ନଦୀରେ ଭାସିଗଲେ ଜଣେ ନାବାଳକ: ଢେଙ୍କାନାଳରୁ ଟାଣିନେଲା ବ୍ରାହ୍ମଣୀ, ଏବେ ବି ନିଖୋଜ

ଢେଙ୍କାନାଳ: ଉଚ୍ଛନ ହେଉଛି ବ୍ରାହ୍ମଣୀ ନଦୀ । ପାଣି ସ୍ରୋତରେ ଜଣେ ନାବାଳକୁ ଟାଣି ନେଇଛି ବ୍ରାହ୍ମଣୀ । ଏମିତି ଏକ ଘଟଣା ଘଟିଛି ଢେଙ୍କାନାଳ ଜିଲ୍ଲା ଗନ୍ଦିଆ ଥାନା ନୂଆପଡା ଘାଟରେ । ଗାଧୋଉଥିବା ବେଳେ ଅସାବଧାନତା ଯୋଗୁଁ ପାଣିରେ ଭାସି ନିଖୋଜ ହୋଇଯାଇଛନ୍ତି ଜଣେ ନାବାଳକ ।

ସୂଚନା ଅନୁସାରେ, ନୂଆପଡା ଘାଟରେ ଗାଧୋଉଥିବା ବେଳେ ପାଦ ଖସିଯିବାରୁ ୩ ଜଣ ନାବାଳକ ପାଣିରେ ଭାସି ଯାଇଥିଲେ । କିନ୍ତୁ ସେମାନଙ୍କ ମଧ୍ୟରୁ ୨ ଜଣଙ୍କୁ ସୁରକ୍ଷିତ ଉଦ୍ଧାର କରାଯାଇଥିବା ବେଳେ ଏବେ ବି ଜଣେ ନିଖୋଜ ଥିବା ସୂଚନା ମିଳିଛି । ତେବେ ନିଖୋଜ ବାଳକକୁ ଖୋଜିବାରେ ଲାଗି ପଡିଛନ୍ତି ଅଗ୍ନିଶମ ବିଭାଗ ।