ମାଲାମାଲ୍ ହେବେ କେନ୍ଦ୍ରୀୟ କର୍ମଚାରୀ! ଅଷ୍ଟମ ବେତନ କମିଶନରେ ଜାଣନ୍ତୁ କେତେ ବଢ଼ିଯିବ ଆପଣଙ୍କ ଦରମା

ନୂଆଦିଲ୍ଲୀ: କେନ୍ଦ୍ରୀୟ କର୍ମଚାରୀ ଏବଂ ପେନସନଭୋଗୀମାନେ ଅଷ୍ଟମ ବେତନ କମିଶନ ଲାଗୁ ହେବାକୁ ନେଇ ଉତ୍ସାହର ସହିତ ଅପେକ୍ଷା କରିଛନ୍ତି । ରିପୋର୍ଟ ଅନୁସାରେ, ସରକାର ୨୦୨୫ ଏପ୍ରିଲ ମାସରେ ଅଷ୍ଟମ ବେତନ କମିଶନ ଗଠନ କରିପାରନ୍ତି, ଅର୍ଥାତ୍ ଏହି ମାସରେ ହିଁ ଏହା ଗଠନ କରାଯାଇପାରିବ ।

ଏହା ସହିତ ବେତନ କମିଶନର ସୁପାରିଶଗୁଡ଼ିକ ଆସନ୍ତା ବର୍ଷ ଅର୍ଥାତ୍ ୨୦୨୬ କିମ୍ବା ୨୭ ମସିହାରେ ଲାଗୁ ହୋଇପାରେ । କିନ୍ତୁ, ଯଦି ଏହା ଲାଗୁ ହୁଏ ତେବେ କେନ୍ଦ୍ରୀୟ କର୍ମଚାରୀଙ୍କ ମାସିକ ଦରମା ଏବଂ ପେନସନଭୋଗୀଙ୍କ ପେନସନ ପ୍ରାୟ ଚଉଦ ହଜାରରୁ ଉଣେଇଶ ହଜାର ଟଙ୍କା ପର୍ଯ୍ୟନ୍ତ ବୃଦ୍ଧି ପାଇପାରେ ।

ବର୍ତ୍ତମାନ କେନ୍ଦ୍ର ସରକାରୀ କର୍ମଚାରୀଙ୍କ ମାସିକ ଦରମା ପ୍ରାୟ ୧ ଲକ୍ଷ ଟଙ୍କା ଏବଂ ନୂତନ ବେତନ କମିଶନ ଲାଗୁ ହେବା ପରେ ଏହା ପ୍ରାୟ ୧୪ ରୁ ୧୯ ପ୍ରତିଶତ ବୃଦ୍ଧି ପାଇବ । ଅର୍ଥାତ୍ ଏହା ପରେ, ଯଦି ସରକାର ୧.୭୫ ଲକ୍ଷ କୋଟି ଟଙ୍କାର ବଜେଟ୍ ରଖନ୍ତି, ତେବେ ଏହି କେନ୍ଦ୍ରୀୟ କର୍ମଚାରୀଙ୍କ ଦରମା ପ୍ରାୟ ୧୪,୬୦୦ ଟଙ୍କା ବୃଦ୍ଧି ପାଇବ ।

ଯଦି ସରକାର ୨ ଲକ୍ଷ କୋଟି ଟଙ୍କାର ବଜେଟ୍ ରଖନ୍ତି, ତେବେ ସେମାନଙ୍କର ଦରମା ପ୍ରାୟ ୧୬,୬୦୦ ଟଙ୍କା ବୃଦ୍ଧି ପାଇପାରିବ । ଏହା ଉଲ୍ଲେଖନୀୟ ଯେ ଅଷ୍ଟମ ବେତନ କମିଶନର ସିଧାସଳଖ ଲାଭ ୫୦ ଲକ୍ଷରୁ ଅଧିକ କେନ୍ଦ୍ରୀୟ କର୍ମଚାରୀ ଏବଂ ୬୫ ଲକ୍ଷରୁ ଅଧିକ ପେନସନଭୋଗୀଙ୍କୁ ଦିଆଯିବ । ଗତଥର ଅର୍ଥାତ୍ ସପ୍ତମ ବେତନ କମିଶନରେ, ସରକାର ୧.୦୨ ଲକ୍ଷ କୋଟି ଟଙ୍କା ଖର୍ଚ୍ଚ କରିଥିଲେ ।