(Video) ପଡିଆ ଭିତରେ ଜାଡେଜା-ୱାର୍ଣ୍ଣର ଲାଗିଗଲେ ଲଢେଇ: ନିଜକୁ ରୋକି ପାରିଲେନି ଖେଳାଳି
ନୂଆଦିଲ୍ଲୀ: ଚଳିତ ସିଜନର ଶେଷ ଲିଗ୍ ମ୍ୟାଚରେ ଦିଲ୍ଲୀ କ୍ୟାପିଟାଲ୍ସକୁ ମାତ୍ ଦେଇ ପ୍ଲେ-ଅଫରେ ପାଦ ଥାପିଛି ଚେନ୍ନାଇ ସୁପର କିଙ୍ଗସ । ଦିଲ୍ଲୀ ଉପରେ ୭୭ ରନର ଏକ ବିଶାଳ ବିଜୟ ହାସଲ କରିଛି ଧୋନୀବାହିନୀ । ତେବେ ଏହି ମ୍ୟାଚରେ ଆଉ ଏକ ଘଟଣା ଏବେ ଚର୍ଚ୍ଚାକୁ ଆସିଛି । ମ୍ୟାଚ ବେଳେ ପଡିଆ ଭିତରେ ଦେଖିବାକୁ ମିଳିଛି ଜାଡେଜା-ୱାର୍ଣ୍ଣର ଲଢେଇ । ଏହି ଘଟଣାର ଏକ ଦମଦାର ଭିଡିଓ ବର୍ତ୍ତମାନ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ଏହି ଲଢେଇକୁ ଭାଙ୍ଗିବା ପରିବର୍ତ୍ତେ ଉଭୟ ଦଳର ଖେଳାଳିଙ୍କ ସହ ଅମ୍ପାୟର ଏବଂ ଦର୍ଶକ ମଧ୍ୟ ଏହାର ମଜା ଉଠାଇଥିଲେ । ଜାଡେଜା ୱାର୍ଣ୍ଣରଙ୍କୁ ବଲ ଫିଙ୍ଗିବା ପାଇଁ ଚେଷ୍ଟା କରିଥିବା ବେଳେ ୱାର୍ଣ୍ଣର ବ୍ୟାଟରେ ତାଙ୍କୁ ଇସାରା କରିଥିଲେ ।
ତେବେ ଏଭଳି ଏକ ଘଟଣା ଦେଖିବାକୁ ମିଳିଛି ଦିଲ୍ଲୀ କ୍ୟାପିଟାଲ୍ସର ବ୍ୟାଟିଂ ସମୟରେ । ଜାଡେଜାଙ୍କ ଥ୍ରୋ’ରେ ଡାଇଭ ଲଗାଇ ନିଜ ୱିକେଟକୁ ବଞ୍ଚାଇ ଦେଇଥିଲେ । ତେବେ ବଲ ୱିକେଟରେ ନ ବାଜି ଅନ୍ୟ ପଟେ ଆଜିଙ୍କ୍ୟା ରାହାଣେଙ୍କ ହାତକୁ ଚାଲି ଯାଇଥିଲା । ଏହାପରେ ପୁଣିଥରେ ୱାର୍ଣ୍ଣର ରନ ନେବାକୁ ଚେଷ୍ଟା କରିବା ବେଳେ ରାହାଣେ ମଧ୍ୟ ଥ୍ରୋ କରିଥିଲେ । କିନ୍ତୁ ଫଳ ପୁଣି ଥରେ ସମାନ ହିଁ ରହିଥିଲା । ୱାର୍ଣ୍ଣର ନିଜ ୱିକେଟ ରୋକିବାରେ ସମର୍ଥ ହୋଇଥିଲେ । ଏହାପରେ ବଲ ବର୍ତ୍ତମାନ ଜାଡେଜାଙ୍କ ହାତରେ ଥିଲା ଏବଂ ୱାର୍ଣ୍ଣର କ୍ରିଜ ବାହାରେ । ତେଣୁ ଜାଡେଜା ୱିକେଟକୁ ବଲ ଥ୍ରୋ କରିବାର ଭୟ ଦେଖାଇ ୱାର୍ଣ୍ଣରଙ୍କୁ କ୍ରିଜ ଭିତରକୁ ଯିବା ପାଇଁ ଚେତାବନୀ ଦେଉଥିଲେ । ୱାର୍ଣ୍ଣର ମଧ୍ୟ ଖୁବ ମଜାକିଆ ଅନ୍ଦାଜରେ ଏହାର ପାଲଟା ଜବାବ ଦେଇଛନ୍ତି । ପ୍ରଥମେ ୱାର୍ଣ୍ଣର ଜାଡେଜାଙ୍କୁ ବ୍ୟାଟ ଦେଖାଇ ଇସାରା କରିଥିଲେ ଏବଂ ପରେ ଜାଡେଜାଙ୍କ ଷ୍ଟାଇଲରେ ବ୍ୟାଟକୁ ଖଣ୍ଡା ଭଳି ବୁଲାଇ ତାଙ୍କର ନକଲ କରିଛନ୍ତି ।
The mind-games have hit a new high here in Delhi 😃#TATAIPL | #DCvCSK | @imjadeja | @davidwarner31
Watch the Warner 🆚 Jadeja battle here 🎥🔽 pic.twitter.com/o5UF6U2sAY
— IndianPremierLeague (@IPL) May 20, 2023
ତେବେ ଜାଡେଜା ଏବଂ ୱାର୍ଣ୍ଣରଙ୍କର ଏହି ଲଢେଇକୁ ଭାଙ୍ଗିବା ପାଇଁ କେହି ମଝିରେ ଆସି ନଥିଲେ । କାରଣ ଏହି ଲଢେଇ ଆଗ୍ରେସିଭ ଲଢେଇ ନୁହେଁ, ବରଂ ଦର୍ଶକଙ୍କୁ ମଜାକ ଏବଂ ରୋମାଞ୍ଚ ଦେବାର ଏକ ଖୁରାକ ଯୋଗାଇ ଦେଇଥିଲା । ତେଣୁ କ୍ୟାପଟେନ କୁଲ ମାହି ଏବଂ ଅମ୍ପାୟାରଙ୍କ ସହ ଦର୍ଶକ ମଧ୍ୟ ଦୁଇ ଜଣକର ଏପରି ମସ୍ତିକୁ ଖୁବ ଉପଭୋଗ କରିଥିଲେ । ତେବେ ଏପରି ମଜାକିଆ ଘଟଣା ପରେ ପଡିଆରେ ଉପସ୍ଥିତ ସମସ୍ତେ ହସି ହସି ବେଦମ ହୋଇଛନ୍ତି । ଷ୍ଟାର ଅଲରାଉଣ୍ଡର ଜାଡେଜା ନିଜ ହସକୁ ନିୟନ୍ତ୍ରଣ କରିପାରି ନଥିଲେ । ଉଭୟ ଖେଳାଳିଙ୍କର ଏମଳି ମସ୍ତି ଭିଡିଓ ବର୍ତ୍ତମାନ ସୋସିଆଲ ମିଡିଆରେ ଟ୍ରେଣ୍ଡକୁ ଆସିଛି । ଅନେକ ଲୋକ ଏହାକୁ ପସନ୍ଦ କରିଥିବା ବେଳେ ଭିନ୍ନ ଭିନ୍ନ କମେଣ୍ଟ ମଧ୍ୟ ଦେଇଛନ୍ତି ।
