ପାକିସ୍ତାନର ଆର୍ଥିକ ସଙ୍କଟ ଆଲ୍ଲା ଦୂର କରିବେ: ଅର୍ଥମନ୍ତ୍ରୀ ଇସହାକ ଡାର
ଇସଲାମାବାଦ: ବର୍ତ୍ତମାନ ପାକିସ୍ତାନରେ ଆର୍ଥିକ ସଙ୍କଟ ଦେଖାଦେଇ ଦେଶ ଗରିବର ଚରମ ସୀମାରେ ଗତି କରୁଛି । ଏନେଇ ଅର୍ଥମନ୍ତ୍ରୀ ଇସହାକ ଡାର କହିଛନ୍ତି ଯେ, ଇସଲାମ ନାମରେ ବନିଥିବା ଏହି ଦେଶର ସମୃଦ୍ଧି ଏବଂ ବିକାଶ ପାଇଁ ଆଲ୍ଲା ହିଁ ଦାୟୀ ଅଟନ୍ତି ।ଗ୍ରୀନ୍ ଲାଇନ୍ ଟ୍ରେନ୍ ସେବା ଉଦଘାଟନୀ ସମାରୋହରେ ଡାର୍ କହିଛନ୍ତି ଯେ ପାକିସ୍ତାନର ଅଗ୍ରଗତି ଉପରେ ତାଙ୍କର ସମ୍ପୂର୍ଣ୍ଣ ବିଶ୍ୱାସ ରହିଛି। ସେ କହିଛନ୍ତି, ‘ମୋର ବିଶ୍ୱାସର କାରଣ ହେଉଛି ଇସଲାମ ନାମରେ ପାକିସ୍ତାନ ଗଠନ ହୋଇଥିଲା । ଯଦି ଆଲ୍ଲା ପାକିସ୍ତାନକୁ ତିଆରି କରିପାରନ୍ତି, ତେବେ ସେ ଏହାର ଅଗ୍ରଗତି ଏବଂ ବିକାଶ ସହିତ ଏହାକୁ ସମୃଦ୍ଧ କରିପାରିବେ ।
ଅର୍ଥମନ୍ତ୍ରୀ କହିଛନ୍ତି ଯେ, ଶାହବାଜ ସରିଫଙ୍କ ନେତୃତ୍ୱାଧୀନ ସରକାର ପାକିସ୍ତାନର ସ୍ଥିତିକୁ ସୁଧାରିବା ପାଇଁ ଯଥାସମ୍ଭବ ଚେଷ୍ଟା କରୁଛନ୍ତି। ସେ କହିଛନ୍ତି, ନିର୍ବାଚନ ପୂର୍ବରୁ ଆମ ଦଳ ପରିସ୍ଥିତିକୁ ସୁଧାରିବାକୁ ଚେଷ୍ଟା କରୁଛି। ପାଞ୍ଚ ବର୍ଷ ପୂର୍ବେ ଆରମ୍ଭ ହୋଇଥିବା ‘ଡ୍ରାମା’କୁ ସେ ପାକିସ୍ତାନ ବର୍ତ୍ତମାନର ଦୁଃଖ ପାଇଁ ଦାୟୀ କରି କହିଛନ୍ତି ଯେ, ଏଠାକାର ଲୋକମାନେ ଏବେ ବି ଯନ୍ତ୍ରଣା ଭୋଗୁଛନ୍ତି।
ସେ କହିଛନ୍ତି ଯେ, ଏହି ଡ୍ରାମା ପୂର୍ବରୁ ୨୦୧୩-୧୭ ମଧ୍ୟରେ ନୱାଜ ସରିଫଙ୍କ କାର୍ଯ୍ୟକାଳ ସମୟରେ ପାକିସ୍ତାନର ଅର୍ଥନୀତି ଭଲ ସ୍ଥିତିରେ ଥିଲା। ଡାର କହିଛନ୍ତି, ‘ପାକିସ୍ତାନ ନୱାଜଙ୍କ ଶାସନ ଅଧୀନରେ ପ୍ରଗତିର ପଥରେ ଥିଲା କିନ୍ତୁ ଏହା ବିଫଳ ହୋଇଥିଲା। ଲୋକମାନେ ଦେଖିପାରିବେ ଗତ ପାଞ୍ଚ ବର୍ଷ ମଧ୍ୟରେ ଦେଶ କେତେ ବିପର୍ଯ୍ୟୟର ସମ୍ମୁଖୀନ ହୋଇଛି।
ବୈଦେଶିକ ମୁଦ୍ରା ଅନୁପସ୍ଥିତିରେ, ଜରୁରୀ ଜିନିଷ କିଣିବା ପାଇଁ ମଧ୍ୟ ପାକିସ୍ତାନ ସମ୍ମୁଖରେ କୌଣସି ମୁଦ୍ରା ବାକି ନାହିଁ । ଏହି ସମସ୍ୟାର ମୁକାବିଲା ପାଇଁ ସେ ଆନ୍ତର୍ଜାତୀୟ ମୁଦ୍ରା ପାଣ୍ଠି ସମେତ ଅନେକ ଅନୁଷ୍ଠାନରୁ ଏକ ଆର୍ଥିକ ପ୍ୟାକେଜ୍ ଖୋଜୁଛନ୍ତି ।
