କେମିତି ଚୁପସେ ପଛପଟୁ ଆସି ଚାପୁଡ଼ା ମାରି ପଳାଉଛନ୍ତି… ଦେଖନ୍ତୁ (Video) ପଥିକଙ୍କୁ ଚଲେଇ ଦେଉନି ସ୍କୁଟିବାଲା, ଥାନାର ଦ୍ୱାରସ୍ଥ ହେଲେ ଲୋକେ
ରାସ୍ତାରେ ଲୋକେ ଚାଲିବାକୁ ଡରୁଛନ୍ତି । ସ୍କୁଟିବାଲା ପଛପଟୁ ଆସି ଚାପୁଡ଼ା ମାରିବା ପରେ ଲୋକେ ଛାନିଆ । ଥାନାରେ ଅଭିଯୋଗ ପରେ ତତ୍ପର ହୋଇଛି ପୋଲିସ ।
ମିରଠ: ଉତ୍ତରପ୍ରଦେଶ ମିରଠରୁ ଏକ ଅଜବ ଘଟଣା ସାମ୍ନାକୁ ଆସିଛି । ପଥିକମାନଙ୍କୁ ନାକେଦମ୍ କଲାଣି ଜଣେ ସ୍କୁଟିବାଲା । ଯାହାର ଭିଡିଓ ମଧ୍ୟ ସୋସିଆଲ ମିଡିଆରେ ଖୁବ୍ ଭାଇରାଲ ହେବାରେ ଲାଗିଛି । ଏ ନେଇ ବହୁ ସିସିଟିଭି ଫୁଟେଜ ମଧ୍ୟ ସାମ୍ନାକୁ ଆସିଛି । ସ୍କୁଟିବାଲା ନାଁରେ ସ୍ଥାନୀୟ ଲୋକେ ଥାନାରେ ଅଭିଯୋଗ କଲା ପରେ ଏବେ ପୋଲିସ ଟିମ୍ ଅଭିଯୁକ୍ତକୁ ଧରିବା ପାଇଁ ଅଣ୍ଟା ଭିଡିଛି ।
ମିରଠର ନୋଚନ୍ଦି ଇଲାକାର ଏ ଘଟଣା । ସ୍ଥାନୀୟ ଅଞ୍ଚଳରେ ରାସ୍ତାରେ ଚାଲିକରି ଯାଉଥିବା ଲୋକଙ୍କ ଟେନ୍ସନ୍ ବଢ଼େଇ ଦେଇଛି ଜଣେ ସ୍କୁଟିବାଲା । କାରଣ ରାସ୍ତାରେ ଯାଉଥିବା ଯେକୌଣସି ଲୋକଙ୍କୁ ସ୍କୁଟିବାଲା ଚାପୁଡ଼ା ମାରି ଚାଲିଯାଉଛି । ଯାହାର ଭିଡିଓ ସିସିଟିଭିରେ କଏଦ ମଧ୍ୟ ରହିଛି । ଏହାର ଭିଡିଓ ମଧ୍ୟ ବହୁଳମାତ୍ରାରେ ସୋସିଆଲ ମିଡିଆରେ ଘୁରିବୁଲିବା ଆରମ୍ଭ କଲାଣି ।
ଭିଡିଓ ଅନୁସାରେ, ଜଣେବ୍ୟକ୍ତି ରାସ୍ତାରେ ଚାଲି କରି ଯାଉଛନ୍ତି, ଠିକ୍ ଏତିକିବେଳେ ଗୋଟେ ସ୍କୁଟିରେ ଦୁଇଜଣ ଯୁବକ ତାଙ୍କ ପଛପଟୁ ଆସୁଛନ୍ତି । ସ୍କୁଟି ଚାଳକ ପଥିକଙ୍କ ପାଖରେ ଗାଡ଼ିଟିକୁ ସ୍ଲୋ କରିଦେଉଥିବାବେଳେ ପଛରେ ବସିଥିବା ବ୍ୟକ୍ତିଜଣଙ୍କ ପଥିକଙ୍କୁ ଚାପୁଡ଼ା ମାରି ଗାଡ଼ି ସ୍ପିଡ୍ କରି ସେଠାରୁ ପଳାଉଛନ୍ତି । ଏମିତି କିଛି ଦେଖିବାକୁ ମିଳିଛି ଭିଡିଓରେ ।
କେବଳ ପୁରୁଷ ଲୋକ ନୁହଁନ୍ତି । ଏହି ସ୍କୁଟିବାଲା ରାସ୍ତାରେ ଯାଉଥିବା ଥିବା ଝିଅମାନଙ୍କୁ ମଧ୍ୟ ଚାପୁଡ଼ା ମାରୁଥିବା କୁହାଯାଉଛି । ତେବେ ସ୍କୁଟିବାଲାର ହରକତରେ ବିବ୍ରତ ହୋଇ ସ୍ଥାନୀୟ ପୋଲିସ ଷ୍ଟେଶନରେ ଅଭିଯୋଗ କରିଛନ୍ତି ଲୋକେ । ଯଥାସମ୍ଭବ ପୋଲିସ ସେମାନଙ୍କୁ ଧରିବା ପାଇଁ ପ୍ରୟାସ ଚଳାଇଥିବା ପ୍ରତିଶ୍ରୁତି ଦେଇଛି ।
मेरठ के नौचंदी थाना क्षेत्र के अंतर्गत ये युवक स्कूटी पर घूमता है और जिसके मन किया उसकी गुद्धि पर चलती स्कूटी से थप्पड़ मार कर चला जाता है..@meerutpolice pic.twitter.com/apZmi7epYl
— ANMOL Sharma (@anmolmeeruthiya) December 27, 2024
