କାନାଡା ସହ ବିବାଦ ମଧ୍ୟରେ ଆମେରିକା ଭାରତକୁ କହିଲା ପ୍ରକୃତ ବନ୍ଧୁ, ଜାଣନ୍ତୁ ସମ୍ପୂର୍ଣ୍ଣ ତଥ୍ୟ
ନୂଆଦିଲ୍ଲୀ: ଭାରତ ଏବଂ କାନାଡା ମଧ୍ୟରେ କୂଟନୈତିକ ବିବାଦ ଜାରି ରହିଛି। ଭାରତ କାନାଡାକୁ କଡ଼ା ଜବାବ ଦେଇଛି। ନିଜାର ହତ୍ୟା ପାଇଁ କାନାଡାର ପ୍ରଧାନମନ୍ତ୍ରୀ ଭାରତକୁ ଦାୟୀ କରିଥିଲେ। ବିନା ପ୍ରମାଣରେ ଏହି ଅଭିଯୋଗ ଆସିବା ପରେ କାନାଡାର ପ୍ରଧାନମନ୍ତ୍ରୀ ଜଷ୍ଟିନ ଟ୍ରୁଡୋ ସମାଲୋଚନାର ସମ୍ମୁଖୀନ ହୋଇଛନ୍ତି। ଏହି ସମୟରେ, ଭାରତ ଏବଂ କାନାଡା ମଧ୍ୟରେ କୂଟନୈତିକ ବିବାଦ ଉପରେ ଆମେରିକାର ଆଭିମୁଖ୍ୟ ଉପରେ ବିଶ୍ୱର ନଜର ରହିଛି।
ଭାରତ କାନାଡା ବିବାଦକୁ ନେଇ ଏକ ଖବର ବ୍ୟାପିଥିଲା ଯେ, ଆମେରିକାର ରାଷ୍ଟ୍ରଦୂତ ଏରିକ ଗାରକୋଟି ତାଙ୍କ ଦଳକୁ ଭାରତ-ଆମେରିକା ସମ୍ପର୍କକୁ ନେଇ ଚେତାବନୀ ଦେଇଛନ୍ତି। ଯଦିଓ ପରେ ଆମେରିକାର ଦୂତାବାସ ଏହାକୁ ପ୍ରତ୍ୟାଖ୍ୟାନ କରିଛି, ପେଣ୍ଟାଗନ୍ ମଧ୍ୟ ଭାରତ ସହ ଦୃଢ ସମ୍ପର୍କ ପ୍ରତି ପ୍ରତିବଦ୍ଧତାକୁ ଦୋହରାଇଛି। ଶୁକ୍ରବାର ଦିନ ପେଣ୍ଟାଗନ୍ କହିଛି ଯେ, ଆମେରିକା ଭାରତ ସହ ଏକ ଦୃଢ ପ୍ରତିରକ୍ଷା ସହଭାଗିତା ଜାରି ରଖିବ।
ପେଣ୍ଟାଗନ୍ ପ୍ରେସ୍ ସେକ୍ରେଟାରୀ ପ୍ୟାଟ୍ ରାଇଡର୍ କହିଛନ୍ତି, ପ୍ରତିରକ୍ଷା କ୍ଷେତ୍ରରେ ଭାରତ ସହିତ ଆମର ସମ୍ପର୍କକୁ ଆମେ ବହୁତ ପ୍ରଶଂସା କରୁଛୁ। ଆମେ ଭାରତ ସହିତ ଏକ ଦୃଢ ପ୍ରତିରକ୍ଷା ସହଭାଗିତା ବୃଦ୍ଧି କରିବା ଜାରି ରଖିବୁ। ମୁଁ ଭାବୁଛି ଆପଣ ଭବିଷ୍ୟତରେ ମଧ୍ୟ ତାହା କରିବା ଦେଖିବେ। ୧୯୯୭ ରେ ଭାରତ ଏବଂ ଆମେରିକା ମଧ୍ୟରେ ପ୍ରତିରକ୍ଷା ବାଣିଜ୍ୟ ପ୍ରାୟ ଅଳ୍ପ ଥିଲା। ଆଜି ଏହା ୨୦ ବିଲିୟନ ଆମେରିକୀୟ ଡଲାରରୁ ଅଧିକ।
ଏକ ପ୍ରଶ୍ନର ଉତ୍ତରରେ ରାଇଡର୍ କହିଛନ୍ତି ଯେ, ପ୍ରତିରକ୍ଷା ବିଭାଗ ପାଇଁ ଚୀନ୍ ଏକ ନିରନ୍ତର ଚ୍ୟାଲେଞ୍ଜ ହୋଇ ରହିଛି। ରାଷ୍ଟ୍ରମାନଙ୍କର ସାରଭୌମତ୍ଵ ରକ୍ଷା କରିବା ଏବଂ ଆନ୍ତର୍ଜାତୀୟ ନିୟମ ଭିତ୍ତିକ ଆଦେଶ ପାଳନ କରିବା, ଭାରତ ଦୀର୍ଘ ବର୍ଷ ଧରି ଶାନ୍ତି ଏବଂ ସ୍ଥିରତା ବଜାୟ ରଖିଛି। ଇଣ୍ଡୋ-ପାସିଫିକ୍ ଅଞ୍ଚଳର ଅନ୍ୟ ଦେଶମାନଙ୍କ ସହ ଆମର ସହଭାଗିତାକୁ ପ୍ରଶଂସା କରନ୍ତୁ ବୋଲି ସେ କହିଛନ୍ତି।
ରିପୋର୍ଟରେ କୁହାଯାଇଛି ଯେ, ଗାର୍ସେଟ୍ଟି ତାଙ୍କ ଦେଶର ଦଳକୁ କହିଛନ୍ତି ଯେ, କାନାଡା ସହିତ କୂଟନୈତିକ ବିବାଦ ଯୋଗୁଁ ଭାରତ ଏବଂ ଆମେରିକା ମଧ୍ୟରେ ସମ୍ପର୍କ କିଛି ସମୟ ପାଇଁ ଖରାପ ହୋଇପାରେ। ସେ ଏହା ମଧ୍ୟ କହିଛନ୍ତି ଯେ, ଆମେରିକାରେ କିଛି ସମୟ ପାଇଁ ଭାରତୀୟ ଅଧିକାରୀଙ୍କ ସହ ସମ୍ପର୍କ ହ୍ରାସ କରିବାକୁ ପଡିପାରେ। ଦୂତାବାସ ମୁଖପାତ୍ର କହିଛନ୍ତି ଯେ, ଆମେରିକା ଏବଂ ଭାରତ ମଧ୍ୟରେ ଦୃଢ ସହଭାଗିତାକୁ ଗଭୀର କରିବା ପାଇଁ ଗାର୍ସେଟ୍ଟି କଠିନ ପରିଶ୍ରମ କରୁଛନ୍ତି। ସେ ଭାରତରେ ଆମେରିକାର ମିଶନ ସହିତ ଭାରତର ଗୁରୁତ୍ୱପୂର୍ଣ୍ଣ, ରଣନୀତିକ ଏବଂ ଉତ୍ପାଦନକାରୀ ଭାଗିଦାରୀକୁ ଆଗକୁ ନେବା ପାଇଁ କାର୍ଯ୍ୟ କରୁଛନ୍ତି।
