କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ପତ୍ନୀ ଏବଂ ଝିଅ ତିଆରି କରୁଛନ୍ତି ମାସ୍କ..

Advertisement

ଅନ୍ୟମାନଙ୍କ ପାଇଁ ପ୍ରେରଣା ସାଜିଲେ କେନ୍ଦ୍ରମନ୍ତ୍ରୀଙ୍କ ପତ୍ନୀ ଏବଂ ଝିଅ । ଲକ୍ ଡାଉନ୍ ସମୟରେ ଘରେ ତିଆରି କରୁଛନ୍ତି ମାସ୍କ । କିଛିଦିନ ପୂର୍ବରୁ ଘରେ ତିଆରି ମାସ୍କ ବ୍ୟବହାର କରାଯାଇପାରିବ ବୋଲି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି କହିଥିଲେ । ଆଉ ଏଥିପାଇଁ ପ୍ରୋତ୍ସାହନ ମଧ୍ୟ କରିଥିଲେ । ତେବେ ପ୍ରଧାନମନ୍ତ୍ରୀଙ୍କ ଏଭଳି ପ୍ରୋତ୍ସାହନ ପରେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ପତ୍ନୀ ମୃଦୁଳା ଠାକୁର ପ୍ରଧାନ ଏବଂ ଝିଅ ନୈମିଶା ଘରେ ମାସ୍କ ତିଆରି କରୁଥିବା ନଜର ଆସିଛନ୍ତି । ଖୋଦ କେନ୍ଦ୍ରମନ୍ତ୍ରୀ ଏନେଇ ନିଜ ଟ୍ୱିଟରରେ ଏକ ଟ୍ୱିଟ କରିଛନ୍ତି ।

ନିଜ ଟ୍ୱିଟରେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଲେଖିଛନ୍ତି, ”ଏଭଳି ସମୟରେ ଆମେ ଆମ ସମାଜ ପାଇଁ କିଛି କରିବା ଉଚିତ । ମୁଁ ମୋ ପତ୍ନୀ ଏବଂ ଝିଅ ପାଇଁ ଗର୍ବିତ । ଦୁହେଁ ଆମ ଘରର ସମସ୍ତଙ୍କ ପାଇଁ ଏବଂ ଅନ୍ୟଲୋକଙ୍କ ପାଇଁ ମଧ୍ୟ ମାସ୍କ ତିଆରି କରୁଛନ୍ତି । କୌଶଳ ବିକାଳ ଏବଂ କିଛି ନୂଆ ଶିଖିବା ପାଇଁ ବର୍ତ୍ତମାନଠାରୁ ଆଉ ପ୍ରକୃଷ୍ଠ ସମୟ କ‘ଣ ହୋଇପାରେ ।