OLX ରେ ମିଳୁଛି ଫାଇଟର ଜେଟ, ଯାହାର ମୂଲ୍ୟ ଏକ କାରର ମୂଲ୍ୟ ସହିତ ସମାନ!

ଓଡିଶା ଭାସ୍କର: OLXରେ ମିଳୁଛି ଫାଇଟର ଜେଟ, ତା ପୁଣି 12 ଲକ୍ଷ ଟଙ୍କାରେ। ଏଭଳି ଏକ ଖବର ସୋସିଆଲ ମିଡିଆରେ ବେଶ ଭାଇରାଲ ହେବାରେ ଲାଗିଛି। ଆଜିକାଲି ସାରା ବିଶ୍ୱରେ ଯୁଦ୍ଧର ବାତାବରଣ ରହିଥିବାବେଳେ ଲୋକଙ୍କ ନଜର ଇରାନ ଏବଂ ଇସ୍ରାଏଲ ମଧ୍ୟରେ ଚାଲିଥିବା ଯୁଦ୍ଧ ଉପରେ ରହିଛି।

କିନ୍ତୁ ଭାରତରେ ହୋଇଥିବା ଅପରେସନ ସିନ୍ଦୁର ପରେ ଭାରତ ଏବଂ ପାକିସ୍ତାନ ମଧ୍ୟରେ ମଧ୍ୟ ଉତ୍ତେଜନା ରହିଛି। ଲୋକମାନେ ଏହାକୁ ନେଇ ଆଲୋଚନା କରିବା ବନ୍ଦ କରିନାହାଁନ୍ତି।

ତାହାରି ମଧ୍ୟରେ ସୋସିଆଲ ମିଡିଆରେ OLX ରେ ଏକ ଲଢ଼ୁଆ ବିମାନର ବିଜ୍ଞାପନ ବିଷୟରେ ବହୁତ ଆଲୋଚନା ହେଉଛି। ପ୍ରକୃତରେ, କିଛି ଦିନ ପୂର୍ବରୁ, ଆମେରିକା ନିର୍ମିତ ବ୍ରିଟିଶ F-35 କୁ କେରଳର ତିରୁବନନ୍ତପୁରମ ବିମାନବନ୍ଦରରେ ଜରୁରୀକାଳୀନ ଅବତରଣ କରିବାକୁ ପଡିଥିଲା।

କିନ୍ତୁ ଜଣେ ଭାରତୀୟ ଏହି ବିମାନର ଫଟୋ ସୋସିଆଲ ମିଡିଆରେ ପୋଷ୍ଟ କରି OLX ରେ ବିକ୍ରି କରିବାକୁ ପ୍ରସ୍ତାବ ଦେଇଥିଲେ।

ଉନ୍ନତ ଯୁଦ୍ଧ ବିମାନ ଏବଂ ଏହାର ମୂଲ୍ୟ: ଏହି ଜେଟ୍ ବିଶ୍ୱର ସବୁଠାରୁ ଉନ୍ନତ ଏବଂ ବିଶ୍ୱର ସବୁଠାରୁ ମହଙ୍ଗା ଯୁଦ୍ଧ ବିମାନ। ଏହାକୁ ଇଣ୍ଡୋ-ପ୍ରଶାନ୍ତ ମହାସାଗରୀୟ ଅଞ୍ଚଳରେ ନିୟୋଜିତ କରାଯାଇଥିଲା।

ଏହି ବିମାନକୁ ଡୋନାଲ୍ଡ ଟ୍ରମ୍ପ ଆକାଉଣ୍ଟରୁ OLX ରେ ବିକ୍ରୟ ପାଇଁ ରଖାଯାଇଛି, ଯାହାର ମୂଲ୍ୟ 40 ଲକ୍ଷ ଡଲାର ଅର୍ଥାତ୍ 34 କୋଟି 63 ଲକ୍ଷ ଟଙ୍କା ବୋଲି କୁହାଯାଉଛି।

ନକଲି ସାଇଟ୍: ଯେଉଁ ଭାରତୀୟ ଏହାକୁ ବିକ୍ରୟ ପାଇଁ OLX ରେ ଦେଇଥିଲେ, ତଦନ୍ତରୁ ଜଣାପଡିଲା ଯେ ଏହା OLX ର ମୂଳ ସାଇଟ ନୁହେଁ, ବରଂ ଏକ ନକଲି ସାଇଟ। ତଥାପି ମଧ୍ୟ ବିଜ୍ଞାପନଟି ସୋସିଆଲ ମିଡିଆରେ ଭାଇରାଲ ହେବାକୁ ଅଧିକ ସମୟ ଲାଗି ନଥିଲା।

ଅନ୍ୟ ଏକ ଲିଙ୍କରେ, ଏହା ମାତ୍ର 12 ଲକ୍ଷ ଟଙ୍କାରେ ବିକ୍ରୟ ପାଇଁ ମଧ୍ୟ କୁହାଯାଇଛି। ସବୁଠାରୁ ମଜାଦାର କଥା ହେଉଛି ଲିଙ୍କରେ ବ୍ୟବହାରକାରୀଙ୍କ ବିଷୟରେ କୌଣସି ସୂଚନା ଉପଲବ୍ଧ ନାହିଁ।