ପୂର୍ବତନ ବିଜେପି ବିଧାୟକ ଓ ତାଙ୍କ ଭାଇଙ୍କୁ ଗୁଳିମାଡ଼: ଧନତେରାସ ପୂର୍ବରୁ ଘଟିଲା ବଡ଼ ଅଘଟଣ

ନୂଆଦିଲ୍ଲୀ: ଅକ୍ଟୋବର ୩୧ ତାରିଖରେ ଦୀପାବଳୀ ପାଳନ ପାଇଁ ଦେଶବାସୀ ଉତ୍ସୁକତାର ସହିତ ଅପେକ୍ଷା କରି ରହିଛନ୍ତି । ଆଲୋକର ପର୍ବ ପୂର୍ବରୁ ଆସନ୍ତାକାଲି ଅକ୍ଟୋବର ୨୯ରେ ପଡ଼ୁଛି ଧନତେରାସ୍୍ । ଧନତେରାସ୍ ଅବସରରେ ଲୋକମାନେ ସୁନା, ରୁପା କିଣି ନିଜ ଘରକୁ ଆଣିବେ । ଏହିଦିନ ଅଳଙ୍କାର କିଣି ଘରକୁ ଆଣିଲେ ମା’ ଲକ୍ଷ୍ମୀ ଘରକୁ ଆସନ୍ତି ବୋଲି କୁହାଯାଏ । ତେବେ ଧନତେରାସ୍ ପୂର୍ବରୁ ଘଟିଯାଇଛି ଏକ ବଡ଼ ଅଘଟଣ । ଜଣେ ପୂର୍ବତନ ବିଧାୟକଙ୍କ ଉପରକୁ ଗୁଳିମାଡ଼ କରାଯାଇଛି । ଉତ୍ତରପ୍ରଦେଶରେ ଘଟିଛି ଏଭଳି ଏକ ସମ୍ବେଦନଶୀଳ ଘଟଣା । ରାଣୀଗଞ୍ଜ ବିଧାନସଭା ନିର୍ବାଚନ ମଣ୍ଡଳୀର ପୂର୍ବତନ ବିଜେପି ବିଧାୟକ ଧୀରଜ ଓଝା ଓ ତାଙ୍କ ଭାଇଙ୍କ ଉପରକୁ କିଛି ଦୁବୃତ୍ତ ଗୁଳିମାଡ଼ କରିଛନ୍ତି । ରାଜ୍ୟର ପ୍ରତାପଗଡ଼ ଅଞ୍ଚଳରେ ଏହି ଘଟଣା ଘଟିଥିବା ଜଣାପଡ଼ିଛି । ତେବେ ଦୁର୍ବୃତ୍ତମାନେ ୩ଟି ବାଇକରେ ଆସି ଗୁଳିକାଣ୍ଡ ଘଟାଇଥିବା କୁହାଯାଉଛି । ଏହି ଘଟଣାରେ ଧୀରଜଙ୍କ ଭାଇଙ୍କ ସମେତ ୩ ଜଣ ଆହତ ହୋଇଥିବା ଜଣାପଡ଼ିଛି । ତେବେ କାହା ଦେହରେ ଗୁଳି ବାଜି ନଥିବା ଜଣାପଡ଼ିଛି ।