(Video) ରୋହିତଙ୍କୁ ନିଜ ଇସାରାରେ ନଚାଇଲେ କ୍ୟାପଟେନ୍ ହାର୍ଦ୍ଦିକ: ମାମଲା ଦେଖି ରାଗିଗଲେ ଫ୍ୟାନ୍ସ

ନୂଆଦିଲ୍ଲୀ: ମୁମ୍ବାଇ ଇଣ୍ଡିଆନ୍ସର ଅଧିନାୟକ ଭାବରେ ପ୍ରଥମ ମ୍ୟାଚରେ ପରାସ୍ତ ହୋଇଛନ୍ତି ହାର୍ଦ୍ଦିକ ପାଣ୍ଡ୍ୟା । ଗୁଜୁରାଟ ବିପକ୍ଷ ମ୍ୟାଚରେ ୬ ରନରେ ପରାଜୟର ସାମନା କରିଛି ମୁମ୍ବାଇ ଇଣ୍ଡିଆନ୍ସ । ତେବେ ଏହି ପରାଜୟ ଅପେକ୍ଷା କ୍ୟାପଟେନ୍ ହାର୍ଦ୍ଦିକଙ୍କର କିଛି କାରନାମା ସମସ୍ତଙ୍କୁ ଆଚମ୍ବିତ କରିଦେଇଛି । ପାଣ୍ଡ୍ୟାଙ୍କର କିଛି କାର୍ଯ୍ୟ ପାଇଁ ଏବେ ସେ ଟ୍ରୋଲର ଶିକାର ହୋଇଛନ୍ତି । ଏହାବ୍ୟତୀତ ତାଙ୍କର କିଛି ନିଷ୍ପତ୍ତି ମଧ୍ୟ ଆଲୋଚନାର ବିଷୟ ପାଲଟିଛି । ବିଶେଷ କରି ଦଳର ପୂର୍ବତନ ଅଧିନାୟକ ରୋହିତ ଶର୍ମାଙ୍କୁ ସେ ତାଙ୍କ ଇଚ୍ଚା ଅନୁସାରେ ଫିଲ୍ଡ ସେଟିଙ୍ଗ କରାଉଥିବା ଘଟଣା ଫ୍ୟାନ୍ସମାନଙ୍କୁ ଖୁବ ଆଘାତ ଦେଇଛି । ଯାହାର ଭିଡିଓ ଭାଇରାଲହେବା ସହ ଏହାକୁ ନେଇ ହାର୍ଦ୍ଦିକ ଖୁବ ଟ୍ରୋଲ ହେଉଛନ୍ତି ।

ଗୁଜୁରାଟ-ମୁମ୍ବାଇ ମ୍ୟାଚ ପରେ ସୋସିଆଲ ମିଡିଆରେ ଏକ ଭିଡିଓ ଖୁବ ଭାଇରାଲ ହେଉଛି । ଏହି ଭିଡିଓରେ ମୁମ୍ବାଇର ଅଧିନାୟକ ହାର୍ଦ୍ଦିକ ପାଣ୍ଡ୍ୟା ଫିଲ୍ଡ ସେଟିଙ୍ଗ କରୁଛନ୍ତି । ତେବେ ଏହା ମଧ୍ୟରେ ସେ ଦଳର ପୂର୍ବତନ ଅଧିନାୟକ ରୋହିତ ଶର୍ମାଙ୍କ ଫିଲ୍ଡ ପୋଜିସନ୍ ମଧ୍ୟ ଚେଞ୍ଜ କରାଇଛନ୍ତି । କିନ୍ତୁ ଏହି ସମୟରେ ରୋହିତଙ୍କୁ ଯେଉଁଭଳି ଢଙ୍ଗରେ ହାର୍ଦ୍ଦିକ ଇସାରା କରିଛନ୍ତି, ତାହାକୁ ନେଇ ଫ୍ୟାନ୍ସ ଖୁବ ନାରାଜ ହୋଇଛନ୍ତି । ଭିଡିଓରେ ଦେଖାଯାଇଛି ଯେ, ରୋହିତ ୩୦ ୟାର୍ଡ ସର୍କଲ ଭିତରେ ରହିଥିବା ବେଳେ ହାର୍ଦ୍ଦିକ ତାଙ୍କୁ ବାଉଣ୍ଡ୍ରି ନିକଟରେ ରହିବା ପାଇଁ କହିଥିଲେ । ଏହାପରେ ରୋହିତ ନିଜ ଫିଲ୍ଡିଂ ପୋଜିସନରେ ପହଞ୍ଚିଥିଲେ, କିନ୍ତୁ ହାର୍ଦ୍ଦିକ ପୁଣିଥରେ ତାଙ୍କୁ ପୋଜିସନ୍ ଚେଞ୍ଜ କରିବା ପାଇଁ ଇସାରା କରିଥିଲେ । ସେପଟେ ପୂର୍ବ ଅଧିନାୟକ ରୋହିତ ମଧ୍ୟ ନିଜ ଅଧିନାୟକଙ୍କ ଅନୁସାରେ ଫିଲ୍ଡିଂ କରୁଥିବାର ଦେଖାଯାଇଛି । ତେବେ ହାର୍ଦ୍ଦିକଙ୍କର ଏହି ଇସାରା ଫ୍ୟାନ୍ସମାନଙ୍କୁ ଶକ୍ତ ଝଟକା ଦେଇଛି । ତେଣୁ ହାର୍ଦ୍ଦିକଙ୍କୁ ରୋହିତ ଫ୍ୟାନ୍ସ ଏବଂ କ୍ରୀଡ଼ାପ୍ରେମୀ ଏଥିପାଇଁ ଟ୍ରୋଲ ମଧ୍ୟ କରିଛନ୍ତି । ତେବେ ମ୍ୟାଚ ପରେ ହାର୍ଦ୍ଦିକ ରୋହିତଙ୍କୁ କୁଣ୍ଢାଇ ମସ୍ତି କରୁଥିବା ବେଳେ ପୂର୍ବତନ ଅଧିନାୟକ ମଧ୍ୟ ପାଣ୍ଡ୍ୟାଙ୍କୁ କିଛି ପରାମର୍ଶ ଦେଇଛନ୍ତି ।

