ଶୀତଦିନେ ଗୁଡ଼ ଖାଇବାର ରହିଛି ଅଦ୍ଭୁତ ଫାଇଦା
ଯେତେବେଳେ ବି ଆମକୁ କିଛି ମିଠା ଖାଇବାର ମନ ହୋଇଥାଏ ସେତେବେଳେ ଆମେ ବଜାରରୁ ମିଠା କିଣୁ କିମ୍ବା ଚିନି ବ୍ୟବହାର କରି ଘରେ ମିଠା ପ୍ରସ୍ତୁତ କରୁ । ତେବେ ଆଉ ଏକ ଜିନିଷ ଅଛି ଯାହାକୁ ଆମେ ମିଠା ଖାଇବାର ଲୋଭକୁ ଶାନ୍ତ କରିବା ପାଇଁ ଖାଇ ପାରିବା, ତାହା ହେଉଛି ଗୁଡ଼ । ଏହି ଗୁଡ଼ ଆଡକୁ ଲୋକଙ୍କ ଧ୍ୟାନ କମ୍ ଯାଇଥାଏ । ଏହା ମଧ୍ୟ ଆପଣଙ୍କର ମିଠା ଖାଇବାର ଲୋଭକୁ ଶାନ୍ତ କରି ପାରିବ । ଏହା ସହିତ ଆପଣଙ୍କର ଅନେକ ଉପାୟରେ ମଧ୍ୟ ଗୁଡ଼ ଲାଭ ଦେଇଥାଏ ।
ସର୍ବପ୍ରଥମେ ଗୁଡ଼ର ପୋଷକ ତତ୍ତ୍ୱ ବିଷୟରେ ଜାଣିବା ନିହାତି ଜରୁରୀ । ଏଥିରେ ସୋଲାନିୟମ୍, ଆଇରନ୍, ଫୋଲିକ୍ ଏସିଡ୍, କ୍ୟାଲସିୟମ୍ ଏବଂ ପୋଟାସିୟମ୍ ଥାଏ । ଏହି ସମସ୍ତ ଉପାଦାନ ସ୍ୱାସ୍ଥ୍ୟ ପାଇଁ ଲାଭଦାୟକ ହୋଇଥାଏ ।
– ଶୀତ ଋତୁରେ, ଲୋକମାନେ ଗରମ ଜାତୀୟ ଖାଦ୍ୟ ଖାଇଥ।।ନ୍ତି । ଅନ୍ୟ ପଟେ, ଗୁଡ଼ର ପ୍ରଭାବ ମଧ୍ୟ ଗରମ ଥାଏ, ତେଣୁ ଏହାଠାରୁ ଭଲ ଏବଂ ଶସ୍ତା ଖାଦ୍ୟ କିଛି ହୋଇପାରିବ ନାହିଁ ।
ଏହାକୁ ଖାଇବା ଦ୍ୱାରା ଆପଣଙ୍କ ଶରୀରରେ ଉତ୍ତାପ ରହିଥାଏ, ଏହା ସହିତ ଶରୀରର ମେଟାବୋଲିଜିମ୍ ମଧ୍ୟ ଶକ୍ତିଶାଳୀ ହୋଇଥାଏ । ଏଭଳି ପରିସ୍ଥିତିରେ ଏହାକୁ ଖାଇବା ପୁଷ୍ଟିକର ହୋଇଥାଏ । ଏହା ଆପଣଙ୍କ ଶରୀରରେ ଥିବା ଲୌହ ଅଂଶକୁ କମ କରିବାକୁ ଦେଇ ନଥାଏ ।
– ଏଥିରେ କ୍ୟାଲସିୟମ୍ ମାତ୍ରା ରହିଥାଏ । ଯାହା ହାଡ ପାଇଁ ବହୁତ ଭଲ ବୋଲି କୁହାଯାଏ । ସେଥିପାଇଁ ଏହାକୁ ଖାଇବା ସ୍ୱାସ୍ଥ୍ୟ ପାଇଁ ଭଲ ହୋଇଥାଏ ।
– ଏହାର ବ୍ୟବହାର ଥଣ୍ଡା ଭଲ କରିବାରେ ମଧ୍ୟ ସାହାଯ୍ୟ କରିଥାଏ । ଯେତେବେଳେ ଆପଣଙ୍କୁ ବହୁତ ଥଣ୍ଡା ହୋଇଥାଏ, ଆପଣ ଗୋଲ ମରିଚ ସହିତ ଗୁଡ଼ ଖାଇବା ଆରମ୍ଭ କରନ୍ତୁ । ପରେ ଜାଣି ପାରିବେ ଆପଣଙ୍କୁ କିପରି ଆରାମ ମିଳୁଛି । ଏହା ବ୍ୟତୀତ, ଏହା ଆପଣଙ୍କ ରୋଗ ପ୍ରତିରୋଧକ ଶକ୍ତି ବଢାଇବା ପାଇଁ ମଧ୍ୟ କାମ କରଥାଏ ।
