ଆଜି ପଞ୍ଚମ ମ୍ୟାଚ ଟି-୨୦ ମ୍ୟାଚ୍: ସିରିଜ କବଜା ପାଇଁ ମୁହାମୁହିଁ ହେବେ ଭାରତ ଓ ଦକ୍ଷିଣ ଆଫ୍ରିକା, ଦେଖିବାକୁ ମିଳିବ ସଂଘର୍ଷପୁର୍ଣ୍ଣ ମୁକାବିଲା
ବେଙ୍ଗାଲୁର: ଆଜି ବେଙ୍ଗାଲୁରରେ ଖେଳାଯିବ ସିରିଜର ପଞ୍ଚମ ମ୍ୟାଚ ଟି-୨୦ । ଭାରତ ଓ ଦକ୍ଷିଣ ଆଫ୍ରିକା ପାଇଁ ଏହି ମ୍ୟାଚରେ ବିଜୟ ପାଇଁ ନିର୍ଣ୍ଣାୟକ ଭୂମିକା ଗ୍ରହଣ କରିବ । ପ୍ରଥମ ଓ ଦ୍ୱିତୀୟ ମ୍ୟାଚରେ ଦକ୍ଷିଣ ଆଫ୍ରିକା ଠାରୁ ପରାଜୟ ସ୍ୱିକାର କରି ଥିବା ଟିମ ଇଣ୍ଡିଆ ବିଜୟ ଧାରାକୁ ଫେରି ତୃତୀୟ ଓ ଚତୁର୍ଥ ମ୍ୟାଚରେ ସଫଳ ହୋଇ ଥିବାରୁ ପଞ୍ଚମ ମ୍ୟାଚ ଜିତି ପାରିବ ବୋଲି ଅନୁମାନ କରାଯାଏ । ଫଳରେ ମ୍ୟାଚ୍ ସଂଘର୍ଷପୁର୍ଣ୍ଣ ମୁକାବିଲା ଦେଖିବାକୁ ମିଳିବ।
ଘରୋଇ ଗ୍ରାଉଣ୍ଡରେ ଭାରତ ପୂର୍ବରୁ କେବେ ଦକ୍ଷିଣ ଆଫ୍ରିକା ବିପକ୍ଷରେ ଟି-ଟ୍ୱେଣ୍ଟି ସିରିଜ ଜିତିନାହିଁ । ୨୦୧୫ରେ ଦକ୍ଷିଣ ଆଫ୍ରିକା ଏଠାରେ ୩ମ୍ୟାଚ୍ ବିଶିଷ୍ଟ ସିରିଜକୁ ୨-୦ରେ ଜିତିଥିଲା । ୨୦୧୯ରେ ଅନୁଷ୍ଠିତ ସିରିଜ ୧-୧ରେ ଡ୍ର’ ରହିଥିଲା । ଉଭୟ ସିରିଜରେ ଗୋଟିଏ ଲେଖାଏଁ ମ୍ୟାଚ୍ ବର୍ଷା ଯୋଗୁ ବାତିଲ ହୋଇଯାଇଥିଲ । ଏଥର ଭାରତ ନିକଟରେ ସିରିଜ ବିଜୟ ସୁଯୋଗ ରହିଛି । କ୍ରମାନ୍ୱୟରେ ୨ଟି ମ୍ୟାଚ୍ ଜିତିବା ପରେ ଭାରତୀୟ ଦଳର ମନୋବଳ ଦ୍ୱିଗୁଣା ରହିଛି ।
ଅନ୍ୟପଟେ ଦକ୍ଷିଣ ଆଫ୍ରିକା ଅଧିନାୟକ ତେମ୍ବା ବଭୁମା ଆହତ ହୋଇଛନ୍ତି । ସେ ଖେଳିବା ନେଇ ଆଶଙ୍କା ରହିଛି । ବାକି ଖେଳାଳି ଫିଟ୍ ଅଛନ୍ତି । ମୋଟ୍ ଉପରେ ଦେଖିବାକୁ ଗଲେ ଉଭୟ ଦଳର ବୋଲରଙ୍କ ମଧ୍ୟରେ ପ୍ରତିଦ୍ୱନ୍ଦ୍ୱିତା ହେବ ।
