ଲୋକାର୍ପିତ ହେଲା ଦେଶର ପ୍ରଥମ ମହିଳା ସୈନିକ ସ୍କୁଲ: ଜାଣନ୍ତୁ କିପରି ନେବେ ଆଡ଼ମିଶନ
ନୂଆଦିଲ୍ଲୀ: ଦେଶରେ ମହିଳା ତଥା ଝିଅମାନଙ୍କ ବିକାଶ ପାଇଁ ସରକାର ବିଭିନ୍ନ ଯୋଜନା ପ୍ରଣୟନ କରୁଛନ୍ତି । ତେବେ ଏହା ମଧ୍ୟରେ ଆଉ ଏକ ଖୁସି ଖବର ସାମ୍ନାକୁ ଆସିଛି । ଦେଶରେ ଝିଅମାନଙ୍କ ପାଇଁ ପ୍ରଥମ ସୈନିକ ସ୍କୁଲ ଉତ୍ତର ପ୍ରଦେଶର ବୃନ୍ଦାବନରେ ଆଜି ଉଦଘାଟନ କରାଯାଇଛି । ଏହି ସ୍କୁଲରେ ୧୨୦ଟି ସିଟ ଥିବା ବେଳେ ଏଠାରେ ଷଷ୍ଠ ଶ୍ରେଣୀରେ ଆଡ଼ମିସନ ପାଇଁ ପ୍ରବେଶିକା ପରୀକ୍ଷା ଦେବାକୁ ପଡ଼ିବ । ତେବେ ଆସନ୍ତା ୨୧ ତାରିଖରେ ଏହି ପ୍ରବେଶିକା ପରୀକ୍ଷା ହେବାକୁ ଯାଉଥିବା ସୂଚନା ମିଳିଛି ।
ସ୍କୁଲରେ ପୂର୍ବତନ ସୈନିକମାନେ ଏବଂ ଏନସିସି ପ୍ରଶିକ୍ଷକମାନଙ୍କ ଦ୍ୱାରା ଖେଳ ଏବଂ ଅନ୍ୟ ପ୍ରଶିକ୍ଷଣ ଦିଆଯିବ । ଏହା ସହିତ ପିଲାମାନେ ସିବିଏସଇ ବୋର୍ଡ଼ ଅଧୀନ ସିଲାବସ ଆଧାରରେ ନିଜ ପାଠପଢ଼ା ମଧ୍ୟ ଜାରି ରଖିବେ । ତେବେ ଆଜି ଭାରତ ସରକାରଙ୍କ ଦ୍ୱାରା ଅନୁମତି ମିଳିବା ପରେ କେନ୍ଦ୍ର ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ ଏବଂ ମୁଖ୍ୟମନ୍ତ୍ରୀ ଆଦିତ୍ୟନାଥଙ୍କ ଉପସ୍ଥିତିରେ ଏହି ବିଦ୍ୟାଳୟକୁ ଲୋକାର୍ପିତ କରାଯାଇଛି । ଏହି ବିଦ୍ୟାଳୟର ନାମ ‘ସମବିଦ ଗୁରୁକୁଳମ ବାଳିକା ସୈନିକ ସ୍କୁଲ’ ରଖାଯାଇଛି । ଏ ନେଇ କେନ୍ଦ୍ର ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ ସୋସିଆଲ ମିଡିଆ ପ୍ଲାଟଫର୍ମ ‘X’ରେ ଏକ ପୋଷ୍ଟ ମଧ୍ୟ କରିଛନ୍ତି ।
मथुरा-वृंदावन में स्थित वात्सल्य ग्राम में आयोजित दीदी माँ साध्वी ऋतंभरा के षष्ठिपूर्ति महोत्सव में सम्मिलित हुआ। इस अवसर पर छात्राओं के लिए बने 'संविद गुरुकुलम, सैनिक स्कूल' का उद्घाटन किया।
पूज्य दीदी माँ ऋतम्भरा जी का, समाज को ही अपना परिवार मान लेना, इस राष्ट्र के प्रति… pic.twitter.com/XoxIJ0Orfy
— Rajnath Singh (@rajnathsingh) January 1, 2024
