ମାନିଲେନି କରୋନା କଟକଣା, କାନଧରି ହେଲେ ଉଠବସ୍
ଭୁବନେଶ୍ୱର(ଓଡ଼ିଶା ଭାସ୍କର): ମହାମାରୀ କରୋନା ସଂକ୍ରମଣ ବୃଦ୍ଧିକୁ ନେଇ ସାରା ଦେଶରେ କଡ଼ା କଟକଣା ବଳବତ୍ତର ରହିଛି । ଅନେକ ସ୍ଥାନରେ ଲକଡାଉନ ସହ ସପ୍ତାହନ୍ତ ଶଟଡାଉନ ଜାରି ରହିଛି । କିନ୍ତୁ ସାଧାରଣ ଜନତାଙ୍କ ଭଲ ପାଇଁ ସରକାର ଜାରି କରିଥିବା ଏହି କଟକଣାକୁ ଅନେକ ମାନୁନାହାନ୍ତି । ଏଭଳି ଅମାନିଆଙ୍କ ପାଇଁ ପୋଲିସ୍ ମଧ୍ୟ ନାକେଦମ୍ ହେଉଛନ୍ତି । ଆଉ ଅମାନିଆଙ୍କୁ ସାବାଡ଼ କରିବା ପାଇଁ ପୋଲିସ୍ ବାଧ୍ୟ ହୋଇ ଫାଇନ୍ ଆଦାୟ କରୁଛି । ଠିକ୍ ସେହିପରି କେତେକ ଅମାନିଙ୍କୁ ପୋଲିସ୍ କାନଧରି ଉଠ୍ ବସ୍ କରାଇଛି । ସମ୍ପ୍ରତି ଏଭଳି ଏକ ଭିଡିଓ ସୋସିଆଲ୍ ସାଇଟ୍ ରେ ଭାଇରାଲ୍ ହେବାରେ ଲାଗିଛି ।
କରୋନା ପାଇଁ କଟକଣା ନିୟମ ଉଲ୍ଲଘଂନ କରୁଥିବା ଭଳି ଘଟଣା ବାରମ୍ବାର ସାମ୍ନାକୁ ଆସିଛି । ଘଟଣାକ୍ରମରେ ମଧ୍ୟପ୍ରଦେଶର ଖରଗୋନ ଜିଲ୍ଲାରେ କର୍ଫ୍ୟୁ ସମୟରେ ନିୟମ ଉଲ୍ଲଘଂନ କରିବା କେତେକ ଯୁବକଙ୍କୁ ମହଙ୍ଗା ପଡ଼ିଛି । ପ୍ରତିବନ୍ଧକ ଥିବା ସତ୍ତେ୍ୱ ନର୍ମଦା ଘାଟରେ କେତେକ ଲୋକ ଗାଧୋଇବାକୁ ପହଞ୍ôଚ ଯାଇଥିଲେ । ଏହି ସମୟରେ ସ୍ଥାନୀୟ ପୋଲିସ ସେମାନଙ୍କୁ ନିୟମ ଉଲ୍ଲଂଘନ କରିଥିବାରୁ ବସଉଠ କରାଇଥିଲା । ତେବେ କେବଳ ମଧ୍ୟପ୍ରଦେଶ ନୁହେଁ ଦେଶର ଅନେକ ରାଜ୍ୟରେ କେତେକ ଅମାନିଆ ନିୟମକୁ ଖୋଲାଖୋଲି ଭାବେ ଉଲ୍ଲଘଂନ କରୁଥିବାର ଫଟୋ ଓ ଭିଡିଓ ସାମ୍ନାକୁ ଆସୁଛି । ପୋଲିସ ଏଭଳି ଅମାନିଆଙ୍କୁ ବୁଝାଇବାକୁ ଯାଇ କେଉଁଠି ଲାଠି ଚାଳନା କରୁଛି ତ ଆଉ କେଉଁଠି ଲୋକଙ୍କୁ ବୁଝାସୁଝା କରି ଘରକୁ ପଠାଇବା ଚିତ୍ର ଦେଖିବାକୁ ମିଳୁଛି । ତେବେ ବର୍ତ୍ତମାନ ସୁଦ୍ଧା କେତେକ ଅମାନିଆ କରୋନା ମହାମାରୀକୁ ଗମ୍ଭୀରତାର ସହ ନେଇନଥିବା ଏସବୁରୁ ବେଶ୍ ପ୍ରମାଣିତ ହେଉଛି ।
ଦେଖନ୍ତୁ ଭିଡିଓ:
मध्यप्रदेश के खरगौन जिले में पुलिस नर्मदा के तट पर कई लोगों को पकड़ कर उनसे उठक बैठक लगवा रही है,वीडियो महेश्वर के नर्मदा घाट का बताया जा रहा है प्रतिबंध के बावजूद कुछ लोग महेश्वर नर्मदा नदी में स्नान करने पहुंचे थे @ndtv@ndtvindia pic.twitter.com/Cvl0PML8hL
— Anurag Dwary (@Anurag_Dwary) May 29, 2021