Video: ବାହାଘର ବେଳେ ଭୟଙ୍କର ମାରପିଟ; ଚାପୁଡ଼ା ଉପରେ ଚାପୁଡ଼ା ମାରିଲେ ବରଯାତ୍ରୀ
ନୂଆଦିଲ୍ଲୀ: ବେଳେବେଳେ ବିବାହ ସମୟରେ ଏପରି ଆଶ୍ଚର୍ଯ୍ୟଜନକ ଘଟଣା ଘଟେ ଯାହା ବିଷୟରେ ଆପଣ କେବେ ବି ଭାବି ପାରି ନଥିବେ । ତେବେ ବିବାହର ଅନେକ ଗୁରୁତ୍ୱପୂର୍ଣ୍ଣ ରୀତିନୀତି ମଧ୍ୟରୁ ବର କନିଆକୁ ବରମାଳା ପିନ୍ଧାଇବା ରୀତି ଅନ୍ୟତମ । ତେବେ ଏହି ବରମାଳା ସମୟରେ ବାହାଘରକୁ ଆସିଥିବା ଅତିଥିମାନେ ମୋବାଇଲ କ୍ୟାମେରାରେ ଭିଡିଓ ତିଆରି କରିବା ପାଇଁ ଆଗକୁ ଚାଲି ଆସନ୍ତି । ସେହିପରି ଅନେକ ଲୋକ ବର ଏବଂ କନିଆକୁ ଦେଖିବା ପାଇଁ ଆଗକୁ ଚାଲି ଆସନ୍ତି । ତେବେ ଏଭଳି ଏକ ବିବାହ ସମାରୋହରେ କିଛି ଭିନ୍ନ ଦେଖିବାକୁ ମିଳିଥିଲା । ଏହି ବିବାହ ସମୟରେ ଯେତେବେଳେ ବରମାଳା ରୀତି ସମାରୋହ ଅନୁଷ୍ଠିତ ହେଉଥିଲା, ଷ୍ଟେଜ ତଳେ ଉପସ୍ଥିତ ଥିବା କିଛି ଅତିଥି ପରସ୍ପର ସହ ଗଣ୍ଡଗୋଳ କରିବା ଆରମ୍ଭ କରିଥିଲେ । ମାମଲା ଏତେ ବଢିଥିଲା ଯେ ବରମାଳା କାର୍ଯ୍ୟକ୍ରମ ମଝିରେ ହିଁ ଅଟକାଇବାକୁ ପଡିଥିଲା । ତେବେ ବିବାହ ବେଳେ ଏପରି ଗଣ୍ଡଗୋଳ ହୋଇଥିବାର ଏହି ଭିଡିଓ ବର୍ତ୍ତମାନ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ।
ଭାଇରାଲ ହୋଇଥିବା ଏହି ଭିଡିଓରେ ବର ଏବଂ କନିଆ ଷ୍ଟେଜ ଉପରେ ଠିଆ ହୋଇଛନ୍ତି ଏବଂ କନିଆ ହାତରେ ଆଳତୀ ଥାଳି ଧରି ବରକୁ ବନ୍ଦାପନା କରୁଥିବା ଦେଖିବାକୁ ପାଇବେ । ଡ୍ରୋନ୍ କ୍ୟାମେରା ଦ୍ୱାରା ବର ଏବଂ କନିଆଙ୍କ ବରମାଳା କାର୍ଯ୍ୟକ୍ରମକୁ ରେକର୍ଡିଂ କରାଯାଉଥିଲା । କିନ୍ତୁ ହଠାତ୍ ଷ୍ଟେଜ ତଳେ କିଛି ଅତିଥିଙ୍କ ମଧ୍ୟରେ ଗଣ୍ଡଗୋଳ ଆରମ୍ଭ ହୋଇଥିଲା । ଗଣ୍ଡଗୋଳ ଏତେ ଅଧିକ ବଢି ଯାଇଥିଲା ଯେ ଏହା ଆୟତ୍ତ ବାହାରେ ହୋଇଥିଲା । ତଳେ ଥିବା ଅତିଥିମାନେ ପରସ୍ପରକୁ ଚାପୁଡ଼ା ମାରିବା ଆରମ୍ଭ କରିଥିଲେ । ପ୍ରଥମେ ଜଣେ କିମ୍ବା ଦୁଇ ଜଣଙ୍କ ମଧ୍ୟରେ ଝଗଡା ହୋଇଥିଲା କିନ୍ତୁ ଧୀରେ ଧୀରେ ଏହି ଘଟଣା ଏତେ ବଢିଗଲା ଯେ ଲୋକମାନେ ପରସ୍ପର ଉପରକୁ ଚେୟାର ଫିଙ୍ଗିବା ଆରମ୍ଭ କରିଥିଲେ ।
View this post on Instagram
ଏପରିକି ଷ୍ଟେଜ ଉପରେ ଠିଆ ହୋଇଥିବା ବର ମଧ୍ୟ ବରମାଳା ଛାଡ଼ି ଗଣ୍ଡଗୋଳ ଦେଖିବା ଆରମ୍ଭ କରିଥିଲେ । ସେଠାରେ ଉପସ୍ଥିତ ଜଣେ ଯୁବତୀ ବରର ହାତ ଧରି ତାଙ୍କୁ ଅଟକାଇବାକୁ ଚେଷ୍ଟା କରିଥିଲା । ଏହି ଗଣ୍ଡଗୋଳ ଏତେ ବଢିଗଲା ଯେ ଲୋକମାନେ ଦୀର୍ଘ ସମୟ ଧରି ପରସ୍ପରକୁ ମାଡ ମାରୁଥିଲେ । କିଛି ଲୋକ ମାଡ ମାରିବା ପରେ ବିବାହ ହେଉଥିବା ସ୍ଥାନରୁ ବାହାରକୁ ଯିବା ଆରମ୍ଭ କରିଥିଲେ । କିଛି ସେକେଣ୍ଡର ଏହି ଭିଡିଓ ବର୍ତ୍ତମାନ ଇଣ୍ଟରନେଟରେ ଭାଇରାଲ ହେଉଛି । ଏହାକୁ ରାଜୁରାଜ୨୭୯୪ ନାମକ ଏକ ଆକାଉଣ୍ଟରୁ ଇନଷ୍ଟାଗ୍ରାମରେ ସେୟାର କରାଯାଇଥିଲା ଏବଂ ବର୍ତ୍ତମାନ ପର୍ଯ୍ୟନ୍ତ ପ୍ରାୟ ୮୦ ହଜାର ଲୋକ ଏହି ଭିଡିଓକୁ ଲାଇକ କରିଛନ୍ତି । ସେହିପରି ଅନେକ ଲୋକ ଏହି ଭିଡିଓରେ କମେଣ୍ଟ ମଧ୍ୟ କରିଛନ୍ତି ।
