ୟା
ନୂଆଦିଲ୍ଲୀ : କୃଷକ ଆନ୍ଦୋଳନ ସ୍ଥଳ କୁଣ୍ଡଲିରେ ସିଙ୍ଘୁ ବର୍ଡରରେ ଗୁରୁବାର ରାତିରେ ଜଣେ ଯୁବକଙ୍କୁ ନିର୍ମମ ହତ୍ୟା କରାଯାଇଥିବା ଖବର ସାମ୍ନାକୁ ଆସିଛି । ବ୍ୟକ୍ତିଙ୍କୁ ୧୦୦ ମିଟର ପର୍ଯ୍ୟନ୍ତ ଘୋଷାଡିବା ସହ ଗୋଟିଏ ହାତ କାଟି ଦିଆଯାଇଛି । ମୃତଦେହକୁ କୃଷକ ଆନ୍ଦୋଳନ ମଞ୍ଚ ସାମ୍ନାରେ ଟାଙ୍ଗି ଦିଆଯାଇଛି । ଯୁବକଙ୍କ ଉପରେ ଗୁରୁ ଗ୍ରନ୍ଥ ସାହିବର ବେଅବଦିର ଅଭିଯୋଗ ରହିଛି । କୃଷକ ଆନ୍ଦୋଳନକୁ ବଦନାମ କରିବା ପାଇଁ ଏହା ଏକ ଷଡଯନ୍ତ୍ର ବୋଲି କୁହାଯାଉଛି । ଘଟଣାର ସୂଚନା ମିଳିବା ମାତ୍ରେ ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି ।
ଏହି ଘଟଣା ଶୁକ୍ରବାର ଭୋର ୫ଟାରେ ହୋଇଥିବା କୁହାଯାଉଛି । ଏହା ପରେ କୁଣ୍ଡଲି ବର୍ଡରରେ ଚାଞ୍ଚଲ୍ୟ ଖେଳି ଯାଇଛି । ଶବର ଗୋଟିଏ ହାତ କାଟି ଦିଆଯାଇଛି । ପାଞ୍ଚ ଆଙ୍ଗୁଠି ସହିତ ପୂରା ପାପୁଲିକୁ ହାତରୁ କାଟି ଅଲଗା କରି ଦିଆଯାଇଛି । ବେକକୁ ମଧ୍ୟ ଧାରୁଆ ହତିଆରରେ ଆକ୍ରମଣ କରାଯାଇଥିବାର ଚିହ୍ନ ରହିଛି । ସୂଚନା ମିଳିବା ମାତ୍ରେ କୁଣ୍ଡଲି ଥାନା ଅଧିକାରୀ ରବି କୁମାର ଘଟଣାସ୍ଥଳରେ ପହଞ୍ଚି ମୃତଦେହ ନିଜ କବଜାକୁ ନେଇ ତଦନ୍ତ ଆରମ୍ଭ କରିଛନ୍ତି ।
#WATCH थाना कुंडली में सूचना मिली कि जो किसान आंदोलन चल रहा है उसकी स्टेज के पास एक व्यक्ति के हाथ पैर काटकर लटकाया हुआ है। पुलिस ने मौके पर पहुंचकर लोगों से पूछताछ की परन्तु अभी कुछ खुलासा नहीं हो पाया है। अज्ञात के खिलाफ FIR दर्ज़ की गई। जांच जारी है: DSP हंसराज सोनीपत pic.twitter.com/c57Lwehfct
— ANI_HindiNews (@AHindinews) October 15, 2021
ଯୁବକଙ୍କ ପରିଚୟ ମିଳିପାରିନଥିଲେ ମଧ୍ୟ ବସୟ ପାଖାପାଖି ୩୫ ବର୍ଷ ହେବ ବୋଲି କୁହାଯାଉଛି । ଏହି ଘଟଣାକୁ ନେଇ ସିଙ୍ଘୁ ବର୍ଡରରେ ହଙ୍ଗାମା ଆରମ୍ଭ ହୋଇ ଯାଇଛି । ସୋନିପତ ଡିଏସପି ହଂସରାଜ କହିଛନ୍ତି, ଶୁକ୍ରବାର ସକାଳ ୫ଟାରେ ସୂଚନା ମିଳିଥିଲା ଯେ, କୃଷକ ଆନ୍ଦୋଳନ ଚାଲିଥିବା ମଞ୍ଚ ନିକଟରେ ଜଣେ ବ୍ୟକ୍ତିଙ୍କୁ ନିର୍ମମ ଭାବେ ହତ୍ୟା କରାଯାଇ ଟାଙ୍ଗି ଦିଆଯାଇଛି । ଏହି ହତ୍ୟାକାଣ୍ଡ କିଏ କରିଛି, କାହିଁକି କରିଛି ବର୍ତ୍ତମାନ ଏହି ବିଷୟରେ କିଛି ଜଣା ପଡିନାହିଁ । ଏହି ସମ୍ବନ୍ଧରେ ଅଜଣା ବ୍ୟକ୍ତିଙ୍କ ବିରୋଧରେ ଏଫଆଇଆର ରୁଜୁ କରାଯାଇଛି ।
