KCC ଥିବା ଚାଷୀଙ୍କୁ ବ୍ୟାଙ୍କରୁ ମିଳିବ ବଡ଼ ଫାଇଦା: ଅର୍ଥମନ୍ତ୍ରୀଙ୍କ ଘୋଷଣା

ନୂଆଦିଲ୍ଲୀ: ଯଦି ଆପଣ ଗ୍ରାମାଞ୍ଚଳରେ ରହୁଛନ୍ତିି ଏବଂ ଆପଣଙ୍କ ପାଖରେ କିଷାନ୍ କ୍ରେଡିଟ୍ କାର୍ଡ ଅଛି ତେବେ ଏହି ଖବରଟି ଆପଣଙ୍କ ପାଇଁ ରହିଛି । ସରକାର ଆପଣଙ୍କ ଆୟ ବଢ଼ାଇବା ପାଇଁ ଲଗାତାର ଚେଷ୍ଟା କରୁଛନ୍ତି । ଗାଁରେ ରହୁଥିବା ଲୋକଙ୍କ ଆୟ ବଢ଼ାଇବା ପାଇଁ କିଷାନ କ୍ରେଡିଟ କାର୍ଡ (କେସିସି) ଧାରକମାନଙ୍କୁ ସହଜ ଋଣ ଦେବାକୁ ପବ୍ଲିକ୍ ସେକ୍ଟରର ବ୍ୟାଙ୍କଗୁଡ଼ିକୁ କହିଛନ୍ତି ଅର୍ଥମନ୍ତ୍ରୀ ନିର୍ମଳା ସୀତାରମଣ ।

ପବ୍ଲିକ ସେକ୍ଟରର ବ୍ୟାଙ୍କଗୁଡ଼ିକର ସିଇଓଙ୍କ ସହ ଅନେକ ଘଣ୍ଟା ଧରି ଚାଲିଥିବା ବୈଠକରେ ସେ ଆଞ୍ଚଳିକ ଗ୍ରାମୀଣ ବ୍ୟାଙ୍କଗୁଡ଼ିକୁ ମଧ୍ୟ ଟେକ୍ନୋଲୋଜିର ନବୀକରଣରେ ସାହାଯ୍ୟ କରିବାକୁ କହିଛନ୍ତି । ବୈଠକ ପରେ ମତ୍ସ୍ୟ, ପଶୁପାଳନ ଏବଂ ଡେଏରୀ ମନ୍ତ୍ରୀ ପୁରୁଷୋତ୍ତମ ରୁପାଲା କହିଛନ୍ତି ଯେ, ଅର୍ଥମନ୍ତ୍ରୀ କିଷାନ କ୍ରେଡିଟ କାର୍ଡ ଯୋଜନା (କେସିସି ଯୋଜନା) ସମୀକ୍ଷା କରିଛନ୍ତି ଏବଂ ଏହି କ୍ଷେତ୍ରକୁ କିପରି ଅନୁଷ୍ଠାନିକ ଋଣ ଉପଲବ୍ଧ କରାଯାଇପାରିବ ସେ ସମ୍ପର୍କରେ ଆଲୋଚନା କରିଛନ୍ତି ।

ଅର୍ଥମନ୍ତ୍ରୀ ଭାଗବତ କହିଛନ୍ତି ଯେ, ଅର୍ଥମନ୍ତ୍ରୀଙ୍କ ଅଧ୍ୟକ୍ଷତାରେ ଏହି ବୈଠକ ଅନୁଷ୍ଠିତ ହୋଇଥିଲା ଏବଂ ମତ୍ସ୍ୟ ଓ ଦୁଗ୍ଧ କ୍ଷେତ୍ର ସହ ଜଡିତ ସମସ୍ତଙ୍କୁ କିସାନ କ୍ରେଡିଟ କାର୍ଡ (କେସିସି) ପ୍ରଦାନ ପାଇଁ ଆଲୋଚନା ହୋଇଥିଲା । ଆଞ୍ଚଳିକ ଗ୍ରାମୀଣ ବ୍ୟାଙ୍କଗୁଡିକର ଅନ୍ୟ ଏକ ଅଧିବେଶନରେ ପ୍ରାୟୋଜକ ବ୍ୟାଙ୍କଗୁଡିକ ଡିଜିଟାଇଜେସନ୍ ଏବଂ ଟେକ୍ନୋଲୋଜିର ଉନ୍ନତିରେ ସେମାନଙ୍କୁ ସାହାଯ୍ୟ କରିବା ଉଚିତ ବୋଲି ନିଷ୍ପତ୍ତି ନିଆଯାଇଛି । କୃଷି ଋଣରେ ଆଞ୍ଚଳିକ ଗ୍ରାମୀଣ ବ୍ୟାଙ୍କଗୁଡିକର ଗୁରୁତ୍ୱପୂର୍ଣ୍ଣ ଭୂମିକା ରହିଛି ।