ଫ୍ୟାନ୍ସଙ୍କୁ ଶକ୍ତ ଝଟ୍‌କା, ଏସିଆ କପରେ ଏହି ଖେଳାଳିଙ୍କୁ ମିଳିଲାନି ମୌକା, ଭାଜି ବାଛିଛନ୍ତି ୧୫ ଖେଳାଳିଙ୍କ ନାଁ

ନୂଆଦିଲ୍ଲୀ: ପୂର୍ବତନ ଭାରତୀୟ କିମ୍ବଦନ୍ତୀ ହରଭଜନ ସିଂହ ଏସିଆ କପ୍ ୨୦୨୫ ପାଇଁ ଭାରତୀୟ ଦଳ ଘୋଷଣା କରିଛନ୍ତି। ଟାଇମ୍ସ ଅଫ୍ ଇଣ୍ଡିଆ ସହିତ ଆଲୋଚନା ସମୟରେ ଭାଜୀ ୧୫ ଜଣ ଖେଳାଳିଙ୍କୁ ଚୟନ କରିଛନ୍ତି।

ହରଭଜନ ସିଂହ ଆଶ୍ଚର୍ଯ୍ୟଜନକ ଭାବରେ ତାଙ୍କ ଦଳରେ ସଞ୍ଜୁ ସାମସନଙ୍କୁ ସ୍ଥାନ ଦେଇନାହାଁନ୍ତି, ଯାହା ପ୍ରଶଂସକମାନଙ୍କୁ ଆଶ୍ଚର୍ଯ୍ୟ କରିଛି।

ହରଭଜନ ସିଂହ ମଧ୍ୟ ୱିକେଟକିପର-ବ୍ୟାଟସମ୍ୟାନଙ୍କ ଭୂମିକା ବିଷୟରେ ନିଜର ମତାମତ ଦେଇଛନ୍ତି ଏବଂ ପରାମର୍ଶ ଦେଇଛନ୍ତି ଯେ କେଏଲ ରାହୁଲ ଏକ ଭଲ ବିକଳ୍ପ ହେବେ।

ସେ କହିଛନ୍ତିି ଟୁର୍ଣ୍ଣାମେଣ୍ଟ ସମୟରେ ୱିକେଟ୍ କିପିଂ ପାଇଁ ରାହୁଲ କିମ୍ବା ରିଷଭ ପନ୍ତଙ୍କ ମଧ୍ୟରୁ ଜଣଙ୍କୁ ବିଚାର କରାଯିବା ଉଚିତ।

ହରଭଜନ ଟାଇମ୍ସ ଅଫ୍ ଇଣ୍ଡିଆକୁ କହିଛନ୍ତି, ଯଶସ୍ୱୀ ଜୟସୱାଲ, ଅଭିଷେକ ଶର୍ମା, ଶୁଭମାନ ଗିଲ, ସୂର୍ଯ୍ୟକୁମାର ଯାଦବ (ଅଧିନାୟକ), ହାର୍ଦ୍ଦିକ ପାଣ୍ଡ୍ୟା, ଶ୍ରେୟସ ଆୟର, ୱାଶିଂଟନ ସୁନ୍ଦର, ରିୟାନ ପରାଗ, କୁଲଦୀପ ଯାଦବ, ଅକ୍ଷର ପଟେଲ, ମହମ୍ମଦ ସିରାଜ, ଜସପ୍ରୀତ ବୁମରାହ, ଅର୍ଶଦୀପ ସିଂହ ମୋ ଦୃଷ୍ଟିରେ ଦଳରେ ଆସିପାରିବେ।
କେଏଲ ରାହୁଲ ଏପରି ଏକ ନାମ ଯାହାକୁ ମୁଁ ବାଛି ନାହିଁ।

ସେ ମଧ୍ୟ ଏକ ବହୁତ ଭଲ ବିକଳ୍ପ ହୋଇପାରନ୍ତି କାରଣ ମୁଁ ଅନ୍ୟ କୌଣସି ୱିକେଟ୍ କିପର ବାଛୁନାହିଁ।ସେମାନଙ୍କ ମଧ୍ୟରୁ ଜଣେ କିମ୍ବା ରିଷଭ ପନ୍ତ ଦଳରେ ରହିବା ଉଚିତ। ଏହା ବ୍ୟତୀତ, ଭଜି ଶ୍ରେୟସ ଆୟରଙ୍କୁ ଦଳରେ ସାମିଲ କରିବା ପାଇଁ ସମର୍ଥନ କରିଛନ୍ତି।

ହରଭଜନ ସିଂହ ମଧ୍ୟ ଶୁଭମନ ଗିଲ୍ ବିଷୟରେ ନିଜର ମତାମତ ଦେଇ କହିଛନ୍ତି, ଟି-୨୦ ଫର୍ମାଟ୍ କେବଳ ବଲ୍ ମାରିବା ବିଷୟରେ ନୁହେଁ। ଯଦି ଶୁଭମନ ଗିଲ୍ ହିଟ୍ କରିବାକୁ ନିଷ୍ପତ୍ତି ନିଅନ୍ତି, ତେବେ ସେ କାହାଠାରୁ କମ୍ ନୁହଁନ୍ତି।

