ପିଏମଙ୍କ ଘର ସେଣ୍ଟ୍ରାଲ୍ ଭିଷ୍ଟାରେ କୋଟି କୋଟି ଟଙ୍କା ଖର୍ଚ୍ଚ କରିବା ବଦଳରେ ଲୋକଙ୍କ ଜୀବନ ବଞ୍ଚାଅ: ପ୍ରିୟଙ୍କା ଗାନ୍ଧି
ନୂଆଦିଲ୍ଲୀ ୪।୫: କରୋନା ସମୟରେ ଅକ୍ସିଜେନ୍ ଏବଂ ଚିକିତ୍ସା ଅଭାବରେ ଏବେ ଅନେକ ମୃତ୍ୟୁବରଣ କରୁଛନ୍ତି । ତେବେ ଏହାକୁ କେନ୍ଦ୍ର କରି କଂଗ୍ରେସ ପୁର୍ବରୁ ହିଁ ମୋଦୀ ସରକାରଙ୍କୁ ଟାର୍ଗେଟ କରି ଆସୁଥିଲା । ତେବେ ପୁଣି ଆଜି କଂଗ୍ରେସର ଗାନ୍ଧୀ ପରିବାର ପ୍ରଧାନମନ୍ତ୍ରୀଙ୍କୁ ଟାର୍ଗେଟ କରିଛନ୍ତି । ଏଥର କିନ୍ତୁ ସେଣ୍ଟ୍ରାଲ ଭିଷ୍ଟା ପ୍ରକଳ୍ପକୁ ନେଇ କଂଗ୍ରେସ ସାଧାରଣ ସମ୍ପାଦକ ପ୍ରିୟଙ୍କା ଗାନ୍ଧି ମଙ୍ଗଳବାର ପ୍ରଧାନମନ୍ତ୍ରୀଙ୍କୁ ଘେରିଛନ୍ତି । ତେବେ ଏହି ପ୍ରକଳ୍ପ ୧୩ ହଜାର କୋଟି ଟଙ୍କା ବ୍ୟୟରେ ପ୍ରଧାନମନ୍ତ୍ରୀଙ୍କ ଲାଗି ପ୍ରସାଦ ପ୍ରସ୍ତୁତ ହେଉଛି । ଦେଶରେ କୋଭିଡ ଦ୍ୱିତୀୟ ଲହର ଭୟାନକ ପରିସ୍ଥିତି ସୃଷ୍ଟି କରିଛି । ହସ୍ପିଟାଲ ବେଡ୍, ଅକ୍ସିଜେନ ଏବଂ ଔଷଧ ମିଳୁ ନଥିବାରୁ ଅନେକ ଜୀବନ ଚାଲିଯାଉଛି । ଏଣୁ ବିପୁଳ ଅର୍ଥ ନିଜ ବିଳାସ ବ୍ୟସନ ବଦଳେ ପ୍ରଧାନମନ୍ତ୍ରୀ ଲୋକଙ୍କ ଜୀବନ ବଞ୍ଚାଇବାରେ ବିନିଯୋଗ କରନ୍ତୁ ବୋଲି ପ୍ରିୟଙ୍କା କହିଛନ୍ତି । ସେ କହିଛନ୍ତି ଯେ, ସରକାରଙ୍କ ଏପରି ବ୍ୟୟ ଜନତାଙ୍କୁ ଭିନ୍ନ ବାର୍ତ୍ତା ଦେଉଛି ଏବଂ ସରକାରଙ୍କ ପ୍ରାଥମିକତା କିଛି ଅନ୍ୟ ବିଷୟ ଆଡକୁ ଦର୍ଶାଉଥିବା ପ୍ରମାଣିତ ହେଉଥିବା ସେ ଉଲ୍ଲେଖ କରିଛନ୍ତି ।
जब देश के लोग ऑक्सीजन, वैक्सीन, हॉस्पिटल बेड, दवाओं की कमी से जूझ रहे हैं तब सरकार 13000 करोड़ से पीएम का नया घर बनवाने की बजाए सारे संसाधन लोगों की जान बचाने के काम में डाले तो बेहतर होगा। इस तरह के खर्चों से पब्लिक को मैसेज जाता है कि सरकार की प्राथमिकताएँ किसी और दिशा में हैं। pic.twitter.com/2OylP2ncJ6
— Priyanka Gandhi Vadra (@priyankagandhi) May 4, 2021
ସୂଚନାଯୋଗ୍ୟ, ସେଣ୍ଟ୍ରାଲ ଭିଷ୍ଟା ଅନ୍ତର୍ଗତ ପ୍ରଧାନମନ୍ତ୍ରୀଙ୍କ ନୂଆ ଆବାସ ଡିସେମ୍ବର ୨୦୨୨ ସୁଧା ସମ୍ପୂର୍ଣ୍ଣ ନିର୍ମିତ ହୋଇଯିବ ବୋଲି ସିପିଡବ୍ଲୁଡି ବିଶେଷଜ୍ଞ କମିଟିକୁ ସୂଚିତ କରିଛନ୍ତି । ଏହି ପ୍ରକଳ୍ପର ନିର୍ମାଣ ସିପିଡବ୍ଲୁଡି କରୁଛନ୍ତି । ପ୍ରକଳ୍ପର ସମ୍ପୂର୍ଣ୍ଣ ନିର୍ମାଣ କାର୍ୟ୍ୟ ୨୦୨୨ ଶେଷ ସୁଦ୍ଧା ସମାପ୍ତ ହେବ ବୋଲି ସିପିଡବ୍ଲୁଡି ବିଶେଷଜ୍ଞ ମୂଲ୍ୟାଙ୍କନ କମିଟିକୁ ଜଣାଇଛନ୍ତି । ଏଥିପାଇଁ ନିର୍ମାଣ ବ୍ୟୟ ବାବଦେ ୧୩ ହଜାର ୪୨୦ କୋଟି ଟଙ୍କା ବ୍ୟୟ ହେବ।
