ସାବଧାନ: ଭାତ ଖାଇଲେ ହୋଇପାରେ ଅନେକ ପ୍ରକାର କ୍ୟାନସରର ବିପଦ

ନୂଆଦିଲ୍ଲୀ: ଆମ ସମସ୍ତଙ୍କ ଘରେ ଖାଦ୍ୟରେ ଭାତ(ଚାଉଳ)ର ବିଶେଷ ମହତ୍ୱ ରହିଛି । ଉତ୍ତରରୁ ନେଇ ଦକ୍ଷିଣ ଭାରତ ପର୍ଯ୍ୟନ୍ତ ସବୁ ସ୍ଥାନରେ ଅନ୍ନକୁ ଖିଆଯାଇଥାଏ । ଚାଉଳକୁ କାର୍ବୋହାଇଡ୍ରେଟ୍ ର ମହତ୍ୱପୂର୍ଣ୍ଣ ସ୍ରୋତ ଭାବରେ ଧରାଯାଇଥାଏ ଓ ଏହା ଶରୀରକୁ ଶକ୍ତି ପ୍ରଦାନ କରିବାରେ ଅନେକ ସାହାଯ୍ୟ କରେ । ତେବେ ଡାଇବେଟିସ୍ ଏବଂ ମୋଟାପଣ ଭଳି ରୋଗ ପାଇଁ ଭାତକୁ କମ୍ ଖାଇବା ପାଇଁ ପରାମର୍ଶ ଦିଆଯାଏ । କୁହାଯାଏ ଅଧିକ ଭାତ ଖାଇବା ଦ୍ୱାରା ରକ୍ତ ଶର୍କରାର ସ୍ତର ଏବଂ ମୋଟାପଣ ବଢ଼ିବାର ଆଶଙ୍କା ଅଧିକ ରହିଥାଏ । ତେବେ କଣ ଆପଣ ମାନେ ଜାଣିଛନ୍ତି କି ଭାତ ଖାଇବା ଦ୍ୱାରା କେଉଁ କେଉଁ ରୋଗ ହୋଇଥାଏ?

ନିକଟରେ ହୋଇଥିବା ଏକ ଅନୁସନ୍ଧାନରେ ବୈଜ୍ଞାନିକ ମାନେ ଦାବି କରିଛନ୍ତି ଯେ, କିଛି କିଛି କ୍ଷେତ୍ରରେ ଭାତ କ୍ୟାନସର୍ ଳର କାରଣ ପାଲଟିପାରେ । ଇଂଲଣ୍ଡରେ ଥିବା କ୍ୱିନ୍ସ ୟୁନଭର୍ସିଟି ବେଲଫାଷ୍ଟରେ ହୋଇଥିବା ଏକ ଅଧ୍ୟୟନରେ କହାଯାଇଛି ଯେ, ଚାଉଳକୁ ଠିକ୍ ଭାବେ ନ ରାନ୍ଧି ଖାଇବା ଦ୍ୱାରା ଏହା ଆପଣଙ୍କ ସ୍ୱାସ୍ଥ୍ୟ ଉପରେ ଖୁବ୍ ଖରାପ ପ୍ରଭାବ ପକାଇଥାଏ ।

ବୈଜ୍ଞାନିକମାନେ ଜାଣିବାକୁ ପାଇଲେ ଯେ, କ୍ଷେତରେ ଫସଲ ଅମଳ ବୃଦ୍ଧି ପାଇଁ ସାର ଏବଂ ରାସାୟନିକ ପଦାର୍ଥ ବହୁଳ ଭାବରେ ବ୍ୟବହୃତ ହେଉଛି, ଏହା ସ୍ୱାସ୍ଥ୍ୟ ପାଇଁ ବହୁତ କ୍ଷତି ପହଞ୍ଚାଇପାରେ । ଶିଳ୍ପ ବିଷାକ୍ତ ପଦାର୍ଥ ଏବଂ କୀଟନାଶକ ମାଟିକୁ ଅତ୍ୟଧିକ ବିଷାକ୍ତ କରୁଛି । ଏପରି ପରିସ୍ଥିତିରେ, ଏଥିରୁ ଉତ୍ପାଦିତ ଖାଦ୍ୟରେ ଏହାର କିଛି ଅଂଶ ଥାଇପାରେ । ତେଣୁ ଏହାକୁ ରାନ୍ଧିବା ପୂର୍ବରୁ ଠିକ୍ ଭାବରେ ଧୋଇ, ତାପରେ ତାକୁ ଭଲ ଭାବରେ ରାନ୍ଧି ଖାଇବା ଉଚିତ୍ ।

ଆର୍ସେନିକ୍ ରାସାୟନିକ ପଦାର୍ଥ ଅନେକ ପ୍ରକାରର ଶିଳ୍ପ କୀଟନାଶକ ତିଆରି କରିବାରେ ବ୍ୟବହୃତ ହୁଏ। ଏହି ରାସାୟନିକ ପଦାର୍ଥ ଦୀର୍ଘ ସମୟ ପର୍ୟ୍ୟନ୍ତ ମାଟିରେ ରହିଥାଏ, ଯାହା ସେହି ଫସଲ ଉପରେ ମଧ୍ୟ ପ୍ରଭାବ ପକାଇପାରେ । ଯଦି ଆମେ ଦୀର୍ଘ ସମୟ ଧରି ଖାଦ୍ୟ କିମ୍ବା ଜଳ ମାଧ୍ୟମରେ ଏହି ରାସାୟନିକ ସଂସ୍ପର୍ଶରେ ଆସିଥାଉ, ତେବେ ଏହା ଆର୍ସେନିକ୍ ବିଷାକ୍ତ ହୋଇପାରେ । ଏହା ବାନ୍ତି, ପେଟ ଯନ୍ତ୍ରଣା ଏବଂ କର୍କଟ ରୋଗର ଆଶଙ୍କା ବଢ଼ାଇଥାଏ । ଅଧ୍ୟୟନ ଅନୁଯାୟୀ, ଚାଉଳରେ ଆର୍ସେନିକର ମାତ୍ରା ଅଧିକ ରହିପାରେ, ତେଣୁ ଯଦି ଏହା ସଠିକ୍ ଭାବରେ ନ ରନ୍ଧାଯାଏ ତେବେ ଏହା ଭବିଷ୍ୟତରେ ସ୍ୱାସ୍ଥ୍ୟ ସମସ୍ୟା ସୃଷ୍ଟି କରିପାରେ।

Get real time updates directly on you device, subscribe now.

Comments
Loading...