IPL-2024 ରାଜସ୍ଥାନ ବିପକ୍ଷରେ ନୂଆ ଦଳ ବାଛିଲେ ଋତୁରାଜ: ବାଦ୍ ପଡ଼ିଲେ ଷ୍ଟାର କ୍ରିକେଟର
ନୂଆଦିଲ୍ଲୀ: ପୁଣିଥରେ ଘରୋଇ ମାଟିକୁ ଫେରିଛି ପୂର୍ବତନ ଆଇପିଏଲ ଚମ୍ପିଆନ୍ ଚେନ୍ନାଇ ସୁପର କିଙ୍ଗସ । ପ୍ଲେଅଫରେ ଏଣ୍ଟ୍ରି କରିବା ପାଇଁ କସରତ ଜାରି ରଖିଛନ୍ତି ଅଧିନାୟକ ଋତୁରାଜ ଗାଏକ୍ୱାଡ । ଏଥିପାଇଁ ଆଜି ରାଜସ୍ଥାନ ବିପକ୍ଷ ଏହି ମ୍ୟାଚରେ ନୂଆ ଟିମ ସହ ସେ ମଇଦାନକୁ ଓହ୍ଲାଇଛନ୍ତି । ସନ୍-ଡେ ମହାମୁକାବିଲାର ପ୍ରଥମ ମ୍ୟାଚରେ ମୁହାଁମୁହିଁ ହୋଇଛନ୍ତି ଚେନ୍ନାଇ ସୁପର କିଙ୍ଗସ ଏବଂ ରାଜସ୍ଥାନ ରୋୟଲ୍ସ । ତେବେ ପଏଣ୍ଟ ଟେବୁଲରେ ପ୍ଲେଅଫ୍ ସ୍ଥାନ ପକ୍କା କରିବା ପାଇଁ ଉଭୟ ଦଳ ମଧ୍ୟରେ ହେବ ଲଢେଇ । ତେବେ ଏଥିପାଇଁ ଋତୁରାଜ ପ୍ଲେଇଙ୍ଗ-୧୧ରେ ବଡ଼ ପରିବର୍ତ୍ତନ କରିଛନ୍ତି ।
𝗠𝗮𝘁𝗰𝗵𝗱𝗮𝘆 𝗠𝗼𝗱𝗲 🔛
💛 🆚 🩷
Let's see which team turns 🔛 the heat in Chennai? 😄
Follow the Match ▶️ https://t.co/1JsX9W2grC#TATAIPL | #CSKvRR pic.twitter.com/yMISI0E3JU
— IndianPremierLeague (@IPL) May 12, 2024
ଚେନ୍ନାଇ ବିପକ୍ଷ ମ୍ୟାଚରେ ଟସ୍ ଜିତି ପ୍ରଥମେ ବ୍ୟାଟିଂ ପାଇଁ ନିଷ୍ପତ୍ତି ନେଇଛନ୍ତି ରାଜସ୍ଥାନ ଅଧିନାୟକ ସଞ୍ଜୁ ସାମସନ୍ । ଏହି ମ୍ୟାଚରେ ରାଜସ୍ଥାନ ଅଧିନାୟକ ସଞ୍ଜୁ ୱିକେଟ କିପର ବ୍ୟାଟର ଧ୍ରୁବ ଜୁରେଲଙ୍କ ପାଇଁ କମବ୍ୟାକ ସୁଯୋଗ ଦେଇଛନ୍ତି । ଚଳିତ ସିଜନରେ ଉଭୟ ଦଳ ଆଜି ପ୍ରଥମ ଥର ମୁହାଁମୁହିଁ ହୋଇଛନ୍ତି । ତେବେ ଏହି ମ୍ୟାଚରେ ବିଜୟ ହେଲେ ରାଜସ୍ଥାନ ଦ୍ୱିତୀୟ ଦଳ ଭାବରେ ପ୍ଲେଅଫରେ ସ୍ଥାନ ପକ୍କା କରିବ । ସେହିପରି ପ୍ଲେଅଫରେ ଏଣ୍ଟ୍ରି କରିବାକୁ ଚେନ୍ନାଇ ପାଇଁ ଏହି ମ୍ୟାଚ ଖୁବ ଗୁରୁତ୍ୱପୂର୍ଣ୍ଣ ରହିଛି । ତେଣୁ ପୂର୍ବ ମ୍ୟାଚର ପରାଜୟକୁ ଭୁଲି ଋତୁରାଜ ନୂଆ ଦଳ ଚୟନ କରିଛନ୍ତି । ଷ୍ଟାର ସ୍ପିନର ମିଚେଲ ସାଣ୍ଟନରଙ୍କ ସ୍ଥାନରେ ମହୀଷ ଥୀକ୍ଷଣାଙ୍କୁ ଦଳରେ ସାମିଲ କରିଛି ଚେନ୍ନାଇ ।
ସେହିପରି ସଞ୍ଜୁ ସାମସନଙ୍କ ନେତୃତ୍ୱରେ ରାଜସ୍ଥାନ ବିଜୟ ଟ୍ରାକକୁ ଫେରିବାକୁ ଚେଷ୍ଟା କରିବ । ପୂର୍ବ ୨ଟି ମ୍ୟାଚରେ ରାଜସ୍ଥାନ ପରାଜୟର ସାମନା କରିଥିବା ବେଳେ ଚେନ୍ନାଇ ଗୋଟିଏ ବିଜୟ ଏବଂ ଗୋଟିଏ ପରାଜୟ ବରଣ କରିଛି । ତେଣୁ ଦଳରେ ମହୀଷ ଥୀକ୍ଷଣା ଭୂମିକା ଗୁରୁତ୍ୱପୂର୍ଣ୍ଣ ବହନ କରିବେ ବୋଲି ଆଶା କରାଯାଉଛି ।
ରାଜସ୍ଥାନ ପ୍ଲେଇଙ୍ଗ-୧୧: ଯଶସ୍ୱୀ ଜଏସ୍ୱାଲ, ଜୋସ ବଟଲର, ସଞ୍ଜୁ ସାସମନ୍(ଅଧିନାୟକ), ରିୟାନ ପରାଗ, ଶୁଭମ ଦୁବେ, ଧ୍ରୁବ ଜୁରେଲ, ରବିଚନ୍ଦ୍ରନ ଅଶ୍ୱୀନ, ଟ୍ରେଣ୍ଟ ବୋଲ୍ଟ, ଆବେଶ ଖାନ୍, ସନ୍ଦୀପ ଶର୍ମା, ୟୁଜବେନ୍ଦ୍ର ଚହଲ ।
ଚେନ୍ନାଇ ପ୍ଲେଇଙ୍ଗ-୧୧: ରଚିନ୍ ରବିନ୍ଦ୍ର, ଋତୁରାଜ ଗାଏକ୍ୱାଡ(ଅଧିନାୟକ), ଡାରିଲ ମିଚେଲ, ମୋଇନ୍ ଅଲୀ, ଶିବମ ଦୁବେ, ରବିନ୍ଦ୍ର ଜାଡେଜା, ଏମ.ଏସ ଧୋନୀ, ଶାର୍ଦ୍ଦୁଳ ଠାକୁର, ତୁଷାର ଦେଶପାଣ୍ଡେ, ସିମରଜିତ ସିଂହ, ମହୀଷ ଥୀକ୍ଷଣା
