ନୂଆ ସେନାକୁ ନେଇ ଲଢିବ ବେଙ୍ଗଲୁରୁ! ରାଜସ୍ଥାନ ବିପକ୍ଷରେ କ’ଣ ରହିବ ପ୍ଲେଇଙ୍ଗ-୧୧?
ନୂଆଦିଲ୍ଲୀ: ନୂଆ ନାମ ଏବଂ ନୂଆ ଜର୍ସିରେ ମଧ୍ୟ କମାଲ କରିପାରିନି ରୋୟଲ ଚାଲେଞ୍ଜର୍ସ ବେଙ୍ଗଲୁରୁ । ଚଳିତ ସିଜନରେ ମଧ୍ୟ ବାରମ୍ବାର ବିଭିନ୍ନ ଦଳ ଆରସିବିକୁ ଧରାଶୟୀ କରିଛନ୍ତି । ତେଣୁ ଅଧିନାୟକ ଫାଫ୍ ଡୁପ୍ଲେସିସ ଦଳରେ ବଡ଼ ପରିବର୍ତ୍ତନ କରିବା ପାଇଁ ନିଷ୍ପତ୍ତି ନେଇପାରନ୍ତି । ଆଜି ରାଜସ୍ଥାନ ବିପକ୍ଷରେ ମଇଦାନକୁ ଓହ୍ଲାଇବ ରୋୟଲ ଚାଲେଞ୍ଜର୍ସ ବେଙ୍ଗଲୁରୁ । ଏହି ମ୍ୟାଚରେ ନୂଆ ରଣନୀତି ଏବଂ ନୂଆ ଦଳ ଚୟନ କରିପାରନ୍ତି ଡୁପ୍ଲେସିସ । ବର୍ତ୍ତମାନ ସୁଦ୍ଧା ଅପରାଜିତ ରହିଥିବା ରାଜସ୍ଥାନ ସିଜନରେ ଶକ୍ତିଶାଳୀ ମନେ ହେଉଥିବା ବେଳେ ବେଙ୍ଗଲୁରୁ ଏଥିପାଇଁ ଦମଦାର ପ୍ରସ୍ତୁତି କରିଥିବା ଆଶା କରାଯାଉଛି ।
ଆଇପିଏଲ-୨୦୨୪ରେ ବର୍ତ୍ତମାନ ସୁଦ୍ଧା ନିଜର ସମସ୍ତ ମ୍ୟାଚରେ ବିଜୟୀ ହୋଇଛି ରାଜସ୍ଥାନ ରୋୟଲ୍ସ । ସେପଟେ ଆରସିବି ୩ଟି ମ୍ୟାଚରେ ପରାଜୟର ସାମନା କରିଛି । ତେଣୁ ଆଜିର ମ୍ୟାଚରେ ଅପରାଜିତ ଦଳ ରାଜସ୍ଥାନକୁ ଭେଟିବାକୁ ଥିବା ବେଳେ ବିଜୟୀ ହେବା ଆଶାରେ ଅଧିନାୟକ ଫାଫ୍ ଡୁପ୍ଲେସିସ ଦଳରେ ବଡ଼ ପରିବର୍ତ୍ତନ କରିପାରନ୍ତି । ରାଜସ୍ଥାନ ପାଇଁ ଦଳରେ ଅତି କମ୍ ରେ ୩ଟି ପରିବର୍ତ୍ତନ ହୋଇପାରେ ବୋଲି ଆଲୋଚନା ହେଉଛି । ୱିକେଟ କିପର ଅନୁଜ ରାୱତ, ମିଡିଲ ଅର୍ଡର ବ୍ୟାଟର ରଜତ ପାଟିଦାର ଏବଂ ବୋଲର ୟଶ ଦୟାଲ ଆଜି ଦଳରୁ ବାଦ୍ ପଡ଼ିପାରନ୍ତି । ଦୁର୍ବଳ ପ୍ରଦର୍ଶନ ଯୋଗୁଁ ଆଜିର ଏହି ଗୁରୁତ୍ୱପୂର୍ଣ୍ଣ ମ୍ୟାଚରେ ସେମାନେ ଦଳରୁ ବାଦ୍ ପଡ଼ିପାରନ୍ତି ବୋଲି କୁହାଯାଉଛି ।
ଏହାବ୍ୟତୀତ ବେଙ୍ଗଲୁରୁର ପ୍ଲେଇଭ୍ଗ-୧୧ରେ ଇଂଲଣ୍ଡର ସ୍ପିନ ଅଲରାଉଣ୍ଡର ୱିଲ ଜ୍ୟାକ୍ସ ମଧ୍ୟ ଦଳରେ ଏଣ୍ଟ୍ରି କରିପାରନ୍ତି । ଷ୍ଟାର ଅଲରାଉଣ୍ଡର କ୍ୟାମରନ୍ ଗ୍ରୀନ କିମ୍ବା ରିସ ଟୋପଲେଙ୍କ ସ୍ଥାନରେ ଜ୍ୟାକ୍ସଙ୍କୁ ଦଳରେ ସୁଯୋଗ ଦେଇପାରନ୍ତି ଫାଫ । ଟପ୍ ଅର୍ଡରରେ ଜଣେ ବିସ୍ଫୋଟକ ବ୍ୟାଟର ଭାବରେ ବେଙ୍ଗଲୁରୁକୁ ବଡ଼ ସ୍କୋର କରିବାରେ ସେ ପ୍ରମୁଖ ଭୂମିକା ତୁଲାଇପାରନ୍ତି । ବିରାଟ ଏବଂ ଫାଫ୍ ଦଳର ଓପନିଙ୍ଗ କରୁଥିବା ବେଳେ ୩ ନମ୍ବରରେ ଜ୍ୟାକ୍ସ ଦଳରେ ସୁଯୋଗ ପାଇପାରନ୍ତି ।
ବେଙ୍ଗଲୁରୁର Playing-11: ଫାଫ୍ ଡୁପ୍ଲେସିସ(ଅଧିନାୟକ), ବିରାଟ କୋହଲି, ୱିଲ ଜ୍ୟାକ୍ସ, ରଜତ ପାଟିଦାର, ଗ୍ଲେନ ମାକ୍ସୱେଲ, ମହିପାଲ ଲାମରୋର, ଦିନେଶ କାର୍ତ୍ତିକ, ବିଜୟ କୁମାର ବୈଶାଖ, ରିସ ଟୋପଲେ, ମହମ୍ମଦ ସିରାଜ ଏବଂ ଆକାଶ ଦୀପ
