ନଦୀ ମଝିରେ ଡଙ୍ଗାରେ ଲାଗିଲା ନିଆଁ: ୩୬ ମୃତ, ୨୦୦ ଆହତ

ନୂଆଦିଲ୍ଲୀ: ବାଂଲାଦେଶରେ ଶୁକ୍ରବାର ଦିନ ନଦୀ ମଝିରେ ଯାଉଥିବା ଏକ ଡଙ୍ଗାରେ ନିଆଁ ଲାଗିଯାଇଛି । ଯାହାଫଳରେ ୩୬ ଜଣଙ୍କର ମୃତ୍ୟୁ ହୋଇଥିବା ବେଳେ ୨୦୦ ରୁ ଅଧିକ ଆହତ ହୋଇଛନ୍ତି । ମୃତ୍ୟୁ ସଂଖ୍ୟା ଆହୁରି ବଢ଼ିପାରେ ବୋଲି କୁହାଯାଉଛି । ସ୍ଥାନୀୟ ପୋଲିସ୍ ପ୍ରମୁଖ ମୋଇନୁଲ ଇସଲାମ କହିଛନ୍ତି ଯେ, ନଦୀ ମଝିରେ ଅନେକ ଲୋକଙ୍କୁ ଧରିଯାଉଥିବା ତିନି ମହଲା ବିଶିଷ୍ଟ ଏହି ଡଙ୍ଗାରେ ନିଆଁ ଲାଗିଯାଇଥିଲା । ଫଳରେ ଏବେ ସୁଦ୍ଧା ସେଥିରୁ ୩୬ ଜଣଙ୍କ ଶବ ଉଦ୍ଧାର କରାଯାଇଛି । ନିଆଁରେ ପୋଡ଼ିହୋଇ ଅନେକ ମୃତ୍ୟୁବରଣ କରିଥିବା ବେଳେ କିଛି ଜଣ ପାଣିକୁ ଡେଇଁ ଜୀବନ ହାରିଛନ୍ତି । ଏହି ଘଟଣା ରାଜଧାନୀ ଢ଼ାକା ଠାରୁ ୨୫୦ କିମି ଦକ୍ଷିଣ ରେ ଥିବା ସହର ଝକାକଠି ପାଖରେ ହୋଇଛି ।