ଏତିକି ଟଙ୍କା ହ୍ରାସ ପାଇଲା ସୁନା ଦର, ଜାଣନ୍ତୁ ୧୦ ଗ୍ରାମ ଗୋଲ୍ଡ ମୂଲ୍ୟ କେତେ
ନୂଆଦିଲ୍ଲୀ: ଜାତୀୟ ରାଜଧାନୀ ଦିଲ୍ଲୀର ସୁନା ବଜାରରେ ସୋମବାର ଦିନ ସୁନା ୧୩୦ ଟଙ୍କା କମିବା ସହ ୧୦ ଗ୍ରାମ ପିଛା ୭୨ ହଜାର ୭୫୦ ଟଙ୍କାରେ ବନ୍ଦ ହୋଇଛି । ଏଚଡିଏଫସି ସୁକ୍ୟୁରିଟୀଜ ଏହି ସୂଚନା ଦେଇଛି । ଗତ କାରବାର ଅଧିବେଶନରେ ସୁନା ୧୦ ଗ୍ରାମ ପିଛା ୭୨ ହଜାର ୮୮୦ ଟଙ୍କା ଥିଲା । ଏହା ବ୍ୟତୀତ ରୂପା ମୂଲ୍ୟ ଅପରିବର୍ତ୍ତିତ ରହି କିଲୋଗ୍ରାମ ପିଛା ୮୪ ହଜାର ୫୦୦ ଟଙ୍କା ରହିଛି ।
ଏଚଡିଏଫସି ସିକ୍ୟୁରିଟିଜ କମୋଡିଟୀ ଏକ୍ସପର୍ଟ ସୌମିଲ ଗାନ୍ଧୀ କହିଛନ୍ତି ଯେ, ଦିଲ୍ଲୀରେ ସୁନା ୧୦ ଗ୍ରାମ ପିଛା ୭୨ ହଜାର ୭୫୦ ଟଙ୍କା ରହିଛି, ଯାହା ପୂର୍ବ ଅପେକ୍ଷା ୧୩୦ ଟଙ୍କା ରହିଛି । ଅନ୍ତରାଷ୍ଟ୍ରୀୟ ବଜାର କମ୍ପେକ୍ସରେ ସୁନା ପ୍ରତି ଅନ୍ସ ପିଛା ୨ ହଜାର ୩୩୩ ଡଲାର ରହିଛି ଯାହା ପୂର୍ବ ମୂଲ୍ୟ ଅନୁଯାୟୀ, ୫ ଡଲାର ହ୍ରାସ ପାଇଛି । ମୋତିଲାଲ ଓସୱାଲ ଫାଇନାନସିଆଲ ସର୍ଭିସେଜରେ କମୋଡିଟୀ ଏକ୍ସପର୍ଟ ନବନୀତ ଦମାନୀ କହିଛନ୍ତି ଯେ, ଆମେରିକୀୟ ଫେଡେରାଲ ରିଜର୍ଭର ସୁଧ ସରରେ ହ୍ରାସର ସମ୍ଭାବନା କମ ହେବା ଏବଂ ବିଶ୍ୱସ୍ତରୀୟ ଯୁଦ୍ଧ କମିବା ଯୋଗୁଁ ସୁନାରେ ସ୍ଥିରତା ରହିଛି ।
