ଜାତୀୟ ଗଣମାଧ୍ୟମରେ ହକି ବିଶ୍ୱକପକୁ ଉପେକ୍ଷା: କ୍ରିକେଟ ପରି ହକିକୁ ଗୁରୁତ୍ୱ ମିଳୁନି, ମୁହଁ ଖୋଲିଲେ ପୂର୍ବତନ କ୍ରୀଡ଼ାବିତ
ଭୁବନେଶ୍ୱର(ଓଡ଼ିଶା ଭାସ୍କର): ଆଜିଠାରୁ ଓଡ଼ିଶାରେ ଆରମ୍ଭ ହେବାକୁ ଯାଉଛି ହକି ବିଶ୍ୱକପ୍ । ରାଜ୍ୟର ରାଜଧାନୀ ଭୁବନେଶ୍ୱର ଓ ରାଉରକେଲା ଦୁଇ ସହର ଏଥିପାଇଁ ସମ୍ପୂର୍ଣ୍ଣ ଭାବେ ଆକର୍ଷଣୀୟ ଢଙ୍ଗରେ ପ୍ରସ୍ତୁତ ହୋଇ ରହିଛି । ତେବେ ଏହା ମଧ୍ୟରେ ଗତ ୧୧ ତାରିଖରେ ହକି ବିଶ୍ୱକପର ଉଦଘାଟନୀ ଉତ୍ସବ କଟକର ବାରବାଟୀ ଷ୍ଟାଡିୟମରେ ଅନୁଷ୍ଠିତ ହୋଇଯାଇଛି । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଏହି ଉତ୍ସବକୁ ଉଦଘାଟନ କରିଥିବା ବେଳେ ଏହି ଅବସରରେ ବଲିଉଡ ଅଭିନେତା, ରଣବୀର ସିଂହ, ଅଭିନେତ୍ରୀ ଦିଶା ପଟାନୀ, ସଙ୍ଗୀତଜ୍ଞ ପ୍ରିତମ ଚକ୍ରବର୍ତ୍ତୀଙ୍କସହ ଓଲିଉଡର ଅନେକ କଳାକାର ସେମାନଙ୍କର ପ୍ରତିଭା ପ୍ରଦର୍ଶନ କରିଥିଲେ ।
ତେବେ ହକିକୁ ନେଇ ଓଡ଼ିଶା ଉତ୍ସବ ମୁଖର ହୋଇ ଉଠିଥିବା ବେଳେ ଏହା ମଧ୍ୟରେ ଦେଖିବାକୁ ମିଳିଛି ଏକ ବ୍ୟତିକ୍ରମ । ହକି ବିଶ୍ୱକପର ପରି ଏକ ବିଶ୍ୱସ୍ତରୀୟ ପ୍ରତିଯୋଗିତାକୁ ଜାତୀୟ ଗଣମାଧ୍ୟମଗୁଡ଼ିକରେ ଗୁରୁତ୍ୱ ପ୍ରଦାନ କରାଯାଉନାହିଁ । ତେଣୁ ଏନେଇ ମୁହଁ ଖୋଲିଛନ୍ତି ଦେଶର କିଛି ପୂର୍ବତନ କ୍ରୀଡ଼ାବିତ । ଏହି କ୍ରମରେ ସାମିଲ ହୋଇଛନ୍ତି ପୂର୍ବତନ ଭାରତୀୟ କ୍ରିକେଟର ଗୌତମ ଗମ୍ଭୀର ଓ ଭାରତୀୟ ହକି ଟିମର ପୂର୍ବତନ ଅôଧନାୟକ ବୀରେନ୍ ରସକ୍ୱିନା ।
Extremely disappointed with mainstream media & top Indian newspapers on lack of Hockey coverage. Hockey World Cup starts tomorrow. India is hosting it. Been barely any articles even on our own players. We have brilliant hockey journalists. Give them some space please!!!
— Viren Rasquinha (@virenrasquinha) January 12, 2023
ଗମ୍ଭୀର କହିଛନ୍ତି, ରାଷ୍ଟ୍ରର ମର୍ଯ୍ୟାଦା, ପରମ୍ପରା ଓ ଗୌରବ ବୃଦ୍ଧି କରୁଥିବା ହକି ପରି ଏକ କ୍ରୀଡ଼ାକୁ ଜାତୀୟସ୍ତରରେ ଗୁରୁତ୍ୱ ଦିଆନଯିବା ନିନ୍ଦନୀୟ । କ୍ରିକେଟ ଆମ ଦେଶର ଏନମ୍ବର କ୍ରୀଡ଼ା ହୋଇପାରେ, ମାତ୍ର ଜାତୀୟ ଖେଳ ହକିକୁ ମଧ୍ୟ ମାନ ଗୁରୁତ୍ୱ ଦେବାର ଆବଶ୍ୟକତା ରହିଛି । ସେହିପରି ହକିକୁ ନେଇ ଜାତୀୟ ଗଣମାଧ୍ୟମର ମନୋଭାବକୁ ନେଇ ଅସନ୍ତୋଷ ପ୍ରକାଶ କରିଛନ୍ତି ବୀରେନ୍ । ସୂଚନାଯୋଗ୍ୟ ଯେ, ୨୦୧୮ ଓ ୨୦୨୩ରେ କ୍ରମାଗତ ଦୁଇବର୍ଷ ଧରି ହକି ବିଶ୍ୱକପର ଆୟୋଜନ କରି ଓଡ଼ିଶା ପ୍ରଶଂସା ଭାଜନ ହେବାରେ ସକ୍ଷମ ହୋଇଛି । ନୂଆ ଷ୍ଟାଡିୟମ, କ୍ରୀଡ଼ା ଭିତ୍ତିଭୂମିର ବିକାଶ, ଯୁବ ଖେଳାଳିଙ୍କୁ ପ୍ରୋତ୍ସାହନ ମିଳିବା ଫରେ ଦେଶରେ ହକି ପ୍ରତି ଯୁବ ଖେଳାଳିଙ୍କର ଉତ୍ସାହ ସୃଷ୍ଟି ହୋଇଛି । ଭାରତ ବିଜେତା ହେଲେ ପ୍ରତି ଖେଳାଳିଙ୍କୁ କୋଟିଏ ଲେଖାଏଁ ଆର୍ଥିକ ପୁରସ୍କାର ପ୍ରଦାନ କରିବାକୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଘୋଷଣା କରିଛନ୍ତି ।
Hockey has been India’s pride & it’s heartbreaking that WC hosted by our own country is not getting mainstream coverage. How will sports grow if we discriminate? Time to change! @virenrasquinha
— Gautam Gambhir (@GautamGambhir) January 12, 2023
