ଜେଡିୟୁ ନେତ୍ରୀଙ୍କୁ ମାଡ ସହ ଜୋତା ମାଳ, ଭିଡିଓ ଭାଇରାଲ
ପାଟନା: ବିହାରରେ ଲଜ୍ଜାଜନକ ଘଟଣା । ଶାସକ ଦଳର ଜଣେ ମହିଳା ଜିଲ୍ଲା ଅଧ୍ୟକ୍ଷାଙ୍କୁ ସ୍ଥାନୀୟ ଲୋକେ ସର୍ବସମ୍ମୁଖରେ ଆଖିବୁଜା ମାଡ ମାରିବା ସହ ତାଙ୍କ ଗଳାରେ ଚପଲ ହାର ପିନ୍ଧାଇ ଦେଇଛନ୍ତି । ମାଡ ମାରିବା ପରେ ଚପଲ ପିନ୍ଧାଇବାର ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । କିନ୍ତୁ କଣ ପାଇଁ ଜଣେ ମହିଳାଙ୍କ ସହ ଏମିତି ଦୁର୍ବ୍ୟବହାର କରାଯାଇଛି ତାର କାରଣ ଜଣାପଡି ନାହିଁ । କୁହାଯାଉଛି ଫେସବୁକ ବିବାଦ ପରେ ଏମିତି ହୋଇଛି । ଏବେ ସେହି ନେତ୍ରୀଙ୍କ ଅବସ୍ଥା ଗୁରୁତର ଥିବାରୁ ତାଙ୍କୁ ହସ୍ପିଟାଲରେ ଭର୍ତ୍ତୀ କରାଯାଇଛି ।
ବିହାରର ସୀତାମଣ୍ଡି, ବୈରଗାନିୟାର ଜେଡିୟୁ ଜିଲ୍ଲାଧ୍ୟକ୍ଷା କାମିନୀ ଅଛନ୍ତି । ବୁଧବାର ଅଞ୍ଚଳରେ ହୋଇଥିବା ଏକ ପାର୍ଟି କାର୍ଯ୍ୟକ୍ରମରେ ତାଙ୍କୁ ଡକାଯାଇନଥିଲା । ସନ୍ଧ୍ୟାରେ ଏହାକୁ ନେଇ ଫେସବୁକରେ ବିବାଦ ସୃଷ୍ଟି ହୋଇଥିଲା । ଘଟଣାକୁ ନେଇ ସୋସିଆଲ ମିଡିଆ ୟୁଜର୍ସ ଦୁଇ ଗୋଷ୍ଠୀ ହୋଇଯାଇଥିଲେ । ଗୁରୁବାର ସକାଳୁ ଜିଲ୍ଲାଧ୍ୟକ୍ଷା ଓା୍ୱର୍ଡ ମେମ୍ବରଙ୍କ ଘରକୁ ଯାଇଥିଲେ । ଉଭୟଙ୍କ ମଧ୍ୟରେ ପାଟିତୁଣ୍ଡ ହୋଇଥିଲା ।
ଏହା ପରେ ସ୍ଥାନୀୟ ଲୋକ ଜିଲ୍ଲାଅଧ୍ୟକ୍ଷାଙ୍କୁ ଘେରିଯିବା ସହ ତାଙ୍କୁ ନିର୍ଧୁମ ପିଟିଥିଲେ । ଏମିତି ପିଟିଲେ କି ଦରମରା ହୋଇଗଲେ । ତଥାପି ଲୋକଙ୍କ ରାଗ ଶାନ୍ତ ହୋଇନଥିଲା । ତାଙ୍କ ବେକରେ ଜୋତା ମାଳ ପିନ୍ଧାଇ ଦେଇଥିଲେ । ନେତ୍ରୀଙ୍କ ବେକରେ ଜୋତା ମାଳ ପକାଇବା ସହ ତାଙ୍କୁ ଚୋର ଚୋର କହିଥିଲେ । ଏହି ଜୋତା ପିନ୍ଧାଇବାର ଦୃଶ୍ୟ ରେକର୍ଡ କରି ସୋସିଆଲ ମିଡିଆରେ ଅପଲୋଡ କରାଯାଇଥିଲା, ଯାହା ଭାଇରାଲ ହେବାରେ ଲାଗିଛି ।
ରାଜ୍ୟରେ ଜେଡିୟୁ କ୍ଷମତାରେ ଥିବା ବେଳେ ଦଳୀୟ ନେତ୍ରୀଙ୍କ ପ୍ରତି ଏମିତି ବ୍ୟବହାର ଏବେ ସବୁଠି ଚର୍ଚ୍ଚାରେ । ତେବେ ଏମିତି ଘଟଣା କାହିଁକି ଘଟିଲା ତାର କାରଣ ଜଣାପଡିନାହିଁ । ଲୋକଙ୍କ ମାଡ ପରେ ଜେଡିୟୁ ନେତ୍ରୀ ଗୁରୁତର ହୋଇ ସ୍ଥାନୀୟ ହସ୍ପିଟାଲରେ ଭର୍ତ୍ତି ହୋଇଛନ୍ତି । ସେପଟେ ତାଙ୍କ ପରିବାର ଲୋକ ଘଟଣାକୁ ନେଇ କିଛି କହୁନାହାନ୍ତି ।
 
बिहार सीतामढ़ी में शर्मनाक वारदात बैरगनिया में #JDU महिला सेल की जिलाध्यक्ष की सरेआम पिटाई की गई है। महिला जिलाध्यक्ष को चप्पल की माला पहनाकर सड़क पर घुमाया गया.
कहां हैं नीतीश जी? आपके पार्टी के लोगों के साथ ऐसा दुर्व्यवहार कैसे कोई कर रहा है..?
कब लीजिएगा संज्ञान @NitishKumar pic.twitter.com/eCgOosT0TN— Ashish Gupta (@agupta_office) September 19, 2024
;
