BSFର କ୍ଷମତା ବୃଦ୍ଧିକୁ ନେଇ ପଞ୍ଜାବ କଂଗ୍ରେସରେ ଝଡ; ମୁହାଁମୁହିଁ ହେଲେ ଚନ୍ନି ଓ ଅମରିନ୍ଦର
ନୂଆଦିଲ୍ଳୀ: ବିଏସଏଫର କ୍ଷମତା ବୃଦ୍ଧିକୁ ନେଇ ପଞ୍ଜାବ କଂଗ୍ରେସରେ ଝଡ ସୃଷ୍ଟି ହୋଇଛି । ଏହି ନିୟମକୁ ନେଇ ପୂର୍ବତନ ମୁଖ୍ୟମନ୍ତ୍ରୀ କ୍ୟାପଟେନ ଅମରିନ୍ଦର ସିଂ ଓ ମୁଖ୍ୟମନ୍ତ୍ରୀ ଚରଣଜିତ୍ ସିଂ ଚନ୍ନି ମୁହାଁମୁହିଁ ହୋଇଛନ୍ତି । ଚରଣଜିତ ସିଂ ଚନ୍ନି ଓ ଉପ ମୁଖ୍ୟମନ୍ତ୍ରୀ ଏହାକୁ ବିରୋଧ କରି ଟ୍ୱିଟ୍ କରିଥିଲେ । କେନ୍ଦ୍ର ସରକାରଙ୍କ ପକ୍ଷରୁ ଲାଗୁ କରାଯାଇଥିବା ନୂତନ ନିୟମ ସଂଘୀୟ ବ୍ୟବସ୍ଥା ଉପରେ ଆକ୍ରମଣ । ଅନ୍ତର୍ଜାତୀୟ ସୀମାର ୫୦ କିମି ମଧ୍ୟରେ ବିଏସଏଫକୁ ସଶକ୍ତ କରିବା ଦ୍ୱାରା ପଞ୍ଜାବବାସୀ ଅଧିକ ସମସ୍ୟାର ସମ୍ମୁଖୀନ ହେବେ । ଗୃହ ମନ୍ତ୍ରାଳୟ ପକ୍ଷରୁ ତୁରନ୍ତ ଏହାକୁ ପ୍ରତ୍ୟାହାର କରନ୍ତୁ ବୋଲି ଚନ୍ନି ଟ୍ୱିଟ କରିଥିଲେ । ତେବେ ପୂୂର୍ବତନ ମୁଖ୍ୟମନ୍ତ୍ରୀ ଅମରିନ୍ଦର ସିଂ ଏହି ଆଇନକୁ ସମର୍ଥନ କରିଛନ୍ତି । ବିଏସଏଫର କ୍ଷମତା ବୃଦ୍ଧି ରାଜ୍ୟକୁ ଅଧିକ ସଶକ୍ତ କରିବ । କେନ୍ଦ୍ରୀୟ ସୁରକ୍ଷା ବଳକୁ କୌଣସି ରାଜନୀତି ମଧ୍ୟକୁ ନ ଟାଣିବା ପାଇଁ ଅମରିନ୍ଦର ନିବେଦନ କରିଛନ୍ତି ।
I strongly condemn the GoI's unilateral decision to give additional powers to BSF within 50 KM belt running along the international borders, which is a direct attack on the federalism. I urge the Union Home Minister @AmitShah to immediately rollback this irrational decision.
— Charanjit S Channi (@CHARANJITCHANNI) October 13, 2021
କ୍ୟାପଟେନ ଓ ଚନ୍ନିଙ୍କ ଏହି କଳି ମଧ୍ୟରେ ଚନ୍ନିଙ୍କୁ ସମାଲୋଚନା କରିଛନ୍ତି ପୂର୍ବତନ ପଞ୍ଜାବ କଂଗ୍ରେସ ମୁଖ୍ୟ ସୁନୀଲ ଜାଖର । ଅକ୍ଟୋବର ୫ ତାରିଖରେ ଗୃହମନ୍ତ୍ରୀଙ୍କ ସହିତ ବୈଠକ ସମୟରେ ଚନ୍ନି ଏହି ଆଇନ ଲାଗୁ କରିବା ପାଇଁ ଗୃହମନ୍ତ୍ରୀଙ୍କୁ ଅନୁରୋଧ କରିଥିଲେ । ଏହି ଆଇନ ଦ୍ୱାରା ହିଁ କେନ୍ଦ୍ର ସରକାର ପଞ୍ଜାବର ୨୫ ହଜାର ବର୍ଗ କିମି ଅଞ୍ଚଳକୁ ନିୟନ୍ତ୍ରଣ କରିବ । ଚନ୍ନିଙ୍କ ଭୁଲ ନିଷ୍ପତ୍ତି ଏଥିପାଇଁ ଦାୟୀ ବୋଲି ଜାଖର ଟ୍ୱିଟ କରିଛନ୍ତି । ଉଲ୍ଲେଖଯୋଗ୍ୟ ଯେ, ଏହା ପୂର୍ବରୁ କୌଣସି ଅନ୍ତର୍ଜାତୀୟ ସୀମାର ୧୫ କିମି ଯାଏଁ ବିଏସଏଫ୍ କାର୍ଯ୍ୟାନୁଷ୍ଠାନ ଗ୍ରହଣ କରି ପାରୁଥିଲା ।
Be careful what you ask for ! Has @CHARANJITCHANNI unwittingly managed to handover half of Punjab to Central govt. 25000sq km (out of total 50,000sq km) has now been placed under BSF jurisdiction. Punjab Police stands castigated. Do we still want more autonomy to States ? https://t.co/JlGB7G0Pnj
— Sunil Jakhar (@sunilkjakhar) October 13, 2021