Hardik Pandya sent Rohit Sharma to boundary line

After a long time I saw Rohit Sharma fielding at the boundary line #MIvsGT #GTvMI #IPL2024 pic.twitter.com/Oe4wdAt1hU

— Krish Na (@iamsai494) March 24, 2024

ଏହି ମ୍ୟାଚରେ ମୁମ୍ବାଇ ଇଣ୍ଡିଆନ୍ସ ଟସ୍ ଜିତି ପ୍ରଥମେ ବୋଲିଂ କରିବାକୁ ନିଷ୍ପତ୍ତି ନେଇଥିଲା। ପ୍ରଥମ ଇନିଂସରେ ଗୁଜୁରାଟ ୨୦ ଓଭରରେ ୬ ୱିକେଟ୍ ହରାଇ୧୬୮ ରନ୍ ସଂଗ୍ରହ କରିଥିଲା । ତେବେ ୧୬୯ ରନର ବିଜୟ ଲକ୍ଷ୍ୟ ନେଇ ମୁମ୍ବାଇ ୨୦ ଓଭରରେ ୯ ୱିକେଟ୍ ବିନିମୟରେ ମାତ୍ର ୧୬୨ ରନ୍ ସ୍କୋର କରିବାରେ ସକ୍ଷମ ହୋଇପାରିଛି। ଏକ ସମୟରେ ମୁମ୍ବାଇ ଦଳ ବିଜୟର ନିକଟତର ଥିବା ବେଳେ ଗୁଜୁରାଟର ବୋଲର ଚମତ୍କାର ବୋଲିଂ କରି ମ୍ୟାଚରେ କମବ୍ୟାକ କରିବାରେ ସଫଳ ହୋଇଛନ୍ତି ଯାହାଫଳରେ ଆଇପିଏଲ-୨୦୨୨୪ର ପ୍ରଥମ ମ୍ୟାଚରେ ପୂର୍ବତନ ଅଧିନାୟକଙ୍କୁ ୬ ରନରେ ପରାସ୍ତ କରିଛି ଗୁଜୁରାଟ ଟାଇଟନ୍ସ। ଶୁବମନ ଗିଲ ପ୍ରଥମ ଥର ପାଇଁ ଆଇପିଏଲରେ ଅଧିନାୟକ ଭାବରେ ଦାୟିତ୍ୱ ନେଇ ବିଜୟ ହାସଲ କରିଛନ୍ତି । ତେବେ ୪୫ ରନର ଦମଦାର ଇନିଂସ ପାଇଁ ଗୁଜରାଟର ଷ୍ଟାର ବ୍ୟାଟର ସାଇ ସୁଦର୍ଶନଙ୍କୁ ପ୍ଲେୟାର ଅଫ୍ ଦି ମ୍ୟାଚ୍ ପୁରସ୍କାର ପ୍ରଦାନ କରାଯାଇଛି।

Rohit Sharma scolds Hardik Pandya for poor captaincy.

Ambani escaped from that place, and Rashid Khan can't control his laughter.#RohitSharma𓃵 #HardikPandya #RohitSharma #MumbaiIndians #IPL2024 #GTvsMI pic.twitter.com/WfiJffsJ7E

— Santhosh (@santho_chandran) March 24, 2024