ମହଙ୍ଗା ହେବ ଗୃହ ନିର୍ମାଣ, ପୁଣି ବଢ଼ିଲା ସିମେଣ୍ଟ ଓ ଲୁହା ଛଡ ଦର
ନୂଆଦିଲ୍ଲୀ: ପୁଣି ବଢ଼ିଲା ନିର୍ମାଣ ସାମଗ୍ରୀ ସିମେଣ୍ଟର ଦର । ଏଥିରେ ସିମେଣ୍ଟ କ୍ୱିଣ୍ଟାଲ ପିଛା ୨୦ରୁ ୨୫ ଟଙ୍କା ବୃଦ୍ଧି ହୋଇଥିବା ବେଳେ ଇଟା ଦର ମଧ୍ୟ ବଢ଼ିବଢ଼ି ଚାଲିଛି । ଇଟାର ଏପରି ମୂଲ୍ୟ ବୃଦ୍ଧି ଲାଗି ଭାଟ୍ଟି ମାଲିକମାନେ କୋଇଲା ଦର ବୃଦ୍ଧିର ବାହାନା କରୁଛନ୍ତି । ଇଟାଭାଟିରେ ଜମା ପୁରୁଣା କୋଇଲା ଏବେ ବି ପୋଡ଼ା ହେଉଛି । ନୂଆ ଷ୍ଟକ୍ ପହଞ୍ଚିବା ପରେ ଦର ଆହୁରି ବଢ଼ିବ ବୋଲି ଏବେ ଆଶଙ୍କା କରାଗଲାଣି । କେବଳ ଇଟା କି ସିମେଣ୍ଟ ନୁହେଁ ଲୁହା ଛଡ଼ ଦର ମଧ୍ୟ ଇତିମଧ୍ୟରେ ପୁଣି ଥରେ ବଢ଼ି ଯାଇଛି । ଡିଜେଲ ମୂଲ୍ୟ ବୃଦ୍ଧି ଯୋଗୁ ବାଲି ବୁହାଣ ଦର ବଢ଼ି ଯାଇଥିବା ବେଳେ ବଜୁରି, ମେଣ୍ଟାଲ ଓ ଚିସ୍ ଦର ମଧ୍ୟ ବିକ୍ରେତା ବଢେଇ ଦେଇଛନ୍ତି ।
