(Video) 294 କୋଟିର ଆଲିସାନ ବଙ୍ଗଳାରେ ରହିବେ ମସ୍କଙ୍କ ଛୁଆ, ନମ୍ବର ଜାଣିଲେ ହୋଇଯିବେ ଆଶ୍ଚର୍ଯ୍ୟ
ନୂଆଦିଲ୍ଲୀ: ବର୍ତ୍ତମାନର ସମୟରେ ସମସ୍ତେ ଗୋଟିଏ ଛୁଆ ପାଇଁ ଇଚ୍ଛା ପ୍ରକାଶ କରୁଛନ୍ତି । କିନ୍ତୁ ଆପଣ ଗୋଟେ କଥା ଜାଣି ଆଶ୍ଚର୍ଯ୍ୟ ହେବେ ଯେ, ବିଶ୍ବର ସବୁଠାରୁ ଧନୀ ମଣିଷର 11ଟି ସନ୍ତାନ ରହିଛି । କଥାଟି ବିଶ୍ବାସ ହେଉନଥିଲେ ମଧ୍ୟ ସମ୍ପୁର୍ଣ୍ଣ ସତ୍ୟ । ତେବେ 11ଟି ସନ୍ତାନ ନାଁରେ ମସ୍କ କୋଟି କୋଟି ଟଙ୍କା ରଖିଛନ୍ତି । ଧନ ବଢ଼ି ବଢ଼ି ଚାଲିଛି । ସ୍ତ୍ରୀ ମାନଙ୍କର ସଂଖ୍ୟା ମଧ୍ୟ ବଢ଼ି ବଢ଼ି ଚାଲିଛି । ସେହିଭଳି ସନ୍ତାନ ମାନେ ମଧ୍ୟ କ୍ରିକେଟ ଟିମ ଭଳି ହେଲେଣି ଏଲନ ମକ୍ସଙ୍କର ୩ ସ୍ତ୍ରୀ ରହିଥିବା ବେଳେ ୧୧ ଜଣ ସନ୍ତାନ ରହିଛନ୍ତି । ଏହି ତାଲିକା ଆଗକୁ ମଧ୍ୟ ବଢ଼ିପାରେ କିଛି କହି ହେବ ନାହିଁ । ତେବେ ଏଲନ ମକ୍ସ ଚର୍ଚ୍ଚା ଆସିବାର କାରଣ ହେଉଛି ସେ ତାଙ୍କର ସ୍ତ୍ରୀ ଏବଂ ସନ୍ତାନ ମାନଙ୍କ ପାଇଁ ୨୯୬ କୋଟି ଟଙ୍କାର ସମ୍ପତ୍ତି କିଣିଛନ୍ତି । ସମସ୍ତେ ଏକାଠି ରହୁଥିବା ମଧ୍ୟ ଜଣାପଡିଛି ।
ମିଡିଆ ରିପୋର୍ଟ ଅନୁଯାୟୀ, ମସ୍କ 14,400 ବର୍ଗଫୁଟର ଏକ ଘର କିଣିବାକୁ ଚାହୁଁଛନ୍ତି । ତାଙ୍କର 11 ସନ୍ତାନ ଏଠାରେ ରହିବେ । ଏହି ସମ୍ପତ୍ତି ଏଲନ୍ ମସ୍କଙ୍କ ଘର ନିକଟରେ ଥିବାରୁ ସେ ନିଜ ପିଲାମାନଙ୍କ ସହିତ ସମୟ ବିତାଇବାକୁ ସକ୍ଷମ ହେବେ । ଏହି ସମସ୍ତ ସମ୍ପତ୍ତିର ମୋଟ ମୂଲ୍ୟ ପ୍ରାୟ 294 କୋଟି ଟଙ୍କା ବୋଲି କୁହାଯାଉଛି । ଏଲନ୍ ମସ୍କଙ୍କ ପ୍ରଥମ ପତ୍ନୀଙ୍କ ନାମ ଜଷ୍ଟିନ୍ ମସ୍କ ହୋଇଥିବା ବେଳେ ସେ 6ଟି ଛୁଆର ମାଆ । ପ୍ରଥମ ସନ୍ତାନର ମୃତ୍ୟୁ ପରେ ପରେ ଆଇଭିଏଫ୍ ମାଧ୍ୟମରେ ସେମାନଙ୍କର ପାଞ୍ଚଟି ସନ୍ତାନ ଥିଲେ । ମସ୍କ ଦୁଇଥର ଅଭିନେତ୍ରୀ ତାଲୁଲା ରିଲେଙ୍କୁ ବିବାହ କରିଥିଲେ ଏବଂ ଛାଡପତ୍ର ଦେଇଥିଲେ । ତାଙ୍କର କୌଣସି ଛୁଆ ହୋଇନଥିଲା । ମସ୍କ ସଂଗୀତଜ୍ଞ ଗ୍ରିମସ୍ ସହିତ ଆଉ ତିନୋଟି ସନ୍ତାନ ଜନ୍ମ ଦେଇଥିଲେ । ଗ୍ରିମସ୍ ଙ୍କ ପ୍ରକୃତ ନାମ ହେଉଛି କ୍ଲେର୍ ବୁଚର୍ ।
