ଦିଲ୍ଲୀ ଷ୍ଟେସନରେ ଅଘଟଣ: ଶ୍ୱାସରୁଦ୍ଧ ହୋଇ ବହୁ ଲୋକ ଚେତାଶୂନ୍ୟ
ନୂଆଦିଲ୍ଲୀ,୧୫ା୨: ନୂଆଦିଲ୍ଲୀ ରେଳ ଷ୍ଟେସନର ପ୍ଲାଟଫର୍ମ ନମ୍ବର ୧୩-୧୪ରେ ଶନିବାର ରାତିରେ ଏକ ବଡ଼ ଅଘଟଣ ହୋଇଛି। ପ୍ରବଳ ଜନସମାଗମ ହେତୁ ଶ୍ୱାସରୁଦ୍ଧ ପରିସ୍ଥିତି ସୃଷ୍ଟି ହୋଇଥିଲା। ଯେଉଁଥିପାଇଁ ଅନେକ ଲୋକ ଚେତାଶୂନ୍ୟ ହୋଇଯାଇଥିଲେ। ତେବେ ଦିଲ୍ଲୀ ପୋଲିସର ରେଳ ୟୁନିଟ୍ ଏହି ଦଳାଚକଟାକୁ ଅସ୍ୱୀକାର କରିଛି। କୁହାଯାଉଛି ଯେ, ଅନେକ ଲୋକ ହଠାତ୍ ନୂଆଦିଲ୍ଲୀ ଷ୍ଟେସନରେ ରାତି ୮ଟାରେ ପ୍ରୟାଗରାଜକୁ ଯିବା ପାଇଁ ବାହାରିଥିଲେ । ଯେଉଁ କାରଣରୁ ସେଠାରେ ପ୍ରବଳ ଭିଡ଼ ହୋଇଯାଇଥିଲା।
Stampede-like Situation at New Delhi Railway station. More than 10 people injured: Delhi Police Sources https://t.co/bjRgive6Ri
— ANI (@ANI) February 15, 2025
ଏହି ଦଳାଚକଟାରେ ଅନେକ ଯାତ୍ରୀ ଆହତ ହୋଇଥିବା ଜଣାପଡିଛି, ସେମାନଙ୍କୁ ତୁରନ୍ତ ଚିକିତ୍ସା ଯୋଗାଇ ଦିଆଯାଉଛି। ରେଳ ଷ୍ଟେସନରେ ପରିସ୍ଥିତିକୁ ନିୟନ୍ତ୍ରଣ କରିବା ପାଇଁ ଅତିରିକ୍ତ ସୁରକ୍ଷା ବାହିନୀ ନିୟୋଜିତ କରାଯାଇଛି। ୪ଟି ଦମକଳ ବାହିନୀ ଗାଡ଼ି ପହଞ୍ଚି ଘଟଣାସ୍ଥଳରେ ଉଦ୍ଧାର କାର୍ଯ୍ୟ ଜାରିରଖାଯାଇଛି। ଯାତ୍ରୀମାନଙ୍କୁ ଶାନ୍ତ ରହିବାକୁ ଏବଂ ଗୁଜବ ପ୍ରତି ଧ୍ୟାନ ନଦେବାକୁ ରେଳ ପ୍ରଶାସନ ନିବେଦନ କରିଛି।
ଟ୍ରେନ୍ କାହିଁକି ବାତିଲ ହେଲା ଏବଂ ପର୍ଯ୍ୟାପ୍ତ ବ୍ୟବସ୍ଥା କରାଯାଇଥିଲା କି ନାହିଁ ସେନେଇ ରେଳ ଅଧିକାରୀମାନେ ଘଟଣାର ତଦନ୍ତ କରୁଛନ୍ତି। ପ୍ରଭାବିତ ଯାତ୍ରୀମାନଙ୍କ ପାଇଁ ସ୍ୱତନ୍ତ୍ର ହେଲ୍ପଲାଇନ ନମ୍ବର ଦିଆଯାଇପାରେ। ଏହି ଘଟଣାକୁ ନେଇ ଯାତ୍ରୀଙ୍କ ମଧ୍ୟରେ ଅସନ୍ତୋଷ ପ୍ରକାଶ ପାଇଥିବାବେଳେ ରେଳ ପ୍ରଶାସନର କାର୍ଯ୍ୟକଳାପ ପ୍ରତି ପ୍ରଶ୍ନବାଚୀ ସୃଷ୍ଟି ହୋଇଛି ।