(Video) ବିମାନବନ୍ଦରରେ ଉଦାରତା ଦେଖାଇଲେ ଧୋନି, ନିଜ ଫ୍ୟାନ୍ସଙ୍କ ପାଇଁ କରିଦେଲେ …
ହ୍ବିଲ୍ ଚେୟାରରେ ଥିବା ଫ୍ୟାନ୍ଙ୍କ ସହ ସେଲ୍ଫି ନେଲେ ଧୋନି ।
ନୂଆଦିଲ୍ଲୀ: ଚେନ୍ନାଇ ସୁପର କିଙ୍ଗ୍ସ (ସିଏସକେ) ଅଧିନାୟକ ମହେନ୍ଦ୍ର ସିଂହ ଧୋନିଙ୍କ ଆଚରଣ ପୁଣିଥରେ ପ୍ରଶଂସକଙ୍କ ହୃଦୟ ଜିତିଛି । ବିମାନବନ୍ଦରରେ ଧୋନି ଉଦାରତା ଦେଖାଇ ହ୍ୱିଲଚେୟାରରେ ବସିଥିବା ଜଣେ ପ୍ରଶଂସକଙ୍କ ସହ ସେଲଫି ନେଇଥିଲେ।
ଧୋନି ସୁରକ୍ଷା କର୍ମୀଙ୍କ ମଧ୍ୟଦେଇ ଯାଉଥିବା ସମୟରେ ତାଙ୍କ ନଜର ଜଣେ ପ୍ରଶଂସକଙ୍କ ଉପରେ ପଡିଲା ଯିଏ ତାଙ୍କ ସହିତ ଫଟୋ ଉଠାଇବାକୁ ଚାହୁଁଥିଲେ । ଧୋନି କିଛି ସମୟ ପାଇଁ ଅଟକିଗଲେ ଏବଂ ପ୍ରଶଂସକଙ୍କ ପାଖକୁ ଗଲେ।
ଭାଇରାଲ ହେଉଛି ଭିଡିଓ- ଧୋନି ପ୍ରଶଂସକଙ୍କ ଫୋନ୍ ନେଇ ତାଙ୍କ ସହିତ ଏକ ସେଲ୍ଫି ଉଠାଇଲେ। ଏହି ଭିଡିଓଟି ସୋସିଆଲ ମିଡିଆରେ ଭାଇରାଲ ହେଉଛି ଏବଂ ଲୋକମାନେ ମାହିଙ୍କ ଆଚରଣକୁ ବହୁତ ପ୍ରଶଂସା କରୁଛନ୍ତି ।
ଭାରତକୁ ବିଶ୍ୱକପ୍ ବିଜୟୀ କରାଇଥିବା ଧୋନି ଏହା ଅନେକ ଥର କରିଛନ୍ତି ଏବଂ ପ୍ରଶଂସକଙ୍କ ସହ ତାଙ୍କର ବ୍ୟବହାର ସର୍ବଦା ସରଳ । ତାଙ୍କୁ ପ୍ରାୟତଃ ତାଙ୍କ ଜନ୍ମସ୍ଥାନ ରାଞ୍ଚିରେ ପ୍ରଶଂସକଙ୍କ ସହ ଫଟୋଗ୍ରାଫ୍ ପାଇଁ ପୋଜ୍ ଦେଉଥିବାର ଦେଖାଯାଏ ।
CSKର ନେତୃତ୍ୱ ନେଉଛନ୍ତି ଧୋନି – ଧୋନି ବର୍ତ୍ତମାନ IPL 2025ରେ ଅଂଶଗ୍ରହଣ କରୁଛନ୍ତି । CSKର ନିୟମିତ ଅଧିନାୟକ ଋତୁରାଜ ଗାୟକୱାଡ ଆଘାତ ଯୋଗୁଁ ଟୁର୍ଣ୍ଣାମେଣ୍ଟର ବାକି ମ୍ୟାଚ୍ ଖେଳି ନାହାଁନ୍ତି, ଯାହା ଫଳରେ ଧୋନି ତାଙ୍କ ଅନୁପସ୍ଥିତିରେ ନେତୃତ୍ୱ ନେଉଛନ୍ତି ।
କେବଳ ଚେନ୍ନାଇର ଘରୋଇ ଗ୍ରାଉଣ୍ଡ ଏମଏ ଚିଦାମ୍ବରମ ଷ୍ଟାଡିୟମରେ ନୁହେଁ ବରଂ ପ୍ରତ୍ୟେକ ସ୍ଥାନରେ ପ୍ରଶଂସକମାନେ ଧୋନିଙ୍କୁ ସମର୍ଥନ କରିବାକୁ ଆସୁଛନ୍ତି । ସୋମବାର ଦିନ CSK ଏବଂ ଲକ୍ଷ୍ନୌ ସୁପରଜାଏଣ୍ଟସ୍ ମଧ୍ୟରେ ଖେଳାଯାଇଥିବା ମ୍ୟାଚ୍ ସମୟରେ ଅଟଳ ବିହାରୀ ବାଜପେୟୀ ଏକାନା ଷ୍ଟାଡିୟମରେ ମଧ୍ୟ ଧୋନିଙ୍କ କ୍ରେଜ୍ ଦେଖିବାକୁ ମିଳିଥିଲା ।
Woman sitting on a wheelchair requested MS Dhoni for a selfie and he himself took a selfie with her. ❤ pic.twitter.com/fPbl2WsCAq
— ` (@WorshipDhoni) April 16, 2025