ଏହି ସରକାରୀ ବ୍ୟାଙ୍କରେ ରହିଛି କି ଆକାଉଣ୍ଟ, ୧ ଅକ୍ଟୋବରରୁ ବଦଳିଯିବ ଏହି ନିୟମ
ନୂଆଦିଲ୍ଲୀ: କ’ଣ ଆପଣ ସରକାରୀ ବ୍ୟାଙ୍କରେ ଖାତା ଖୋଲିଛନ୍ତି କି? ଯଦି ହଁ ତେବେ ଏହା ତେବେ ଏହା ଆପଣଙ୍କ ପାଇଁ ଜରୁରୀ ଖବର ଅଟେ । କିଛି ମାସ ପୂର୍ବେ କେନ୍ଦ୍ର ସରକାର ଇଣ୍ଡିଆନ ବ୍ୟାଙ୍କ ଏବଂ ଆହ୍ଲାବାଦ ବ୍ୟାଙ୍କର ମିଶ୍ରଣ କରିଥିଲେ, ଯାହା ପରେ ଗ୍ରାହକଙ୍କ ଚେକବୁକ୍ ଏବଂ ଏମଆଇସିଆର(MICR) କୋଡ୍ ବଦଳିଯାଇଛି । ଇଣ୍ଡିଆନ ବ୍ୟାଙ୍କ ଟ୍ୱିଟ୍ କରି ଏହି ସୂଚନା ଗ୍ରାହକଙ୍କୁ ଦେଇଛି । ବ୍ୟାଙ୍କ ଗ୍ରାହକ ଅନଲାଇନରେ ମଧ୍ୟ ଚେକ୍ ଆବେଦନ କରିପାରିବେ । ଆପଣ ଇଣ୍ଟରନେଟ ବ୍ୟାଙ୍କିଙ୍ଗ କିମ୍ବା ମୋବାଇଲ ବ୍ୟାଙ୍କିଙ୍ଗ ଦ୍ୱାରା ଚେକବୁକ ଆପ୍ଲାଏ କରିପାରିବେ ।
ବ୍ୟାଙ୍କ ଟ୍ୱିଟ୍ କରି କହିଛି ଯେ ଗ୍ରାହକ ନିଜର ନୂଆ ଚେକବୁକ୍ ବ୍ୟାଙ୍କରୁ ସଂଗ୍ରହ କରିନିଅନ୍ତୁ । ୧ ତାରିଖ ପରଠାରୁ ଗ୍ରାହକ ପୁରୁଣା ଚେକବୁକର ବ୍ୟବହାର କରିପାରିବେନାହିଁ । ପୁରୁଣା ଚେକବୁକ୍ କାମ କରିବନାହିଁ, ଆପଣ ଟଙ୍କା ଟ୍ରାନ୍ସଫର କରିପାରିବେନାହିଁ । ତେଣୁ ଖୁବଶୀଘ୍ର ଚେକବୁକ୍ ପାଇଁ ଆବେଦନ କରିନିଅନ୍ତୁ ।
Enjoy smooth banking transactions without any glitch. The MICR code and cheque books of the erstwhile Allahabad Bank will be discontinued from 01.10.2021. Get new cheque books from your nearest branch or apply through internet banking/mobile banking.#IndianBank pic.twitter.com/xF1Rctppx2
— Indian Bank (@MyIndianBank) July 31, 2021
ମ୍ୟାଗ୍ନେଟିକ୍ ଇଙ୍କ୍ କରେକ୍ଟର ରେକଗନାଇଜେସନ (ଏମଆଇସିଆର) ହେଉଛି ଏକ ୯ ଅଙ୍କ ବିଶିଷ୍ଟ କୋଡ୍ । ଏହା ସେହି ବ୍ୟାଙ୍କ ଶାଖାଗୁଡ଼ିକୁ ଚିହ୍ନଟ କରେ ଯେଉଁମାନେ ଇଲେକ୍ଟ୍ରୋନିକ୍ କ୍ଲିୟରିଙ୍ଗ ସିଷ୍ଟମରେ ଭାଗ ନେଇଥାନ୍ତି । ଏହି କୋଡ୍ ରେ ବ୍ୟାଙ୍କ କୋଡ୍, ଆକାଉଣ୍ଟ ବିବରଣୀ, ଅର୍ଥ ପରିମାଣ, ଏବଂ ଚେକ୍ ନମ୍ବର ପରି ସବିଶେଷ ତଥ୍ୟ ରହିଥାଏ । ଏହି କୋଡ୍ ଚେକ୍ ର ତଳକୁ ରହିଥାଏ । ଏହି ୯ ଅଙ୍କ ବିଶିଷ୍ଟ କୋଡ୍ ରେ ପ୍ରଥମ ୩ ଅଙ୍କ ସହରକୁ ଦର୍ଶାଇଥାଏ, ପରବର୍ତ୍ତୀ ୩ ଅଙ୍କ ବ୍ୟାଙ୍କକୁ ଦର୍ଶାଇଥିବାବେଳେ ଶେଷ ୩ ଅଙ୍କ ଶାଖା କୋଡ୍ କୁ ଦର୍ଶାଇଥାଏ ।
