ଏହା କେବଳ ଏକ ସଂଯୋଗ ଅନ୍ୟ କିଛି ନୁହେଁ…ବୁମରାଙ୍କ ଟ୍ରୋଲର୍ସଙ୍କୁ କଡ଼ା ଜବାବ ଦେଲେ ସଚ୍ଚିନ

ନୂଆଦିଲ୍ଲୀ: ନିକଟରେ ଭାରତ ଏବଂ ଇଂଲଣ୍ଡ ମଧ୍ୟରେ ଖେଳାଯାଇଥିବା ପାଞ୍ଚ ମ୍ୟାଚ୍ ବିଶିଷ୍ଟ ଟେଷ୍ଟ ସିରିଜ୍ ୨-୨ରେ ଡ୍ର ଥିଲା। ଏହି ସିରିଜ୍ ରେ ଭାରତୀୟ ଦଳ ୨ଟି ମ୍ୟାଚ୍ ଜିତିଥିଲା ବେଳେ ଇଂଲଣ୍ଡ ଦୁଇଟି ମ୍ୟାଚ୍ ଜିତିଥିଲା। ମାଞ୍ଚେଷ୍ଟରରେ ଖେଳାଯାଇଥିବା ଟେଷ୍ଟ ସିରିଜର ଚତୁର୍ଥ ମ୍ୟାଚ୍ ଡ୍ରରେ ଶେଷ ହୋଇଥିଲା।

ଟିମ୍ ଇଣ୍ଡିଆର ଦୁଇଟି ବିଜୟର ସବୁଠାରୁ ଖାସ କଥା ହେଉଛି ଯେ ଜସପ୍ରୀତ ବୁମରା ସେହି ଦୁଇଟି ମ୍ୟାଚ୍ ରେ ପ୍ଲେଇଂ ଇଲେଭେନର ଅଂଶ ନଥିଲେ । ଏପରି ପରିସ୍ଥିତିରେ ସିରିଜ୍ ଶେଷ ହେବା ପରେ କିଛି ପ୍ରଶଂସକ ବୁମରାଙ୍କୁ ଏହି ବିଷୟରେ ଟ୍ରୋଲ୍ କରିବା ଆରମ୍ଭ କରିଦେଇଛନ୍ତି ।

ଏହାରି ଭିତରେ ମୁହଁ ଖୋଲିଛନ୍ତି ଟିମ୍ ଇଣ୍ଡିଆର ପୂର୍ବତନ କିମ୍ବଦନ୍ତୀ କ୍ରିକେଟର ସଚିନ ତେନ୍ଦୁଲକର । ସେ ଜସପ୍ରୀତ ବୁମରାଙ୍କ ସମର୍ଥନରେ ବାହାରି ଟ୍ରୋଲର୍ସଙ୍କୁ କଡ଼ା ଜବାବ ଦେଇଛନ୍ତି ।

ବୁମରାଙ୍କ ସପୋର୍ଟରେ ସଚ୍ଚିନ- ସଚ୍ଚିନ ଜସପ୍ରୀତ ବୁମରାଙ୍କ ଟ୍ରୋଲକୁ ଏକ ଉପଯୁକ୍ତ ଜବାବ ଦେଇଛନ୍ତି । ସେ କହିଛନ୍ତି ଯେ ଜସପ୍ରୀତ ବୁମରା ମ୍ୟାଚ୍‌ରେ ନ ଖେଳିବା ଏବଂ ଟିମ୍ ଇଣ୍ଡିଆ ସେହି ମ୍ୟାଚ୍‌ଗୁଡ଼ିକ ଜିତିବା କେବଳ ଏକ ସଂଯୋଗ ଏବଂ ଅନ୍ୟ କିଛି ନୁହେଁ । ସଚ୍ଚିନ ରେଡିଟ୍‌ରେ ଏକ ଭିଡିଓରେ କହିଛନ୍ତି ଯେ ମୁଁ ଜାଣିଛି ଲୋକମାନେ ଅନେକ କଥା କହୁଛନ୍ତି ।

ଆମେ ଯେଉଁ ଟେଷ୍ଟରେ ବୁମରା ଖେଳି ନଥିଲେ ସେଗୁଡ଼ିକ ଜିତିଥିଲୁ। ସତ କହିବାକୁ ଗଲେ, ମୋ ପାଇଁ ଏହା କେବଳ ଏକ ସଂଯୋଗ ଏବଂ ଅନ୍ୟ କିଛି ନୁହେଁ । ଏହା ସହିତ ସଚ୍ଚିନ ବୁମରାଙ୍କୁ ଜଣେ ମହାନ ବୋଲର ବୋଲି କହିଥିଲେ ।

ବୁମରା ସବୁ ଖେଳାଳି ତୁଳନାରେ ଭଲ- ଏହି ସମୟ ମଧ୍ୟରେ, ସଚିନ ବୁମରାହଙ୍କୁ ସବୁଠାରୁ କନ୍ସିଷ୍ଟେନ୍ସ ପ୍ଲେୟର ବୋଲି ମଧ୍ୟ କହିଥିଲେ । ସେ ଭିଡିଓରେ କହିଥିଲେ ଯେ ବୁମରାଙ୍କ ପ୍ରଦର୍ଶନ ଉତ୍କୃଷ୍ଟ ହୋଇଛି। ସେ ଏପର୍ଯ୍ୟନ୍ତ ଯାହା କରିଛନ୍ତି ତାହା ଅବିଶ୍ୱସନୀୟ। ମୋ ମତରେ, ସେ ନିସନ୍ଦେହରେ ବର୍ତ୍ତମାନର ସବୁଠାରୁ ସ୍ଥିର ଖେଳାଳି, ମୁଁ ତାଙ୍କୁ ଅନ୍ୟ ଯେକୌଣସି ଖେଳାଳିଙ୍କ ତୁଳନାରେ ଭଲ ବୋଲି ଭାବୁଛି,।