(Video) ଯଦି ନିଜ ଚାରିପଟେ ଘୁରିବନି ପୃଥିବୀ… କ’ଣ ହେବ ଏହା ପରର ପରିସ୍ଥିତି? ନଷ୍ଟ ହୋଇଯିବ ଜୀବଜଗତ!
ପିଲାବେଳେ ବିଜ୍ଞାନ ବହିରେ ଆମେ ପଢିଛେ, ଦିନ ଏବଂ ରାତି କିପରି ଘଟେ । ବର୍ଷ କିପରି ବଦଳେ । ଏହି ପୂରା ପ୍ରକ୍ରିୟା ପୃଥିବୀର ଅକ୍ଷରେ ଘୂର୍ଣ୍ଣନ ଏବଂ ସୂର୍ଯ୍ୟର ଘୂର୍ଣ୍ଣନ ଉପରେ ନିର୍ଭର କରେ । ପୃଥିବୀ ସର୍ବଦା ଘୂରିଥାଏ । ଏହି କାରଣରୁ ସମୟ ସବୁବେଳେ ବଢିଥାଏ । କେବେ ଭାବିଛନ୍ତି ଯଦି ପୃଥିବୀ ହଠାତ୍ ନିଜ ଅକ୍ଷ ଚାରି ପାଖରେ ଘୂର୍ଣ୍ଣନ ବନ୍ଦ କରିଦିଏ ତେବେ କ’ଣ ଘଟିବ? ଯଦି ନା ତେବେ ଆସନ୍ତୁ ଜାଣିବା ଏହି ରିପୋର୍ଟରୁ…
ବିଜ୍ଞାନ କହେ ପୃଥିବୀ ବୁଲିବା ବନ୍ଦ ହେବା ସମ୍ଭବ ନୁହେଁ, କିନ୍ତୁ ଯଦି ପୃଥିବୀ ଘୂର୍ଣ୍ଣନ ବନ୍ଦ କରେ ତେବେ ଦିନରାତି ବନ୍ଦ ହୋଇଯିବ । ଯଦି ପୃଥିବୀ ସୂର୍ଯ୍ୟ ଚାରିପଟେ ଘୂରି ବୁଲିବ, ତେବେ ସେଠାରେ ୬ ମାସ ଦିନ ଏବଂ ୬ ମାସ ରାତି ହେବ । ପୃଥିବୀର ଚୁମ୍ବକୀୟ କ୍ଷେତ୍ର ନଷ୍ଟ ହେତୁ ମହାକାଶରୁ ଆସୁଥିବା ବିକିରଣ ପୃଥିବୀରେ ପହଞ୍ଚିବ ଏବଂ ଲୋକଙ୍କ ସ୍ୱାସ୍ଥ୍ୟ ଖରାପ ହେବ । ତେବେ ଏଥିରେ ଆହୁରି ମଧ୍ୟ କୁହାଯାଇଛି କି ଯଦି ପୃଥିବୀ ମାତ୍ର ୨ ମିନିଟ୍ ପାଇଁ ଘୂର୍ଣ୍ଣନ ବନ୍ଦ କରେ, ତେବେ ଦୃଶ୍ୟ ଭୟଙ୍କର ହେବ, କାରଣ ପୃଥିବୀ ନିଜ ଅକ୍ଷରେ ଘଣ୍ଟା ପ୍ରତି ୧୦୦୦ ମାଇଲ ବେଗରେ ଘୂର୍ଣ୍ଣନ କରିଥାଏ । ପୃଥିବୀ ଘୂର୍ଣ୍ଣନ ବନ୍ଦ କରିବା ମାତ୍ରେ ଘଣ୍ଟା ପ୍ରତି ୧୦୦୦ ମାଇଲ ବଳ ଦ୍ୱାରା ଆମକୁ ପୂର୍ବ ଆଡ଼କୁ ନିକ୍ଷେପ କରାଯିବ ।
ଯଦି ପୃଥିବୀ ସବୁଦିନ ପାଇଁ ଘୂର୍ଣ୍ଣନ ବନ୍ଦ କରେ ତେବେ ପୃଥିବୀର ଗୋଟିଏ ଭାଗରେ ଦିନ ଏବଂ ଅନ୍ୟ ପଟେ ରାତି ରହିବ । ଏହି କାରଣରୁ ଗୋଟିଏ ଅଂଶର ତାପମାତ୍ରା ବୃଦ୍ଧି ପାଇବ ଏବଂ ଅନ୍ୟ ଅଂଶ ଥଣ୍ଡା ରହିବ । ପୃଥିବୀ ଘୂର୍ଣ୍ଣନ ବନ୍ଦ କରିବାର କାରଣ ହେଉଛି ପୃଥିବୀର ନିଜସ୍ୱ ମାଧ୍ୟାକର୍ଷଣ ଶକ୍ତି ସମାପ୍ତ ହେବ । ଯଦି ଏହା ୨ ମିନିଟ୍ରୁ କମ୍ ସମୟ ପର୍ଯ୍ୟନ୍ତ ଘଟେ ତେବେ ସୂର୍ଯ୍ୟଙ୍କ ମାଧ୍ୟାକର୍ଷଣ ଶକ୍ତି ହେତୁ ପୃଥିବୀ ଅତି ଉଚ୍ଚ ବେଗରେ ଗତି କରିବ । ଏହା ସୂର୍ଯ୍ୟର ମଧ୍ୟଭାଗକୁ ଗତି କରିବ ଏବଂ କିଛି ସମୟ ମଧ୍ୟରେ ଏହା ସୂର୍ଯ୍ୟର ମଧ୍ୟ ଭାଗରେ ପ୍ରବେଶ କରିବ ଏବଂ ସମଗ୍ର ପୃଥିବୀ ସୂର୍ଯ୍ୟଙ୍କ ନିକଟରେ ଅବଶୋଷିତ ହେବ ।
