(Video)ନିିମ୍ବ ଗଛରେ ଫଳୁଛି ଆମ୍ବ; ମନ୍ତ୍ରୀଙ୍କ ବଗିଚାରେ ଅଜବ ଦୃଶ୍ୟ, ବୈଜ୍ଞାନିକ କହିଲେ ଏହାର କାରଣ
ଭୋପାଳ: ମଧ୍ୟପ୍ରଦେଶ ଭୋପାଳରେ କିଛି ଅଜବ ଦୃଶ୍ୟ ନଜରକୁ ଆସିଛି । ଏଠାରେ ଏକ ନିମ୍ବ ଗଛରେ ଆମ୍ବ ଫଳିଥିବାର ଦେଖିବାକୁ ମିଳିଛି । ମଧ୍ୟପ୍ରଦେଶର ପଞ୍ଚାୟତ ଓ ଗ୍ରାମୀଣ ବିକାଶ ମନ୍ତ୍ରୀ ପ୍ରହଲ୍ଲାଦ ପଟେଲଙ୍କ ବଙ୍ଗଳା ଏବେ ଏହି କାରଣରୁ ଚର୍ଚ୍ଚାର କାରଣ ପାଲଟିଛି । ଏଠାରେ ଏକ ନିମ୍ବ ବୃକ୍ଷ ରହିଛି । କିନ୍ତୁ ଏଥିରେ ଫଳିଥିବା ଫଳ ଆମ୍ବ ପରି ଦେଖାଯାଉଛି । ଶନିବାର ଯେତେବେଳେ ଏହି ଗଛ ଉପରେ ମନ୍ତ୍ରୀଙ୍କ ନଜର ପଡିଛି ସେତେବେଳେ ସେ ଚକିତ ହୋଇପଡିଛନ୍ତି । ସେ ନିଜେ ସୋସିଆଲ ମିଡିଆରେ ଏହି ବୃକ୍ଷର ଫଟୋ ଓ ଭିଡିଓ ସେୟାର କରିଛନ୍ତି । ଏହାପରେ ସବୁଆଡେ ଏବେ ଏହି ବୃକ୍ଷକୁ ନେଇ ଚର୍ଚ୍ଚା ହେଉଛି ।
आज भोपाल निवास पर नीम के वृक्ष पर आम के फल देखकर नज़दीक जाकर देखा तो मन गदगद हो गया ।किसी हुनरमंद बागवान ने वर्षों पहले यह प्रयोग किया होगा जो अचंभे से कम नहीं है । pic.twitter.com/TmZ2I0rfjT
— Prahlad Singh Patel (मोदी का परिवार) (@prahladspatel) May 24, 2024
ମନ୍ତ୍ରୀ ପ୍ରହଲ୍ଲାଦ ପଟେଲଙ୍କ ନିବାସ ଭୋପାଳର ପ୍ରଫେସର କଲୋନୀ ନିକଟରେ ଥିବା ସିଭିଲ୍ ଲାଇନ୍ ସ୍ଥିତ ବି-୭ ବଙ୍ଗଳାରେ ରହିଛି । ତାଙ୍କ ବଙ୍ଗଳା ଚାରିପଟେ ବହୁ ସଂଖ୍ୟାରେ ଗଛ ଲତା ଲାଗିଛି । ଯାହାଫଳରେ ବଙ୍ଗଳାର ସବୁଜିମା ସମସ୍ତଙ୍କ ଦୃଷ୍ଟି ଆକର୍ଷଣ କରିଥାଏ । ଏହାରି ମଧ୍ୟରେ ଗୋଟିଏ ନିମ୍ବ ବୃକ୍ଷ ରହିଛି ଯେଉଁଥିରେ ଆମ୍ବ ଫଳିଥିବାର ନଜର ଆସିଛି । ଶନିବାର ମନ୍ତ୍ରୀ ବଙ୍ଗଳାର ନୀରିକ୍ଷଣ କରୁଥିବା ବେଳେ ତାଙ୍କ ନଜରରେ ଏହା ପଡିବାରୁ ସେ ଆଶ୍ଚର୍ଯ୍ୟ ହୋଇଯାଇଥିଲେ । ୩୦ ବର୍ଷର ଏହି ପୁରୁଣା ନିମ୍ବ ଗଛରେ କିଭଳି ଆମ୍ବ ଫଳିଲା ସେ ସଂପର୍କରେ ଉଦ୍ଭିଦ ବିଜ୍ଞାନୀ କୃଷ୍ଣା ବରମୈୟା କହିଛନ୍ତି ବହୁ ବର୍ଷ ତଳେ ଏହି ନିମ୍ବ ଗଛରେ ଆମ୍ବ ଡାଳର କ୍ରାଫ୍ଟିଙ୍ଗ କରାଯାଇଥିବ । ବୃକ୍ଷରେ ଜେନେଟିକ୍ ସମସ୍ୟା ସୃଷ୍ଟି ହୋଇ ନ ଥାଏ । ତେଣୁ ନିମ୍ବ ଗଛରେ ଆମ୍ବ ଡାଳ ଫିଟ୍ ହୋଇଯାଇଥିଲା ଓ ଏବେ ଏହା ଫଳ ଦେବା ଆରମ୍ଭ କରିଛି । ଗଛ ଲତାରେ ଏହା ସମ୍ଭବ ହୋଇଥାଏ କିନ୍ତୁ ମନୁଷ୍ୟଙ୍କ କ୍ଷେତ୍ରରେ ଏହା ସମ୍ଭବ ହୋଇ ନ ଥାଏ ।
