ସବୁଠାରୁ ମହଙ୍ଗା ଆଇସକ୍ରିମ୍, ଗୋଟିଏ ସ୍କୁପର ଦାମରେ କିଣିପାରିବେ ଆଇଫୋନ୍
ପୁଅମାନଙ୍କ ଅପେକ୍ଷା ଝିଅମାନଙ୍କୁ ଆଇସକ୍ରିମ୍ ଅଧିକ ପସନ୍ଦ । କିନ୍ତୁ ଆପଣ କେବେ ଭାବିଛନ୍ତି କି, ସୁନାରେ ସଜ୍ଜେଇ ହୋଇ ରହିଥିବା ଆଇସକ୍ରିମର ସ୍ୱାଦ କିପରି ଲାଗିବ? ଯଦି ନାଁ, ତେବେ ଜାଣିରଖନ୍ତୁ ଯେ ମାର୍କେଟରେ ସୁନାରେ ସଜେଇ ହୋଇଥିବା ଆଇସକ୍ରିମ ଉପଲବ୍ଧ ହୋଇଛି । କିନ୍ତୁ ଏହା ଏତେ ମହଙ୍ଗା ଯେ, ଏହାର ଗୋଟିଏ ସ୍କୁପର ଦାମରେ ଆପଣ ୧୦ ଗ୍ରାମ ଶୁଦ୍ଧ ସୁନା ବା ଆଇଫୋନ କିଣିପାରିବେ ।
ତେବେ ସୁନା ଛିଞ୍ଚି ସର୍ଭ କରାଯାଉଥିବା ଏହି ଆଇସକ୍ରିମର ଏକ ସ୍କୁପର ଦାମ୍ ୬୦ ହଜାର ଟଙ୍କା ରହିଛି । ଏହି ଆଇସକ୍ରିମ ଦୁବାଇର ସ୍କୁପି କ୍ୟାଫେ ଦ୍ୱାରା ଲଞ୍ଚ କରାଯାଇଛି, ଯାହାକି ଦୁନିଆର ସବୁଠାରୁ ମହଙ୍ଗା ଆଇସକ୍ରିମ । ଏହି ମହଙ୍ଗା ଆଇସକ୍ରିମର ନାଁ ‘ବ୍ଲାକ ଡାଇମଣ୍ଡ’ ରଖାଯାଇଛି ।
ଅଭିନେତ୍ରୀ ଶେନାଜ ଟ୍ରେଜରୀ ଦୁବାଇ ଭ୍ରମଣ କରୁଥିବା ସମୟରେ ଦୁନିଆର ଏହି ମହଙ୍ଗା ଆଇସକ୍ରିମର ସ୍ୱାଦ ଚାଖିଥିଲେ । ଏହା ସହ ଇନଷ୍ଟାଗ୍ରାମରେ ଭିଡିଓ ସେୟାର କରି କହିଥିଲେ ଯେ, ଏପରି କ’ଣ ଅଛି ଯାହାକୁ ଟଙ୍କା ସାହାର୍ଯ୍ୟରେ କିଣାଯାଇପାରିବ ନାହିଁ । ଗୋଟିଏ ଆଇସକ୍ରିମ ପାଇଁ ୬୦,୦୦୦ ଟଙ୍କା । ଦୁବାଇରେ ସୁନା ଖାଉଛି । ଏହା ଦୁନିଆର ସବୁଠାରୁ ମହଙ୍ଗା ଆଇସକ୍ରିମ ।’
ସ୍କୁପି କ୍ୟାଫେ ଦ୍ୱାରା ଲଞ୍ଚ ହୋଇଥିବା ଏହି ‘ବ୍ଲାକ୍ ଡାଇମଣ୍ଡ’ ଆଇସକ୍ରିମରେ ଭାନିଲା ଉପରେ ଇରାନର କେସର ଓ କଲା ଟ୍ରଫଲ ସମେତ ୨୩ କ୍ୟାରେଟ ଖାଇବା ଯୋଗ୍ୟ ସୁନା ସିଞ୍ଜନ କରାଯାଇଛି । ଏତେ ଟଙ୍କାର ମୂଲ୍ୟବାନ୍ ଆଇସକ୍ରିମ ସର୍ଭ କରିବାକର ଶୈଳୀ ମଧ୍ୟ ରାଜକୀୟ ଭାବେ ରହିଛି । ସୁନ୍ଦର କଳା ଏବଂ ସୁବର୍ଣ୍ଣ ରଙ୍ଗର କପରେ ଆଇସକ୍ରିମକୁ ସର୍ଭ କରାଯାଏ ।
