ରାଜ୍ୟସଭାରେ ୱାକଫ ସଂଶୋଧନ ବିଲ୍ ଉପରେ ଆଲୋଚନା ଜାରି, BJD-RJD ଏବଂ YSRCP କଲେ ବିରୋଧ
ନୂଆଦିଲ୍ଲୀ: ବୁଧବାର ରାତି ପ୍ରାୟ ୧ଟାରେ ବହୁମତରେ ୱାକଫ ସଂଶୋଧନ ବିଲ୍ ପାସ୍ କରିଥିଲା ଲୋକସଭା । ବିଲ୍ ସପକ୍ଷରେ ୨୮୮ଟି ଭୋଟ ପଡ଼ିଥିବା ବେଳେ ବିପକ୍ଷରେ ୨୩୨ଟି ଭୋଟ ପଡ଼ିଥିଲା । ଗୃହ ମଧ୍ୟ ବିରୋଧୀଙ୍କ ସମସ୍ତ ସଂଶୋଧନକୁ ଭଏସ୍ ଭୋଟ ଦ୍ୱାରା ପ୍ରତ୍ୟାଖ୍ୟାନ କରିଥିଲା ।
ବିରୋଧୀ ସାଂସଦ ଏନକେ ପ୍ରେମଚନ୍ଦ୍ରନଙ୍କ ସଂଶୋଧନ ପ୍ରସ୍ତାବ ଉପରେ ସକାଳ ୧.୧୫ ମିନିଟରେ ଭୋଟିଂ ହୋଇଥିଲା, ଯାହାକୁ ୨୩୧ ବିପକ୍ଷରେ ୨୮୮ ଭୋଟରେ ଖାରଜ କରାଯାଇଥିଲା । ବୋର୍ଡରେ ଅଣ-ମୁସଲିମ ସଦସ୍ୟ ନ ରଖିବା ପାଇଁ ପ୍ରସ୍ତାବ ଥିଲା । ଲୋକସଭାରେ ଏହି ବିଲ୍ ଉପରେ ୧୨ ଘଣ୍ଟାରୁ ଅଧିକ ସମୟ ଧରି ଆଲୋଚନା ହୋଇଥିଲା । ଆଜି ରାଜ୍ୟସଭାରେ ଏହି ବିଲ୍ ଉପସ୍ଥାପିତ ହୋଇଛି ।
ତେବେ ରାଜ୍ୟସଭାରେ ୱାକଫ୍ ବିଲକୁ ବିରୋଧ କରିଛି ବିଜେଡି । ଏହି ଆଲୋଚନାରେ ଭାଗ ନନେଇ ବିରୋଧ କରିଛନ୍ତି ମୁନା ଖାନ । ସେ କହିଛନ୍ତି ଯେ, ‘ୱାକଫ୍ ସମ୍ପତ୍ତି ସୁରକ୍ଷା ରହିବା ନେଇ ମନ୍ତ୍ରୀ ସ୍ପଷ୍ଟ କରନ୍ତୁ ।’ ଅନ୍ୟପଟେ ବିଜେଡି ସହ ଆରଜେଡି ଓ ୱାଇଏସଆରସିପି ମଧ୍ୟ ଏହି ୱାକଫ୍ ସଂଶୋଧନ ବିଲ୍ କୁ ବିରୋଧ କରିଛନ୍ତି ।