ସମଲିଙ୍ଗୀ ଦମ୍ପତ୍ତିଙ୍କ ଶିଶୁକୁ ନେଇ ଆସିଲା ବଡ ଖବର, ହେବନି ଜନ୍ମ ପଞ୍ଜିକରଣ
ରୋମ: ଇଟାଲୀ ସରକାର ନିଜ ସହାର ମିଲାନର ମେୟରଙ୍କୁ ଏକ ଆଦେଶ ଦେଇଛନ୍ତି । ଆଦେଶରେ କୁହାଯାଇଛି ଯେ, ସମଲିଙ୍ଗୀ ଦମ୍ପତ୍ତିଙ୍କ ଶିଶୁର ଜନ୍ମ ପଞ୍ଜିକରଣ ବନ୍ଦ କରାଯାଉ । ପ୍ରଧାନମନ୍ତ୍ରୀ ଜିୟୋର୍ଜିୟା ମେଲୋନୀର ଏହି ଆଦେଶ ପରେ ଇଟାଲୀରେ ପୁଣି ତର୍କ ବିତର୍କ ଲାଗି ରହିଛି । ୨୦୧୬ ଇଟାଲୀରେ କ୍ୟାଥୋଲିକ ଏବଂ କଂଜର୍ବେଟିଭ ଗ୍ରୁପର ବିରୋଧକୁ ପ୍ରତ୍ୟାଖାନ କରାଯାଇ ସମଲିଙ୍ଗୀ ବିବାହକୁ ମାନ୍ୟତା ଦିଆଯାଇଛି । ହେଲେ ହୋମୋଫୋବିୟାର ବିରୋଧ ପାଇଁ ଦେଶରେ କୌଣସି ଆଇନ କାନୁନ ନାହିଁ । ସମଲିଙ୍ଗୀ ବିବାହକୁ ବୈଧ କରିବା ପରେ ମଧ୍ୟ ଇଟାଲୀରେ ସବୁଠାରୁ ବଡ ସମସ୍ୟା ହେଉଛି ଯେ, ସମଲିଙ୍ଗୀ ଦମ୍ପତ୍ତିଙ୍କ ପାଇଁ ଶିଶୁକୁ ଜନ୍ମ ଦେବା ବହୁତ ଦୁର୍ବଳ ଅଟେ । ଏହାର ମୂଳ କାରଣ ହେଉଛି ଏହି ନିଷ୍ପତ୍ତି ସରୋଗେଟ୍ ପ୍ରେଗନ୍ସିକୁ ପ୍ରୋତ୍ସାହିତ କରିବ । ଯାହାକି ଇଟାଲୀରେ ଅବୈଧ ଅଟେ ।
ଏହି ପ୍ରସଙ୍ଗରେ କାନୁନରେ କିଛି ଅଦାଲତ ସମଲିଙ୍ଗୀ ଦମ୍ପତ୍ତିଙ୍କୁ ଗର୍ଭଧାରଣ କରିବା ପାଇଁ ଅନୁମତିର ନିଷ୍ପତ୍ତି ଶୁଣାଇଥିଲେ । ଏହାସହ ମିଲାନ ସମେତ କିଛି ସହରରେ ମେୟର ଏହି ସମଲିଙ୍ଗୀ ଯୋଡିଙ୍କ ପାଇଁ ସରୋଗେଟ ଶିଶୁର ରେଜିଷ୍ଟ୍ରେସନର ମଧ୍ୟ ମାନ୍ୟତା ଦେଇଥିଲା । ମିଲାନର ସେଣ୍ଟର-ଲେଫ୍ଟ ମେୟର ଗ୍ୟୁସେପ ସାଲା କହିଛନ୍ତି ଯେ, ତାଙ୍କୁ ଅନ୍ତରାଷ୍ଟ୍ରୀୟ ମନ୍ତ୍ରଣାଳୟରେ ଏକ ପତ୍ର ମିଳିଛି । ଯେଉଁଥିରେ କୁହାଯାଇଛି ଯେ, ସମଲିଙ୍ଗୀ ଯୋଡିଙ୍କ ଶିଶୁଙ୍କର ପଞ୍ଜିକରଣ ବନ୍ଦ କରାଯାଉ । ଇଟାଲୀ ହାଇକୋର୍ଟର ଏକ ଶୁଣାଣିରେ ମିଲାନର ଏକ ବିଭାଗ ଯୁକ୍ତି ବାଢି କହିଥିଲେ ଯେ, ସମଲିଙ୍ଗୀ ଦମ୍ପତ୍ତିଙ୍କୁ କୋର୍ଟ କେବଳ ଗର୍ଭଧାରଣ ପାଇଁ ଅନୁମତି ଦେଇଥିଲା । ସେ ଏହି ନିଷ୍ପତ୍ତିକୁ ମାନୁଛନ୍ତି ହେଲେ ସମଲିଙ୍ଗୀ ଅବିଭାବକ ତାଙ୍କ ଶିଶୁଙ୍କ ଅଧିକାରର ଗ୍ୟାରେଣ୍ଟି ପାଇଁ ରାଜନୈତିକ ରୂପରେ ଲଢିବା ଆବଶ୍ୟକ ।
ପାରମ୍ପାରିକ ଖ୍ରୀଷ୍ଟିଆନ ରୀତିନୀତିର ରକ୍ଷକ ଭାବରେ ପ୍ରଧାନମନ୍ତ୍ରୀ ଜର୍ଜିଆ ମେଲୋନି କ୍ଷମତାକୁ ଆସିଥିଲେ। ସେ ଲିଙ୍ଗଗତ ଚିନ୍ତାଧାରା ଏବଂ LGBT ଲବିକୁ ଦୃଢ ନିନ୍ଦା କରିଥିଲେ। କିନ୍ତୁ ସରକାରଙ୍କ ଏହି ନିଷ୍ପତ୍ତିକୁ ଏଲଜିବିଟି ସମ୍ପ୍ରଦାୟ ଏବଂ ସେମାନଙ୍କ କାର୍ଯ୍ୟକର୍ତ୍ତାମାନେ ବିରୋଧ କରିଛନ୍ତି। ଇଟାଲୀର ସର୍ବବୃହତ LGBT + ପ୍ରାଧିକରଣ ଗୋଷ୍ଠୀର ଆର୍ସିଗାଇର ସେକ୍ରେଟେରୀ ଜେନେରାଲ୍ ଗାବ୍ରିଏଲ୍ ପିଆଜୋନି କହିଛନ୍ତି ଯେ, LGBT ସମ୍ପ୍ରଦାୟ ବିରୁଦ୍ଧରେ ଦକ୍ଷିଣପନ୍ଥୀ ଦଳର କ୍ରୋଧର ଏକ ବଡ଼ ଉଦାହରଣ। ଇଟାଲୀର ଏକ ଅଗ୍ରଣୀ ସମଲିଙ୍ଗୀ ଅଧିକାର ଅଭିଯାନ ଗୋଷ୍ଠୀର ନେତା ଫାବ୍ରିଜିଓ ମାରାଜୋ ମିଲାନ୍ର ମେୟରଙ୍କ ସମେତ ଅନ୍ୟ ମେୟରମାନଙ୍କୁ ଯୋଗ୍ୟ ସାର୍ଟିଫିକେଟ୍ ସମ୍ବନ୍ଧରେ ସରକାରଙ୍କ ନିଷ୍ପତ୍ତିକୁ ବିରୋଧ କରିବାକୁ ଅନୁରୋଧ କରିଛନ୍ତି। ସେ କହିଛନ୍ତି ଯେ, ଯେତେବେଳେ ଏକ ଆଇନ ରାଜନୈତିକ ଉଦ୍ଦେଶ୍ୟ ପ୍ରଣୋଦିତ, ଅନ୍ୟାୟ ଏବଂ ଭେଦଭାବପୂର୍ଣ୍ଣ, ସେତେବେଳେ ଏହାକୁ ଅବମାନନା କରିବାର ସାହସ ରହିବା ଉଚିତ୍।
