ହଠାତ୍ ବିଗିଡ଼ିଗଲା ଅଭିନେତ୍ରୀଙ୍କ ସ୍ୱାସ୍ଥ୍ୟାବସ୍ଥା! ସକାଳୁ ସକାଳୁ ଡାକ୍ତରଖାନାରେ ଭର୍ତ୍ତି ହେଲେ କିଆରା

ମୁମ୍ବାଇ: ବଲିଉଡ୍ ଅଭିନେତ୍ରୀ କିଆରା ଆଡଭାନୀଙ୍କୁ ନେଇ ଦୁଃଖ ଖବର ସାମ୍ନାକୁ ଆସିଛି । କିଆରାଙ୍କ ସ୍ୱାସ୍ଥ୍ୟାବସ୍ଥା ବିଗିଡ଼ିଯିବା କାରଣରୁ ତାଙ୍କୁ ହସ୍ପିଟାଲରେ ଭର୍ତ୍ତି ହେବାକୁ ପଡ଼ିଛି ।

ଅସୁସ୍ଥତା କାରଣରୁ ତାଙ୍କ ଅଭିନୀତ ଫିଲ୍ମ ‘ଗେମ୍ ଚେଞ୍ଜର’ର ପ୍ରମୋଶନ କାର୍ଯ୍ୟକ୍ରମରେ ଯୋଗ ଦେଇ ପାରି ନାହାନ୍ତି କିଆରା । ଏହି ହାଇ ବଜେଟ୍ ଫିଲ୍ମରେ କିଆରାଙ୍କ ସହ ସ୍କ୍ରିନ୍ ଶେୟାର କରିଛନ୍ତି ସାଉଥ୍ ଷ୍ଟାର ରାମ ଚରଣ ।

ଶନିବାର ସକାଳେ ହିଁ କିଆରାଙ୍କୁ ହସ୍ପିଟାଲରେ ଆଡମିଟ୍ କରାଯାଇଛି । ବର୍ତ୍ତମାନ ସୁଦ୍ଧା ତାଙ୍କ ସ୍ୱାସ୍ଥ୍ୟ ବିଗିଡ଼ିବାର କାରଣ ଜଣାପଡ଼ି ନାହିଁ । ତେବେ କିଆରାଙ୍କ ସ୍ଥିତିକୁ ନେଇ ଗେମ ଚେଞ୍ଜର ଟିମ୍ ପକ୍ଷରୁ କୌଣସି ସୂଚନା ମିଳିପାରି ନାହିଁ ।

ଗେମ ଚେଞ୍ଜର ହାଇ ବଜେଟ୍ ଫିଲ୍ମ ପାଇଁ ରାମ ଚରଣଙ୍କୁ ୧୦୦ କୋଟି ଟଙ୍କା ଦିଆଯାଇଥିବାବେଳେ କିଆରାଙ୍କୁ ମିଳିଛି ୫ରୁ ୬ କୋଟି ଟଙ୍କା ।

ଫିଲ୍ମରେ ଜବରଦସ୍ତ ଆକ୍ସନ ସାଙ୍ଗକୁ ରାମ ଚରଣ ଏବଂ କିଆରାଙ୍କ ରୋମାନ୍ସ ଦେଖିବାକୁ ମିଳିବ ।

ଏସ୍. ଶଙ୍କରଙ୍କ ଦ୍ୱାରା ନିର୍ଦ୍ଦେଶିତ ଗେମ୍ ଚେଞ୍ଜର ଆସନ୍ତା ୧୦ ତାରିଖରେ ରିଲିଜ ହେବ ।