ବିଧାୟକଙ୍କ କ୍ୱାର୍ଟର୍ସ ପାଇଁ ଗଛକଟା ମାମଲାରେ ସରକାରଙ୍କୁ ରିପୋର୍ଟ ତଲବ କଲେ ହାଇକୋର୍ଟ

ବିଧାୟକଙ୍କ କ୍ୱାଟର୍ସ ପାଇଁ ଏମଏଲଏ କଲୋନୀରେ ଥିବା ବହୁ ପୁରାତନ ଗଛକୁ କଟାଯିବା ମାମଲାରେ ସରକାରଙ୍କୁ ରିପୋର୍ଟ ତଲବ କରିଛନ୍ତି ହାଇକୋର୍ଟ । ହାଇକୋର୍ଟ ସାଧାରଣ ପ୍ରଶାସନ ବିଭାଗ ସଚିବଙ୍କୁ ନୋଟିସ ଜୋରି କରି ଏହି ପ୍ରକଳ୍ପ ବାବଦରେ ବିସ୍ତୃତ ବିବରଣୀ ଦେବାକୁ ନିର୍ଦ୍ଦେଶ ଦେଇଛନ୍ତି । ଏହାସହ ଆସନ୍ତା ୨୭ ରେ ମାମଲାର ପରବର୍ତ୍ତୀ ଶୁଣାଣି ହେବ ।
ସୂଚନାଯୋଗ୍ୟ, ଭୁବନେଶ୍ୱରରେ ବିଧାୟକଙ୍କ ପଇଁ ପ୍ରସ୍ତୁତ ହେବା ପାଇଁ ଭୁବନେଶ୍ୱର ଏମଏଲଏ କଲୋନୀଠାରେ ଅନେକ ପୁରୁଣା ଗଛକୁ କଟାଯାଇଛି । ସେଠାରେ ଥିବା ଆହୁରି ଅନେକ ଗଛ କାଟିବାକୁ ମଧ୍ୟ ଯୋଜନା ରହିଛି । ସେପଟେ ଏହି ଘଟଣାକୁ ବିଭିନ୍ନ ମହଲରୁ ବିରୋଧ କରାଯାଉଛି । ଏହା ସହ ଗଛକଟାଯାଉଥିବା ସ୍ଥାନରେ ବିଭିନ୍ନ ସଂଗଠନ ତରଫରୁ ପ୍ରତିବାଦ ମଧ୍ୟ କରାଯାଉଛି ।