ଏହି ଦେଶରେ ଅଚାନକ ରକ୍ତ ପରି ଲାଲ ହୋଇଗଲା ଆକାଶ, ଲୋକମାନେ କହିଲେ ସର୍ବନାଶର ସମୟ ଆସିଗଲା
ନୂଆଦିଲ୍ଲୀ: ବୁଲଗେରିଆରେ ରବିବାର ରାତିରେ ଏକ ଆଶ୍ଚର୍ଯ୍ୟଜନକ ଦୃଶ୍ୟ ଦେଖିବାକୁ ମିଳିଛି । ଏହି ସମୟରେ ଏକ ଧ୍ରୁବୀୟ ଜ୍ୟୋତି ବା ଆଲୋକ ବୁଲଗେରିଆ ଆକାଶକୁ ଢାଙ୍କି ଦେଇଥିଲା ଯାହାଫଳରେ ପୁରା ଆକାଶ ଏକ ରକ୍ତନଦୀ ପରି ଦେଖାଯାଉଥିଲା ।
ପ୍ରଥମ ଥର ଲାଗି ବୁଲଗେରିଆ ଆକାଶରେ ଏପରି ଅଭିନବ ଦୃଶ୍ୟ ଦେଖିବାକୁ ମିଳିଥିଲା । ଏବେ ଏହି ଦୃଶ୍ୟ ସୋସିଆଲ ମିଡିଆରେ ଜୋରଦାର ଭାଇରାଲ୍ ହେବାରେ ଲାଗିଛି । ତେବେ ବହୁ ଲୋକ ବୁଲଗେରିଆ ଆକାଶର ଏହି ଚିତ୍ରକୁ ବିନାଶକାରୀ ବା ଭୟାନକ ବୋଲି କହିଛନ୍ତି । କିଛିଲୋକ ଏହାକୁ ମନ୍ତ୍ରମୁଗ୍ଧ କରିଦେବା ଭଳି ଘଟଣା କହିଛନ୍ତି ।
Aurora borealis for the very first time in Bulgaria. It could be seen in Ukraine, Hungary and Romania too. People are posting mesmerizing, almost apocalyptic pictures tonight. pic.twitter.com/XZNDW9Yv28
— Velina Tchakarova (@vtchakarova) November 5, 2023
ମିଳିଥିବା ସୂଚନା ଅନୁସାରେ ଏହି ବିରଳ ପ୍ରାକୃତିକ ଜ୍ୟୋତି ରୋମାନିଆ, ହଙ୍ଗେରୀ, ଚେକୋସ୍ଲୋଭାକିଆ, ୟୁକ୍ରେନରେ ମଧ୍ୟ ଦେଖିବାକୁ ମିଳିଛି । ଅନ୍ୟପକ୍ଷରେ ଶନିବାର ରାତିରେ ବ୍ରିଟେନ୍ ଆକାଶରେ ଚମକଦାର ସବୁଜ ଓ ଲାଲ ରଙ୍ଗର ଆଲୋକ ଦେଖିବାକୁ ମିଳିଥିଲା ।
ଚଳିତ ବର୍ଷ ଆରମ୍ଭରେ ଭାରତର ଆକାଶରେ ବି ଏହିଭଳି ଦୁର୍ଲଭ ଘଟଣା ଦେଖିବାକୁ ମିଳିଥିଲା । ଏହି ଦୁର୍ଲଭ ଘଟଣା ଲଦାଖ ଆକାଶରେ ପରିଲକ୍ଷିତ ହୋଇଥିଲା ଯାହା ଜ୍ୟୋତିର୍ବିଜ୍ଞାନୀଙ୍କୁ ବେଶ୍ ରୋମାଞ୍ଚିତ କରିଥିଲା । ଏହି ମେରୁ ଜ୍ୟୋତି ଭୂଚୁମ୍ବକୀୟ ତୋଫାନ ସମୟରେ ଦେଖାଦେଇଥାଏ ।
