ଅଷ୍ଟ୍ରେଲିଆ ଯିବାକୁ ପ୍ରସ୍ତୁତ ଶାମୀ? AUs vs IND ଦ୍ୱିତୀୟ ଟେଷ୍ଟ ଭିତରେ ବଡ଼ ଖବର ପାଇଲା ଟିମ ଇଣ୍ଡିଆ

ନୂଆଦିଲ୍ଲୀ: ଅଷ୍ଟ୍ରେଲିଆ ବିପକ୍ଷ ଦ୍ୱିତୀୟ ଟେଷ୍ଟରେ ସଂଘର୍ଷ କରୁଛି ଟିମ ଇଣ୍ଡିଆ । ପ୍ରଥମ ଇନିଂସରେ ଅଷ୍ଟ୍ରେଲିଆର ବଡ଼ ପାଳିକୁ ପିଛା କରି ବ୍ୟାକଫୁଟରେ ରହିଛି ରୋହିତ ସେନା । ଦ୍ୱିତୀୟ ଇନିଂସରେ ଭାରତ ମାତ୍ର ୧୨୮ ରନରେ ୫ଟି ୱିକେଟ ହରାଇ ସାରିଛି । ତେବେ ଦଳର ଏଭଳି ମୁହୂର୍ତ୍ତରେ ଟିମ ଇଣ୍ଡିଆକୁ ମିଳିଛି ଏକ ବଡ଼ ଖବର । ଷ୍ଟାର ବୋଲର ମହମ୍ମଦ ଶାମୀଙ୍କୁ ନେଇ ଏହି ବଡ଼ ଖବର ଦେଇଛି ନେସନାଲ କ୍ରିକେଟ ଏକାଡେମୀ । ଗତ କିଛି ଦିନରୁ ଶାମୀଙ୍କୁ ଅଷ୍ଟ୍ରେଲିଆ ସିରିଜରେ ଏଣ୍ଟ୍ରି ମିଳିବା ନେଇ ଚର୍ଚ୍ଚା ହେଉଛି । ଏହାଭିତରେ ଯାଞ୍ଚ ପରେ ଶାମୀଙ୍କ ଅଷ୍ଟ୍ରେଲିଆ ଗସ୍ତ ଉପରେ ବଡ଼ ସଂକେତ ଦେଇଛି ଏନସିଏ ।

ଆହତ ସମସ୍ୟା ଯୋଗୁଁ ଦୀର୍ଘ ର୍ବେକ ପରେ କ୍ରିକେଟ ମଇଦାନକୁ ପେରିଛନ୍ତି ମହମ୍ମଦ ଶାମୀ । ବର୍ତ୍ତମାନ ସୟଦ ମୁସ୍ତାକ ଅଲୀ ଟ୍ରଫି(ବେଙ୍ଗଲ) ଖେଳୁଛନ୍ତି ଶାମୀ । ତେବେ ଏହା ଭିତରେ ଏନସିଏ ଏବଂ ବିସିସିଆଇର ଚୟନ କମିଟି ଶାମୀଙ୍କ ଫିଟନେସ ଉପରେ ନଜର ରଖିଛନ୍ତି । ତେବେ ଶାମୀ ଖୁବଶୀଘ୍ର ଅଷ୍ଟ୍ରେଲିଆ ଗସ୍ତରେ ଯାଇପାରବନ୍ତି ବୋଲି ଆଶା କରାଯାଉଛି । ତେବେ ଏ ନେଇ ଏନସିଏ ତରଫରୁ ବର୍ତ୍ତମାନ ସୁଦ୍ଧା କୌଣସି ସ୍ପଷ୍ଟ ସୂଚନା କିମ୍ବା ଘୋଷଣା ମିଳିନାହିଁ । ନେସନାଲ ସିଲେକ୍ଟର ଶିବସୁନ୍ଦର ଦାସ, ବିସିସିଆଇର ସାଇନ୍ସ ୱିଙ୍ଗ ହେଡ୍ ନୀତିନ ପଟେଲ ଏବଂ ଷ୍ଟ୍ରେନ୍ଥ ଆଣ୍ଡ କଣ୍ଡିସନିଙ୍ଗ ଟ୍ରେନର ନିଶାନ୍ତ ବରଦୁଲେ ଶାମୀଙ୍କ ଫିଟନେସ ଉପରେ ଲଗାତାର ନଜର ରଖିଛନ୍ତି ।

ବିସିସିଆଇର ସାଇନ୍ସ ୱିଙ୍ଗ ବର୍ତ୍ତମାନ ସୁଦ୍ଧ ବୋର୍ଡକୁ ଶାମୀଙ୍କ କ୍ଲିଅରାନ୍ସ ରିପୋର୍ଟ ଦେଇନାହିଁ । ତେଣୁ ସେ ବର୍ତ୍ତମାନ ଅଷ୍ଟ୍ରେଲିଆ ଯିବେ ନାହିଁ ଏବଂ ସୟଦ ମୁସ୍ତାକ ଅଲୀ ଟ୍ରଫି ଖେଳ ଜାରି ରଖିବେ । ତେବେ ଏହି ଟୁର୍ଣ୍ଣାମେଣ୍ଟରେ ବେଙ୍ଗଲ ବର୍ତ୍ତମାନ ନକ୍-ଆଉଟ୍ ଷ୍ଟେଜରେ ରହିଛି । ତେଣୁ ଏହି ଗୁରୁତ୍ୱପୂର୍ଣ୍ଣ ମ୍ୟାଚରେ ଶାମୀଙ୍କ ଖେଳିବା ସୁନିଶ୍ଚିତ କୁହାଯାଇପାରେ । ସେପଟେ ଟିମ ଇଣ୍ଡିଆରେ ସ୍ଥାନ ପାଇବା ପାଇଁ ଶାମୀଙ୍କୁ କିଛି ସମୟ ଅପେକ୍ଷା କରିବାକୁ ପଡ଼ିବ ବୋଲି ଅନୁମାନ କରାଯାଇଛି ।