ଛୁଟି ନଥିଲେ ବି ଏପ୍ରିଲ ୧ରେ କାହିଁକି ବନ୍ଦ ରହିବ ବ୍ୟାଙ୍କ ? ଜାଣନ୍ତୁ ଉତ୍ତର
ନୂଆଦିଲ୍ଲୀ: ଭାରତର କିଛି ରାଜ୍ୟକୁ ଛାଡି ଘରୋଇ ଏବଂ ସରକାରୀ କ୍ଷେତ୍ର ବ୍ୟାଙ୍କଗୁଡିକ ଏପ୍ରିଲ୍ ୧ ଅର୍ଥାତ୍ ଶନିବାର ଦିନ ବନ୍ଦ ରହିବ । କିନ୍ତୁ ଆପଣ ଜାଣନ୍ତି କି ଯଦି ଏପ୍ରିଲ ୧ ଯେଉଁ ଦିନ ବି ପଡ଼ୁ, ବ୍ୟାଙ୍କଗୁଡିକ ବନ୍ଦ ରହିଥାଏ । ତେବେଏପରି ଭାରତୀୟ ରିଜର୍ଭ ବ୍ୟାଙ୍କ ମାଧ୍ୟମରେ ଅଧିସୂଚିତ ବ୍ୟାଙ୍କର ବ୍ୟାଙ୍କ ଆକାଉଣ୍ଟର ବାର୍ଷିକ ସମାପନ କାରଣରୁ ହୋଇଥାଏ, ଯାହାକି ପ୍ରତିବର୍ଷ ବ୍ୟାଙ୍କ କର୍ମଚାରୀଙ୍କ ପାଇଁ ସଂରକ୍ଷିତ ହୋଇଥାଏ । ୩୧ ମାର୍ଚ୍ଚରେ ଆର୍ଥିକ ବର୍ଷ ଶେଷ ହୁଏ ଓ ଏପ୍ରିଲ ୧ରୁ ନୂଆ ଆର୍ଥିକ ବର୍ଷ ଆରମ୍ଭ ହୁଏ । ଏପରି ପରିସ୍ଥିିତିରେ ବ୍ୟାଙ୍କ କର୍ମଚାରୀଙ୍କ ପାଖରେ ୩୧ ମାର୍ଚ୍ଚରେ ଆର୍ଥିକ କାମ ଶେଷ କରିବାକୁ ଦାୟିତ୍ୱ ରହିଥାଏ । ଏହି ସମୟରେ ବି କର୍ମଚାରୀମାନେ କାମ କରିଥାନ୍ତି, ଯାହା ଫଳରେ ୧ ଏପ୍ରିଲକୁ ନୂଆ ଆର୍ଥିକ ବର୍ଷର ପ୍ରଥମ ଦିନ ଭାବରେ ବନ୍ଦ କରାଯାଇଥାଏ ।
ସେହିପରି ଏପ୍ରିଲ ମାସରେ ବ୍ୟାଙ୍କଗୁଡ଼ିକ ଅଧା ଦିନ ବନ୍ଦ ରହିବ । ଏପରି ପରିସ୍ଥିତିରେ ଯଦି ଆପଣଙ୍କର କୌଣସି ବ୍ୟାଙ୍କ ସହ ଜଡ଼ିତ କାମ ରହିଛି, ତେବେ ବ୍ୟାଙ୍କର ଛୁଟିର ସମ୍ପୂର୍ଣ୍ଣ ଲିଷ୍ଟ ଚେକ୍ କରନ୍ତୁ । ତେବେ ଆସନ୍ତୁ ଦେଖିବା ଏପ୍ରିଲ ମାସର ବ୍ୟାଙ୍କ ଛୁଟି ଲିଷ୍ଟ…
ଦେଶର ଅଧିକାଂଶ ବ୍ୟାଙ୍କ କାର୍ଯ୍ୟ ରିଜର୍ଭ ବ୍ୟାଙ୍କ ଅଫ ଇଣ୍ତିଆ(RBI) ଦ୍ବାରା ନିୟନ୍ତ୍ରିତ । ରିଜର୍ଭ ବ୍ୟାଙ୍କର ସହମତି ପରେ ଅନ୍ୟ ସମସ୍ତ ବ୍ୟାଙ୍କର ଛୁଟି ସ୍ଥିର ହୋଇଥାଏ । ସରକାରୀ ଓ ବେସରକାରୀ ବ୍ୟାଙ୍କ ଗୁଡ଼ିକ ମାସର ଦ୍ବିତୀୟ ଓ ଚତୁର୍ଥ ଶନିବାର ବ୍ୟତୀତ ରବିବାର ଦିନ ମଧ୍ଯ ବନ୍ଦ ରହିଥାଏ । ଆରବିଆଇର ନିର୍ଦ୍ଦେଶ ଅନୁଯାୟୀ, ଏପ୍ରିଲ ୨୦୨୩ରେ ଦ୍ବିତୀୟ ଓ ଚତୁର୍ଥ ଶନିବାର ସହିତ ରବିବାର ସମେତ ବ୍ୟାଙ୍କ ଗୁଡ଼ିକ ସମୁଦାୟ ୧୫ ଦିନ ବନ୍ଦ ରହିବ ।
୪ ଏପ୍ରିଲରେ ମହାବୀର ଜୟନ୍ତୀ ଛୁଟି
