(video) କୋଟିପତିଙ୍କ ଘୁରୋଉଛି ମଥା! ଏ ଖବରକୁ ନେଇ ଏବେ ଚାରିଆଡେ ଚର୍ଚ୍ଚା, ୫ କୋଟି ଖର୍ଚ୍ଚ କରି ଭୋଜିଦେଲେ ଭିକାରି
ଇସଲାମାବାଦ: ଇଣ୍ଟରନେଟରେ ପ୍ରତ୍ୟେକ ଦିନ କିଛି ନା କିଛି ଅଜବ ଗଜବ ଖବର ସାମ୍ନାକୁ ଆସୁଛିି । ଏମିତି କିଛି କଣ୍ଟେଣ୍ଟ ଆସୁଛି ଯାହା ଏଣ୍ଟରଟେନ୍ କରୁଛି ତ ଆଉ ଏଭଳି କିଛି ଭିିଡିଓ ଦେଖିବାକୁ ମିଳୁଛି ଯାହା ଉପରେ ବିଶ୍ୱାସ କରିବା କଷ୍ଟକର ହୋଇପଡ଼ୁଛି । ସେମିତି ଗୋଟିଏ ବିଶ୍ମୟ କଲାଭଳି ଖବର ପାକିସ୍ତାନରୁ ଆସିଛି, ଯାହାକୁ ଶୁଣିବା ଓ ଦେଖିବା ପରେ ଆପଣ ନିଜ ଆଖିକୁ ବିଶ୍ୱାସ କରିପାରିବେ ନାହିଁ । ପାକିସ୍ତାନ ପଞ୍ଜାବ ପ୍ରଦେଶ ଗୁଜରାବାଲାର ଏ ଘଟଣା । ଗୋଟିଏ ଭିକାରି ପରିବାର ପାଖାପଖି ୨୦ ହଜାର ଲୋକଙ୍କୁ ଭୋଜି ଖୁଆଇଛି । ବିଶ୍ୱାସ ନ ହେଲେ ବି ସତ । ଏହାର ଏକ ଭିଡିଓ ମଧ୍ୟ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ଆଉ ଏକ ଚକିତ କଲାଭଳି ଘଟଣା ହେଉଛି, ସେହି ଭୋଜିରେ ଖର୍ଚ୍ଚ ହୋଇଛି ୧.୨୫ କୋଟି ପାକିସ୍ତାନୀ ଟଙ୍କା ଅର୍ଥାତ୍ ୫ କୋଟିରୁ ଅଧିକ ଭାରତୀୟ ମୁଦ୍ରା ଏଥିରେ ଖର୍ଚ୍ଚ ହୋଇଛି ।
ଭିକାରି ଜଣକ ତାଙ୍କ ଜେଜେମା’ଙ୍କ ମୃତୁ୍ୟର ୪୦ ଦିନ ପାଳନ ଅବସରରେ ଏହି ଭୋଜି ଦେଇଥିବା ଜଣାପଡ଼ିଛି । ଖାଲି ଭୋଜି ଖୁଆଇବା ନୁହେଁ ବରଂ ନିମନ୍ତ୍ରୀତ ଅତିଥିଙ୍କୁ ସେମାନଙ୍କ ଘରୁ ଭୋଜି ଦିଆଯାଉଥିବା ସ୍ଥାନକୁ ଆଣିବାର ବ୍ୟବସ୍ଥା ମଧ୍ୟ ସେ କରିଥିଲେ । ଯେଉଁଥିରେ ଭୋଜି ଦେଉଥିବା ଭିକାରି ୨୦୦୦ ଯାନବାହନର ବ୍ୟବସ୍ଥା କରିଥିଲେ । ରିପୋର୍ଟ ମୁତାବକ ଭୋଜିର ଆୟୋଜନ ଗୁଜରାବାଲାସ୍ଥିତ ରହବାଲି ରେଳ ଷ୍ଟେଶନ ପାଖରେ କରାଯାଇଥିଲା । ଭୋଜିରେ ସ୍ଥାନୀୟ ଅଞ୍ଚଳର ବହୁ ଲୋକପ୍ରିୟ ଖାଦ୍ୟ ପ୍ରସ୍ତୁତ କରାଯାଇଥିଲା । ଦ୍ୱିପ୍ରହର ଭୋଜନରେ ଅତିଥିଙ୍କୁ ସିରି ପାୟେ, ମୁରବା, ବହୁ ରକମର ଭେଜ ଓ ନନଭେଜ ଖାଦ୍ୟ ପରସା ଯାଇଥିଲା । ସେହିପରି ରାତି ଖାଇବାରେ ମଟନ, ନାନ୍, ମଟର ଗଞ୍ଜ ସାଙ୍ଗକୁ ବହୁ ମିଠା ପ୍ରସ୍ତୁତ କରାଯାଇଥିଲା ।
ସୋସିଆଲ ମିଡିଆରେ ଭୋଜିର ଭିଡିଓ ଖୁବ୍ ଭାଇରାଲ ହେବାରେ ଲାଗିଛି । ବହୁ ସୋସିଆଲ ମିଡିଆ ୟୁଜର୍ସ ମଧ୍ୟ ଏଥିରେ କମେଣ୍ଟ କରିବାକୁ ଭୁଲି ନାହାନ୍ତି । ଜଣେ ଭିକାରି ୨୦ ହଜାର ଲୋକଙ୍କୁ କିପରି ଖାଇବାକୁ ଦେଲେ ସେ ନେଇ ଅନେକଙ୍କ ମନରେ ପ୍ରଶ୍ନ । ଜଣେ ୟୁଜର ମଜାଳିଆ ଢଙ୍ଗରେ କମେଣ୍ଟ କରି ଲେଖିଛନ୍ତି, ପାକିସ୍ତାନ ଭିକାରିମାନଙ୍କ ଦେଶ ଆଉ ଜଣେ ଭିକାରି ସେଠାରେ ଭୋଜି ଦେବାରେ ଆଶ୍ଚର୍ୟ୍ୟ ଲାଗିବାର କାରଣ ନାହିଁ । ଆଉ ଜଣେ ଲେଖିଛନ୍ତି, ପାକିସ୍ତାନରେ ଯିଏ ରହିବ ସେ ଭିକ ମାଗିବା କଳା ଶିଖିଯିବ ।
گوجرانوالہ میں جھگی واسوں کینگرہ برادری کے بچوں نے اپنی والدہ کے چالیسویں کی تقریبات کو تاریخی بنا دیا
گوجرانوالہ جھگی واسوں کے چھے بچوں نے اپنی والدہ کے چالیسویں کی تقریب پر سوا کروڑ روپے خرچ کیے، 120 سالہ سکینہ بی بی کے 40 ویں کی تقریب میں250 بکرے بھی ذبح کیے گئے۔ چالیسویں کی… pic.twitter.com/ceoevkgd9M
— 365 News (@365newsdotpk) November 15, 2024