ସେ ଯେଉଁ ପ୍ରକାରର ବ୍ୟାଟ୍ସମ୍ୟାନ୍‌, ତାଙ୍କର ଖେଳ ଜବରଦସ୍ତ। ତାଙ୍କ ପାଖରେ ଯେଉଁ ଫୋକେସ୍ ଅଛି ସେ ଯେକୌଣସି ଫର୍ମାଟ୍ ହେଉନା କାହିଁକି, ସମଗ୍ର ପଡ଼ିଆରେ ରନ୍ କରିପାରିବେ।’

ହରଭଜନ ଆହୁରି କହିଛନ୍ତି, ଯଦି ଆପଣ ଆଇପିଏଲ୍ ଦେଖନ୍ତି, ତେବେ ସେ ପ୍ରତ୍ୟେକ ସିଜିନରେ ରନ୍ କରିଛନ୍ତି। ଭଜି ଗିଲ୍ ବିଷୟରେ ଆହୁରି କହିଛନ୍ତି, ମୁଁ ଭାବୁଛି ସେ ଏହି ଫର୍ମାଟରେ ଭଲ ଖେଳିପାରିବେ ଏବଂ ପ୍ରାଧାନ୍ୟ ବିସ୍ତାର କରିପାରିବେ।

ଆମେ ପୂର୍ବରୁ ଚୌକା ଏବଂ ଛକା ଦେଖୁଥିଲୁ, କିନ୍ତୁ ୨୦ ଓଭରରେ କେବଳ ଚୌକା ଏବଂ ଛକା ମାରିବା ଜରୁରୀ ନୁହେଁ। ଆମକୁ ଏପରି ଖେଳାଳି ମଧ୍ୟ ଆବଶ୍ୟକ ଯିଏ ବଡ଼ ଇନିଂସ ଖେଳିପାରିବେ।

ହରଭଜନ ସିଂହଙ୍କ ଏସିଆ କପ୍ ୨୦୨୫ ଦଳ: ଯଶସ୍ୱୀ ଜୟସୱାଲ, ଅଭିଷେକ ଶର୍ମା, ଶୁଭମନ ଗିଲ, ସୂର୍ଯ୍ୟକୁମାର ଯାଦବ (ଅଧିନାୟକ), ହାର୍ଦ୍ଦିକ ପାଣ୍ଡ୍ୟା, ଶ୍ରେୟସ ଆୟର, ୱାଶିଂଟନ ସୁନ୍ଦର, କେଏଲ ରାହୁଲ/ରିଷଭ ପନ୍ତ, ରିୟାନ ପରାଗ, କୁଲଦୀପ ଯାଦବ, ଅକ୍ଷର ପଟେଲ, ମହମ୍ମଦ ସିରାଜ, ଜସପ୍ରିତ ବୁମରାହ, ଅର୍ଶଦୀପ ସିଂହ ।

ଏସିଆ କପ୍ ଗ୍ରୁପ୍ ଏ: ଭାରତ, ପାକିସ୍ତାନ, ୟୁଏଇ ଏବଂ ଓମାନ
ଗ୍ରୁପ୍ ବି: ଶ୍ରୀଲଙ୍କା, ବାଂଲାଦେଶ, ଆଫଗାନିସ୍ତାନ ଏବଂ ହଂକଂ

ଏସିଆ କପ୍ ୨୦୨୫ ମ୍ୟାଚ୍ ର ପୂର୍ଣ୍ଣ ସୂଚୀ
ସେପ୍ଟେମ୍ବର ୯: ଆଫଗାନିସ୍ତାନ ବନାମ ହଂକଂ
ସେପ୍ଟେମ୍ବର ୧୦: ଭାରତ ବନାମ ୟୁଏଇ
ସେପ୍ଟେମ୍ବର ୧୧: ବାଂଲାଦେଶ ବନାମ ହଂକଂ
ସେପ୍ଟେମ୍ବର ୧୨: ପାକିସ୍ତାନ ବନାମ ଓମାନ
ସେପ୍ଟେମ୍ବର ୧୩: ବାଂଲାଦେଶ ବନାମ ଶ୍ରୀଲଙ୍କା
ସେପ୍ଟେମ୍ବର ୧୪: ଭାରତ ବନାମ ପାକିସ୍ତାନ
ସେପ୍ଟେମ୍ବର ୧୫: ଶ୍ରୀଲଙ୍କା ବନାମ ହଂକଂ
ସେପ୍ଟେମ୍ବର ୧୫: ୟୁଏଇ ବନାମ ଓମାନ
ସେପ୍ଟେମ୍ବର ୧୬: ବାଂଲାଦେଶ ବନାମ ଆଫଗାନିସ୍ତାନ
ସେପ୍ଟେମ୍ବର ୧୭: ପାକିସ୍ତାନ ବନାମ ୟୁଏଇ
୧୮ ସେପ୍ଟେମ୍ବର: ଶ୍ରୀଲଙ୍କା ବନାମ ଆଫଗାନିସ୍ତାନ
୧୯ ସେପ୍ଟେମ୍ବର: ଭାରତ ବନାମ ଓମାନ

୨୮ ସେପ୍ଟେମ୍ବରରେ ହେବ ଫାଇନାଲ ମ୍ୟାଚ୍‌।