(Video) ଟ୍ରାକରେ ରିଲ୍ସ କରି ନାଚୁଥିଲେ ନାବାଳକ, ପଛରୁ ଆସି ଧକ୍କା ଦେଲା ଟ୍ରେନ, ତା’ ପରେ…
ନୂଆଦିଲ୍ଲୀ: ଟିକଟିକ ହେଲା କଳା । ଟ୍ରାକରେ ନାଚୁ ନାଚୁ ଉଡାଇ ଦେଲା ଟ୍ରେନ । ଛିଟିକି ହୋଇ ପଡିଲେ ନାବାଳକ । ଏଭଳି ଏକ ଛାତିଥରା ଦୃଶ୍ୟ ବାଙ୍ଗଲାଦେଶରୁ ସାମ୍ନାକୁ ଆସିଛି । ତେବେ ଦୁର୍ଘଟଣା ସମୟର ଲାଇଭ ଭିଡିଓ ମଧ୍ୟ ସାମ୍ନାକୁ ଆସିଛି । ଯାହାକି ସୋସିଆଲ ମିଡିଆରେ ବେଶ୍ ଭାଇରାଲ ହେବାରେ ଲାଗିଛି । ଏହି ଘଟଣା ଗତ 24 ତାରିଖର ବୋଲି ଜଣାପଡିଛି । ସିଙ୍ଗିମାର ବ୍ରିଜରେ ଏହି ଦୁର୍ଘଟଣା ହୋଇଥିବା ବେଳେ ଉକ୍ତ ନାବାଳକର ବୟସ 14 ବର୍ଷ ବୋଲି ଜଣାପଡିଛି ।
ଭାଇରାଲ ହେଉଥିବା ଭିଡିଓରେ ଦେଖାଯାଇଛି ଯେ, ନାବାଳକ ଜଣକ ଟ୍ରେନ ଟ୍ରାକରେ ଛିଡା ହୋଇ ନାଚୁଛନ୍ତି । ତେବେ କିଛି ଜଣ ସାଙ୍ଗ ମିଶି ଟ୍ରାକ ନିକଟରେ ଛିଡା ହୋଇ ସେଲଫି ଭିଡିଓ କରୁଥିବା ବେଳେ ହଠାତ୍ ମାଡି ଆସିଥିଲା ଟ୍ରେନ । ଟ୍ରାକ ନିକଟରେ ରହିଥିବା ଯୁବକଙ୍କୁ ଘୋଷାଡି ନେଇଯାଇଥିଲା । ତେବେ ମିଡିଆ ରିପୋର୍ଟରୁ ଜଣାପଡିଛି ଯେ, ଆହତ ଯୁବକଙ୍କର ନାମ ଲିଖନ । ତେବେ ଦୁର୍ଘଟଣା ଘଟିବା ପରେ ତାଙ୍କ ସାଙ୍ଗମାନେ ଶୀଘ୍ରଶୀଘ୍ର ତାଙ୍କୁ ରଙ୍ଗପୁର ମେଡିକାଲରେ ଭର୍ତ୍ତି କରିଥିଲେ । ସେ ନ୍ୟୁରୋ ସର୍ଜରୀ ଡିପାର୍ଟମେଣ୍ଟରେ ଚିକିତ୍ସିତ ହେଉଛନ୍ତି । ରାତାରାତି ପପୁଲାର ହେବା ପାଇଁ ଯୁବପିଢିଙ୍କ ମାଧ୍ୟମ ସାଜିଛି ରିଲ୍ସ । ତେବେ ଏହି କାରଣ ପାଇଁ ଅନେକ ଜୀବନ ମଧ୍ୟ ବିପଦରେ ପଡୁଛି । ଯାହାକି ବର୍ତ୍ତମାନ ସମୟରେ ଏକ ପ୍ରକାର ଚିନ୍ତାର କାରଣ ସାଜିଛି ।
While Making Tiktok Videos A Train Hits the guy in Bangladesh https://t.co/hkuz7Qmgbj
— ममता राजगढ़ (@rajgarh_mamta1) October 29, 2024
