ବିଶେଷଜ୍ଞମାନେ କାହିଁକି କୁହନ୍ତି ଜିନ୍ସକୁ ଫ୍ରିଜରେ ରଖିବା ଉଚିତ ? ଏହାର କାରଣ ଜାଣିଲେ ଆପଣ ବି ଏପରି କରିବେ

ପୋଷାକ ଆମ ଜୀବନର ଏକ ଗୁରୁତ୍ୱପୂର୍ଣ୍ଣ ଅଂଶ ଓ ଏହା ଆମର ଦୈନନ୍ଦିନ ଜୀବନରେ ଜଡିତ ରହିଛି । ସମାଜରେ ମହିଳା ଏବଂ ପୁରୁଷଙ୍କ ପୋଷାକ ଭିନ୍ନ ଭିନ୍ନ ଭାବରେ ନିର୍ଦ୍ଧାରିତ ହୋଇଛି । ଏମିତିରେ ବି ଆଜିକାଲି ମହିଳାମାନେ ଜିନ୍ସ ଏବଂ ସାର୍ଟ ମଧ୍ୟ ପିନ୍ଧୁଛନ୍ତି । ଆଜିର ସମୟରେ ଜିନ୍ସ ଉଭୟ ପୁରୁଷ ଏବଂ ମହିଳାଙ୍କ ପାଇଁ ମୁଖ୍ୟ ପୋଷାକ ପାଲଟିଛି । ଝିଅମାନେ ଏହାକୁ ଉଭୟ ସାର୍ଟ ଏବଂ ଟି-ସାର୍ଟ ସହିତ ପିନ୍ଧନ୍ତି । ଯାତ୍ରା ଠାରୁ ଆରମ୍ଭ କରି ଅଫିସ୍ ପର୍ଯ୍ୟନ୍ତ ଲୋକମାନେ ଏହାକୁ ବ୍ୟବହାର କରନ୍ତି ।

ଆଶ୍ଚର୍ଯ୍ୟର କଥା ହେଉଛି କି, ଲୋକମାନଙ୍କୁ ଚମକ୍ରାର ଲୁକ୍ ଦେଉଥିବା ଜିନ୍ସର ଅଧିକାଂଶ ଲୋକ ଏହାର ଭଲ ଭାବରେ ଯତ୍ନ ନିଅନ୍ତି ନାହିଁ । କିଛି ଲୋକ ସେମାନଙ୍କର ଯତ୍ନ ନେବା ପାଇଁ ବାରମ୍ବାର ଜିନ୍ସ ଧୋଇଥାନ୍ତି, କିନ୍ତୁ ଏହା କରିବା ଠିକ୍ କି? ଜିନ୍ସ ଯତ୍ନ ନେବା ପାଇଁ ବିଶେଷଜ୍ଞମାନେ ମଧ୍ୟ ଫ୍ରିଜରେ ରଖିବାକୁ ପରାମର୍ଶ ଦିଅନ୍ତି । ଫ୍ରିଜରେ ଜିନ୍ସ ରଖିଲେ କ’ଣ ହୁଏ ଆସନ୍ତୁ ଜାଣିବା …

ଜିନ୍ସକୁ ବାରମ୍ବାର ଧୋଇବା ଉଚିତ୍ ନୁହେଁ :-
ଜିନ୍ସକୁ ବାରମ୍ବାର ଧୋଇବା ଦ୍ୱାରା ଏହାର କପଡା ଖରାପ ହୋଇପାରେ । ଅନେକ ବିଶେଷଜ୍ଞ କହିଛନ୍ତି ଯେ, ଜିନ୍ସ ଧୋଇବା ଉଚିତ୍ ନୁହେଁ ଏବଂ ଯେଉଁମାନେ ଏହା କରୁଛନ୍ତି ସେମାନେ ଭୁଲ୍ କରୁଛନ୍ତି । ଦୁନିଆର ପ୍ରଥମ ଜିନ୍ସ ନିର୍ମାତା ତଥା ବିଶ୍ୱର ପ୍ରସିଦ୍ଧ ଜିନ୍ସ କମ୍ପାନୀ ଲିଭାଇସ ୱେବସାଇଟରେ ଥିବା ଏକ ବ୍ଲଗରେ ଏହା ମଧ୍ୟ କୁହାଯାଇଛି ଯେ, ଜିନ୍ସ କେବେ ଧୋଇବା ଉଚିତ ନୁହେଁ । ଯଦି ବହୁତ ଆବଶ୍ୟକତା ଅଛି ତେବେ ବେଳେବେଳେ ଏହାକୁ ଧୁଅନ୍ତୁ ।

ଜିନ୍ସ କିପରି ସଫା କରିବେ?
ନିଶ୍ଚିତ ଭାବରେ ଆପଣଙ୍କ ମନରେ ପ୍ରଶ୍ନ ଆସୁଛି ଯେ, ଯଦି ଜିନ୍ସ ଧୋଇବାକୁ ପଡିବ ନାହିଁ ତେବେ ସେଗୁଡ଼ିକୁ କିପରି ସଫା କରିବେ? ଲିଭାଇସ କମ୍ପାନୀର ଚିପ୍ ବର୍ଗ କୁହନ୍ତି ଯେ, ଜିନ୍ସରେ ପଡ଼ିଥିବା ଦାଗକୁ ଟୁଥ୍ ବ୍ରଶ୍ ସହିତ ସଫା କରିବାକୁ ଚେଷ୍ଟା କରନ୍ତୁ । ଜିନ୍ସ ଧୋଇବା ଦ୍ୱାରା ଏହାର ମ୍ୟାଟେରିଆଲ ନଷ୍ଟ ହୋଇଯାଏ ଏବଂ ଏହା ଜଳର ଅପଚୟ ମଧ୍ୟ କରିଥାଏ ।

ଜିନ୍ସକୁ ଫ୍ରିଜରେ କାହିଁକି ରଖିବା ଉଚିତ୍?

ଚିପ୍ ବର୍ଗଙ୍କ ଅନୁଯାୟୀ, ନୂଆ ଜିନ୍ସକୁ ଅତି କମରେ ୬ ମାସ ପରେ ପ୍ରଥମ ଥର ଧୋଇବା ଉଚିତ୍ । ଜିନ୍ସରେ ବଢ଼ୁଥିବା ଜୀବାଣୁକୁ ଏଡାଇବା ପାଇଁ ସେମାନଙ୍କୁ ରାତିସାରା ଫ୍ରିଜରେ ଛାଡିଦିଅ । ସକାଳେ ଏହାକୁ ଫ୍ରିଜରୁ ବାହାର କରି ସୂର୍ଯ୍ୟକିରଣ ଏବଂ ଶୁଦ୍ଧ ପରିବେଶରେ ଶୁଖାନ୍ତୁ । ଏହା ପରେ ଜିନ୍ସ ଜୀବାଣୁମୁକ୍ତ ହେବ ଏବଂ ଆପଣ ଏହାକୁ ପିନ୍ଧି ପାରିବେ ।