fbpx
BSKY
BJD MC SKY
BJD YOUTH SKY

ଜିଭର ରଙ୍ଗରୁ ଜାଣିହେବ ଆପଣଙ୍କ ସ୍ୱାସ୍ଥ୍ୟର ଅବସ୍ଥା, ବାସ ଏହି ରଙ୍ଗ ଦେଖାଯାଉଥିଲେ ତୁରନ୍ତ ଡାକ୍ତରଙ୍କୁ ଦେଖନ୍ତୁ, ନଚେତ

ନୂଆଦିଲ୍ଲୀ: ଆମେ ଶରୀରରେ କିଛି ଅସୁସ୍ଥତା ଅନୁଭବ କଲେଡାକ୍ତରଙ୍କ ପାଖକୁ ଯାଆନ୍ତି, ଆଉ ଆପଣ କେବେ ଏହା ଧ୍ୟାନ ଦେଇଛନ୍ତି କି ଆପଣ ଡାକ୍ତରଙ୍କ ପାଖକୁ ଗଲା ମାନେ ସେମାନେ ପ୍ରଥମେ ଆପଣଙ୍କ ଜିଭ ଦେଖନ୍ତି। କିନ୍ତୁ ଆପଣ ଜାଣିଛନ୍ତି କି ସେମାନେ ଏପରି କାହିଁକି କରନ୍ତି ? ତେବେ ଏହାର କାରଣ ହେଉଛି ଜିଭରେ ଛୋଟ ପରିବର୍ତ୍ତନ ଦ୍ୱାରା ଡାକ୍ତରମାନେ ରୋଗ ବୁଝି ପାରନ୍ତି । ଜିଭ ରଙ୍ଗ କିମ୍ବା ଏଥିରେ ଘଟୁଥିବା ପରିବର୍ତ୍ତନ ଉପରେ ନିର୍ଭର କରି ଡାକ୍ତରମାନେ ଔଷଧ ଦିଅନ୍ତି। ଅନେକ ଗବେଷଣାରେ ଏହା ପ୍ରମାଣିତ ହୋଇଛି ଯେ କର୍କଟ ଏବଂ ମଧୁମେହ ଭଳି ରୋଗର ଲକ୍ଷଣ ମଧ୍ୟ ଜିଭରେ ଲୁଚି ରହିପାରେ। ତେବେ ଆସନ୍ତୁ ଜାଣିବା ଜିଭରେ ପରିବର୍ତ୍ତନ ଦ୍ୱାରା ରୋଗର ଲକ୍ଷଣ କ’ଣ ମିଳେ :

କଳା ଜିଭ: କିଛି ଲୋକଙ୍କ ଜିଭ ରଙ୍ଗ କଳା ହୋଇଯାଏ। ମୁଖ୍ୟତଃ ଆଣ୍ଟାସିଡ୍ ଟାବଲେଟ୍ ଖାଇବା ପରେ ଏହା ହୁଏ। ଆଣ୍ଟାସିଡରେ ବିସ୍ମଥ ମିଳିଥାଏ, ଯାହା ଲାଳ ସହିତ ଜିଭର ଉପର ପୃଷ୍ଠରେ ଫସି ରହିଥାଏ। ଆଖିବାକୁ ଗଲେ ଏହା ଏକ ଗମ୍ଭୀର ସମସ୍ୟା ନୁହେଁ। ପାଟି ସଫା କରି ଏହା ଭଲ ହୋଇଯାଏ । ତଥାପି, କେତେକ ମଧୁମେହ ରୋଗୀଙ୍କଠାରେ ଜିଭ କଳା ହେବା ଏକ ସମସ୍ୟା ହୋଇପାରେ । ଯଦି ଆଣ୍ଟିସିଡ୍ ବିନା ଜିଭର ରଙ୍ଗ କଳା ଥାଏ, ତେବେ ଡାକ୍ତରଙ୍କ ସହିତ ଯୋଗାଯୋଗ କରନ୍ତୁ ।

ନାଲି ଜିଭ : ଜିଭର ଲାଲ ରଙ୍ଗ ଚିନ୍ତାଜନକ ହୋଇପାରେ । ଜିଭ ଲାଲ ହେବା ଦ୍ୱାରା କାୱାସାକି (Kawasaki) ରୋଗ ମଧ୍ୟ ହୋଇପାରେ। ଭିଟାମିନ୍ ଅଭାବ ହେତୁ ଏହା ମଧ୍ୟ ଘଟେ । କାୱାସାକି ରୋଗ ପିଲାମାନଙ୍କଠାରେ ଅଧିକ ଦେଖାଯାଏ। ପିଲାଙ୍କୁ ଜ୍ୱର ଥିଲେ ମଧ୍ୟ ଜିଭ ରଙ୍ଗ ଲାଲ ହୋଇପାରେ ।

ଜିଭରେ ଜଳୁଥିବା ଅନୁଭବ : ଯଦି ଜିଭରେ ଜଳୁଥିବା ଭଳି ସମ୍ବେଦନଶୀଳତା ଥାଏ, ତେବେ ଏହା ଅମ୍ଳତା ହେତୁ ହୋଇପାରେ । ବେଳେବେଳେ, ସ୍ନାୟୁଗତ ସମସ୍ୟା ହେତୁ ଜିଭରେ ଜଳୁଥିବା ଅନୁଭବ ମଧ୍ୟ ହୋଇପାରେ । ସେଥିପାଇଁ ଜିଭ୍ ର ଯତ୍ନ ନେବା ଆବଶ୍ୟକ ।

ଜିଭ ଯନ୍ତ୍ରଣା: ଯଦି ଜିଭରେ କ୍ଷତ ଥାଏ ଏବଂ ଏହା ଅନେକ ଦିନ ପର୍ଯ୍ୟନ୍ତ ଆରୋଗ୍ୟ ହୋଇନଥାଏ ଏବଂ ଖାଇବା ଏବଂ ଗିଳିବାରେ ଅସୁବିଧା ହୁଏ, ତେବେ ସାବଧାନ ରୁହନ୍ତୁ, କାରଣ ଏହା କର୍କଟ ରୋଗର ଲକ୍ଷଣ ହୋଇପାରେ। ଏପରି ଅବସ୍ଥାରେ ତୁରନ୍ତ ଡାକ୍ତରଙ୍କୁ ଦେଖା କରନ୍ତୁ ।

ଜିଭରେ ଧଳା ଦାଗ: ଜିଭରେ ଧଳା ଦାଗ କିମ୍ବା ଆବରଣ ଇଷ୍ଟ ସଂକ୍ରମଣର(Yeast infection) ଲକ୍ଷଣ ହୋଇପାରେ । ଏହା ଶିଶୁ ଏବଂ ବୃଦ୍ଧମାନଙ୍କଠାରେ ଅଧିକ ଦେଖାଯାଏ । ଜିଭରେ ଧଳା ଆବରଣ ଲ୍ୟୁକୋପ୍ଲାକିଆ ହେତୁ ମଧ୍ୟ ହୋଇପାରେ। ଯେଉଁମାନେ ତମାଖୁ ଖାଉଛନ୍ତି ସେମାନଙ୍କ ମଧ୍ୟରେ ଏହି ସମସ୍ୟା ଅଧିକ ଦେଖାଯାଏ ।

Get real time updates directly on you device, subscribe now.