ଏହି ମାସର ପ୍ରଥମ ଛୁଟି ୧ ଏପ୍ରିଲ ବାର୍ଷିକ ବ୍ୟାଙ୍କ ଆକାଉଣ୍ଟ ବନ୍ଦରୁ ଆରମ୍ଭ ହେବ। ୪ ଏପ୍ରିଲରେ ମହାବୀର ଜୟନ୍ତୀ ପଡୁଥିବାରୁ ଏହି ଦିନ ବ୍ୟାଙ୍କ ଛୁଟି ରହିବ । ପୂରା ମାସରେ ବ୍ୟାଙ୍କ କାର୍ଯ୍ୟ ନେଇ କୌଣସି ସମସ୍ୟା ଦେଖାଦେବ ନାହିଁ । ଏହି ସମୟ ମଧ୍ଯରେ ଏଟିଏମ୍, ଟଙ୍କା ଡି଼ପୋଜିଟ୍ , ଅନଲାଇନ ଓ ମୋବାଇଲ ବ୍ୟାଙ୍କିଙ୍ଗ କାର୍ଯ୍ୟ ଜାରି ରହିବ। ଛୁଟି ବିଭିନ୍ନ ରାଜ୍ୟ ଅନୁଯାୟୀ ବଦଳିପାରେ ।
ଆରବିଆଇ ନିର୍ଦ୍ଦେଶାବଳୀ ଅନୁଯାୟୀ, ରବିବାର ବ୍ୟତୀତ ବ୍ୟାଙ୍କ ଗୁଡ଼ିକ ମାସର ଦ୍ବିତୀୟ ଓ ଚତୁର୍ଥ ଶନିବାର ମଧ୍ଯ ବନ୍ଦ ରହିଥାଏ । Negotiable Instruments Act ଅନୁଯାୟୀ, ଆରବିଆଇ ୧,୪,୫,୭,୧୪,୧୫,୧୮,୨୧ ଓ ୨୨ ଏପ୍ରିଲରେ ବ୍ୟାଙ୍କ ଛୁଟି ଘୋଷଣା କରିଛି । ଏହାଛଡ଼ା ଏପ୍ରିଲ ୨,୯,୧୬ରେ ୫ଟି ରବିବାର ପଡୁଛି । ୮ ଓ ୨୨ ଏପ୍ରିଲରେ ଦ୍ୱିତୀୟ ଓ ଚତୁର୍ଥ ଶନିବାର ପଡୁଥିବାରୁ ଏହି ଦିନ ବ୍ୟାଙ୍କ ସେବା ବନ୍ଦ ରହିବ ।
ଛୁଟି ତାଲିକା
ଏପ୍ରିଲ୍ ୧, ୨୦୨୩ (ଶନିବାର): ବାର୍ଷିକ ବ୍ୟାଙ୍କ ଆକାଉଣ୍ଟ ବନ୍ଦ
ଏପ୍ରିଲ୍ ୨, ୨୦୨୩ (ରବିବାର): ଛୁଟିଦିନ
ଏପ୍ରିଲ୍ ୪, ୨୦୨୩ (ମଙ୍ଗଳବାର) – ମହାବୀର ଜୟନ୍ତୀ
ଏପ୍ରିଲ୍ ୫, ୨୦୨୩ (ବୁଧବାର) – ବାବୁ ଜଗଜୀବନ ରାମଙ୍କ ଜନ୍ମଦିନ
ଏପ୍ରିଲ୍ ୭, ୨୦୨୩ (ଶୁକ୍ରବାର) – ଗୁଡ଼ ଫ୍ରାଇଡ଼େ
ଏପ୍ରିଲ୍ ୮ ୨୦୨୩ (ଶନିବାର) – ମାସର ଦ୍ୱିତୀୟ ଶନିବାର
ଏପ୍ରିଲ୍ ୯, ୨୦୨୩ (ରବିବାର) – ଛୁଟିଦିନ
ଏପ୍ରିଲ୍,୧୪ ୨୦୨୩ (ଶୁକ୍ରବାର) – ବାବାସାହେବ ଆମ୍ବେଦକର ଜୟନ୍ତୀ / ବୋହାଗ ବିହୁ / ଚେରୋବା / ବାଇସାଖୀ / ବାଇସାଖୀ / ତାମିଲ ନୂଆ ବର୍ଷ/ ମହା ବିଷୁବ ସଙ୍କ୍ରାନ୍ତି / ବିଜୁ ମହୋତ୍ସବ / ବିଷୁ ମହୋତ୍ସବ
ଏପ୍ରିଲ୍ ୧୫, ୨୦୨୩ (ଶନିବାର) – ବିଷ୍ଣୁ / ବୋହାଗ ବିହୁ / ହିମାଚଳ ଦିବସ / ବଙ୍ଗାଳୀ ନବ ବର୍ଷ
ଏପ୍ରିଲ୍ ୧୬, ୨୦୨୩ (ରବିବାର) – ଛୁଟିଦିନ
ଏପ୍ରିଲ୍ ୧୮, ୨୦୨୩ (ମଙ୍ଗଳବାର) – ଶାବ-ଇ-କଦର
ଏପ୍ରିଲ୍ ୨୧, ୨୦୨୩ (ଶୁକ୍ରବାର) – ଇଦ୍-ଉଲ୍-ଫିତର (ରମଜାନ୍ ଇଦ୍) / ଗରିଆ ପୂଜା / ଜୁମାତ୍-ଉଲ୍-ବିଦା
